من صفخة الفنانه الشاعره نجاة عثمان
ياترى..جي ..تك..محبّة..؟؟
أم مسبّة؟
نقفل الأخلاقو زيّك..
أوضة بى مفتاح وضبّة…
نابى للريح أن تسافر..
من نواحيك للأحبّة..
ياترى..هل زول بعرفك؟؟
تبقي في تاريخو كذبة..؟؟
خلّى من الخجلة حبّة؟؟
أم تسوّدت الصحائف..
للهمج..الجانا طبّ..
ياترى..هل فيك حاجة؟؟
يمكن العالم تحبّا؟؟
صرت أمثولة..فضائح..
والعجيبة..الحالة..دابك..
شفنا كل الفعلة كعبة..
ياطراشي..رضّعك ..
تيس دمّو فاشي..؟؟
أم جنون وعليكي طبّا..
حالة حيّرت الأطبّا..
حربوية إنتي..؟؟
واخراشي..
من متين طعموكي..ترمس..
أم حقد جوّاكي شبّ؟؟
ياترى…ورّينا عقلك..
كيف تخبّى..
أم شرد ذهنك..وظنت..
أمنياتك..دهبة صبّة..
ياترى..السودان ده بلدك؟
تل أبيب..نادباكي ندبة..؟؟
فيكي من الناس..صفات..
أم وحش من غابة ربّى؟
كل يوم..بترامى عنّك..
ذم..وسيرة بغيضة..
من أسوأها أنبا..
ياطراش…آثار حشاشة..
ولا وشك فيهو ندبة..
هل زرتي قربى..
أم نكرتي..وصرتي طايرة..
وزي فراشة..
ياترى..لميتي صاحبتك..
وهل بتديك منو شاشها..
أم حبوب..تبقى الذنوب..
وإنتو للأوساخ مكبّة..