Laa-Laa لا لا موقع شباب السودان الحر
ازهري محمد علي
قاعدين في بيوتنا وما طالعين
اها. هاااادي قعدة وركلسة
قاعدين وماداسنها
في شنو الكضب والدسدسة
لا نحن ماشين الشغل
لا اولادنا يمشوا المدرسة
أدخل برندات البيوت
وانزعنا من حضن الولاد
وانسف مكان الوسوسة
نبقى نحن المعدمين
وتبقى أنت الظالم القاسي النسي
المستبد حد الجنون والقطرسة
الليلة قاعدين في البيوت
بالحب ولادنا نونسة
وبكرة الشوارع المابتخون
في ايده غصة ومكنسة
#العصيان_المدني_السوداني_19ديسمبر
