Laa-Laa لا لا موقع شباب السودان الحر
????الاتصالات يد الحكومة البتوجعها
———
سلامات شباب ..
كامتداد للحراك الجماهيري في اقتراح متناقل عن حملة جديدة .
الفكرة الأساسية هي محاربة شركات الاتصالات .. واجبارها علي تخفيض أسعار خدماتها .
الكلام ده بتم كيف؟
بتم كالآتي :
خلال ثلاثة أيام متتالية الاثنين .. الثلاثاء .. الأربعاء ..
كل يوم مخصص لشركة اتصال واحدة .
يوم الاثنين الساعة السابعة مساءا كل زول بيستخدم شبكة اريبا (MTN ) يغلق الجوال لمدة نصف ساعة .. يعني لحدي سبعة ونصف .
يوم الثلاثاء نفس الحاجة دي يعملوها مستخدمي شبكة سوداني .
يوم الأربعاء مخصص لمستخدمي شبكة زين .
طيب البحصل شنو لمن كل الناس المستخدمة للشبكة تغلق الجوالات في وقت واحد وتفتح الجولات في وقت واحد ؟
البحصل انو لحظة فتح الجولات في وقت واحد هو أن سيرفر الشركة بيتضرر بشدة ..يعني الشركة بتحصل ليها خسارة كبيرة جدا لصيانة السيرفر .
عشان كدة الشركات دي حاتركع وتخفض قيمة الخدمات البتقدمة للجمهور .
لو ما خفضت حنكرر العصيان كل مره..
وما تنسوا دي الشركات البتجسس علينا برضو وبتساعد في اعتقال الشرفاء.
لو الفكرة عجبتكم وناوين تشاركونا انشروا الهاشتاق التالي
#الاتصالات_قبلنا_عليكم _عصيان_مدني
#سوداني_قبّلنا_عليكم_عصيان_مدني
#زين_قبّلنا_عليكم_عصيان_مدني
#اريبا_قبّلنا_عليكم_عصيان_مدني
