Laa-Laa لا لا موقع شباب السودان الحر
الإبتزاز عارفنو منهج أصيل في حزب الأمة على مر تاريخ التحالفات والإستهبال برضو معروف ، بس المرة دي بستهبلو على منو ؟! على الشعب السوداني مثلاً؟! والشعب السوداني أصبح فاهم ألاعيب حزب الأمة وإمامه المتمهدي جيداً كما فهمه لألاعيب نظام نسيبه وحليفه الترابي؟!
يا حزب الأمة وإمامه المتمهدي، الإبتزاز مارسوهو جوا في قحت لكن ما تجو تستهبلو على الشعب السوداني، عشان الشعب السوداني فاهمكم كويس، يعني ما تشاكلو مع قحت وتبتزوها بحركة إنكم جمدتو عضويتكم عشان عاوزين تستخوزوا على كل الولايات وكمان لستة الولاة المرشحينهم مليانة كيزان وأمنجية، وتطلعوا بتصريحات للجماهير بإنكم جمدتو العضوية في قحت عشان إصلاحها وإصلاح مسارها وإنتو الخربتوها وقعدتو على تلها، وإنكم جمدتوها لأجل تحقيق أهداف الثورة الإنحرفت عنها قحت بتخطيطكم وتخطيط إمامكم المتمهدي مع النظام ورئيس جهاز أمنه قوش ولجنته الأمنية للإستيلاء والسيطرة عليها حتى تتمكنوا من إجهاض الثورة وأهدافها وحتى تحافظوا على النظام وتنقذوا البشير وحكومتو وقيادات إنقلاب الإنقاذ وقيادات النظام من المحاسبة وحتى تضمنوا عدم تفكيك النظام واجهزته النظامية والأمنية ومؤسساته وتنفيذ مشروع الهبوط الناعم العرابو إمامكم المتمهدي وقيادات نداء السودان وقيادات قوى الهبوط الناعم، وحتى تضمنوا إعادة إنتاج النظام بسياسة تمكين جديدة لقوى الهبوط الناعم عشان تكون الواجهة البستر خلفها النظام واللي بي سببها انتو بتمارسو في إبتزازكم بتجميد العضوية لتضمنوا التمكين تماماً بعد الإستيلاء على كل الولايات بكم وبحلفائكم بعد أن ضمنتوهو في السيادي ومجلس الوزراء وكما تخططون لإستكماله في المجلس التشريعي حتى تضمنوا السيطرة الكاملة لتهيؤا الفترة الإنتقالية لإعادة إنتاج النظام مرة أخرى وتجديده وتجميله عبر صناديق الإقتراع وعبر واجهة قحت التم السيطرة عليها من قوى الهبوط الناعم وقوى نداء السودان.
وثم ثانياً، خلو حركة إنكم تعاملونا على أساس إننا عندنا قنابير في راسنا وكدا .. تجميد عضوية شنو لحزب في تحالف تحالفات وكتل؟! عاوز تجمد عضويتك أمشي جمدها في تحالفك اللي هو نداء السودان لانو مافي حاجة اسمها حزب يجمد أو يستقيل من تحالف، التحالف أو الكتلة البتمثلو لسة قاعدة فيهو!! فشنو ، الحركة العملتوها دي الزِّي حركة إستقالة الأصم من تجمع المهنيين، ما يتمشي فينا وإتحسسوا قنابيركم!!
وثم ثانياً يا قحت، موش نحنا قلنا ما عايزين محاصصات؟! 😡
إشتياق خضر
٢٢ أبريل ٢٠١٩
