اي كوز ندوسو دوس!

افراد جهاز الامن
وافراد وحدة ادارة العمليات والكيزان
ومنسوبي اتحاد الشباب والكلاب (كتائب الظل)

نفس الافراد الكانوا بقمعوا ويراقبوا مظاهراتنا ايام مواكب ثورة ديسمبر الان في السوق العربي على سيارات بكاسي بلوحات منظمات تطوعية توزع اللوحات علي متظاهري تيار المستقبل المناوءة لحكومة #حمدوك.
المؤتمر الوطني الجاي بمسميات جديدة وشياطين جديدة زي #تيار_المستقبل للخروج بمظاهرات ضد الحكومة!! باي حق للكوز الكان لحدي 11 ابريل 2019 واقف في صف البشير والكيزان وراضي بفسادهم وجرائم الإنقاذ يجي اليوم في مظاهرة من بدايتها لنهايتها ما يسالوا لا عسكري لا امن لا شرطة لا يشم بمبان لا يتعرض لاعتقال.

اذا كانت مظاهرات الثوار الراكزين بتتضرب بمبان ولحدي 6 ابريل الشرطة تضرب بمبان لتفريق مظاهرات الاحتفال بالثورة.

وأول امس القريبة دي الشرطة تطلق البمبان في #عطبرة لاحتجاجات عدم توفر الوقود!

اذا كان الكيزان عندهم حقوق  سياسية من حقهم يتظاهروا حالين حزبهم لشنو!!

وين العزل السياسي الاتكلمتو عنه في قانون إزالة نظام الثلاثين من يونيو 1989م وإزالة التمكين 2019.، ورق بس ولا شنو؟

الخلاصة:

هذا هو نتاج التراخي في بل الكيزان ياحكومتنا.

#حكومتنا دي لو ما قادرة تفهم ان المزاج الشعبي للسودانيين انها تبل الكيزان وبس.. لازم تفهم كدا.

ولو فاهمة وما عاوزة تبل الكيزان لاي سبب تقدم استقالتها مشكورة. ما عاوزين اي تفاهم في الهدف دا.

تاني حاجة:

لوحات منظمات يا الوزيرة لينا الشيخ! ويا وزير الداخلية!!

دي ما ياها نفس اساليب الكيزان في التخفي وراء أجسام ومنظمات وواجهات زائفة.. !

يا سيادة الوزيرة لينا

والسيد وزير الداخلية

ما قادرين تسيطروا علي لوحات عربات المنظمات التطوعية والدولية القاعدة في بيت اي كوز وامنجي وفي ضهرية عربات كل الكيزان وتحت كراسي السواق طلعوا قرار من شرطة المرور وبدلوها كلها في كل السودان بلون جديد  خلال 5 يوم المشكلة شنو!

ما عاوزين تهاون ياخ.

انتوا حكومة جات بثورة فيها شهداء قدموا ارواحهم ودم ومصابين.

فاهمين يعني شنو حكومة ثورة!!!!!يعني وضعية البل للكيزان تكون شغالة 24 ساعة.

أسود البراري

#أسود_البراري
#الموت_للكيزان #اي_كوز_ندوسو_دوس