بخصوص حزب الامة القومي :

بخصوص حزب الامة القومي :
…….
وفيما يتعلق بعودة الامام…
عرفنا انو في لجنة (قومية) ووفود متحركين لي ترتيب (الاستقبال)…
يا ريت لو رتبو معاهم برضو لي موضوع (الاستقلال)…
قاصد الاستقلال من استعمار (نسابة الحزب)…
ومافي مانع من الاستقلال (داك)…
…….
انا ما عارف اللجان دي بتقول لي الشعب في شنو عشان يجي يستقبل مع العيشة البي جنيه دي وجالون البنزين الوصل سعر (التبخر) ؟؟؟
لكن متوقع رد الشعب ليهم…
……
عموما :
حجا مبرورا وسعيا مشكورا وذنبا مغفورا وعودا حميدا…سيدي الامام.
تقدم باليمين و (نط الكرامة) وسمي الله…دار ابوك كان خربت…من حقك تجي تشيل منها (شلاية).
……
يا داخل هذا الدار…صلي على النبي المختار…
……
يا لجنة الاستقبال…انتبهوا :
الذين استقبلوا (جثمان) (الفنان) محمود عليه الرحمة فاقوا المليون (شاب) لم تجلبهم اللجان…بل (الحب)…(كمان الجنازة جات ليل)…
هسه دا (امام) حي…حفظه الله… وعندو لجنة (قومية)…
محمود ما استأذن جماهيرو عشان يموت…
بس الامام قال (جايي)…
وربنا يكضب الشينة.

علاء الدين الدفينة.