رسالة لجان مقاومة امدر الى شعب امدرمان الحر:

بالمختصر ياأولاد قلبا وشفاته امدر ما عندنا حاجة إسمها إحتفالات ومدنية الحكومة الإنتقالية دا ليس سوى خطوة أخرى في درج الحرية والإستقلالية وبناء الدولة الجديدة دولة كل السودانيين والشهداء حاضرين فيها.
الطريق قدامنا لسه طويل والثورة قائمة حتى يتحقق كل ما كنا نحلم به والحاجات الكتيرة الإتكلمنا فيها وقلنا إنها غلط والإتفقنا على لازم تتغير منذ أيام إعتصام القيادة.
اول حاجه ممكن تخلينا نفرح هي عودة حقوق الشهداء ومحاسبة كل من تلطخت يده بدماء الشعب السوداني ومدام قلنا مدنية يبقى القضاء لازم يكون حر ومستقل ولا مفر للمجرم حتى ولو كان رئيسا للحكومة الإنتقالية.
الدعوة لجميع لجان امدر الحرة الأبية للتكاتف والعمل من أجل إعادة تشكيل اللجان وتقويتها بحيث كل لجنة تكون في شكل سودان مصغر ولنبداء بالبناء والتعمير من الأحياء واهم حاجة الخونة والمندسين ما ليهم مكان بينا.
بالواضح كدا العسكر ديل ما منهم أي ضمان نبقى جاهزين وحارسين للثورة ✌

في إنتظار دعوات التجمع للتنسيق والترتيب والثورة محروسة بلجان المقاومة وبدماء الشهداء الأبرار.
واقفين مع التجمع وداعمين ليهو لأخر نفس.

#الثورة_قائمة_ونص
# بلدنا نعلي شانها