#اذا_لم_نحمي_الأطباء_فكيف_سنحمي_المرضى

*صباح اليوم التاني للاضراب*

د.عبد الله قرشي

شايفين الجهاز الفي الصورة ده؟ ده جهاز قراءة الغازات في الدم
اي زول عندو قريبو خش في صدمة سكري او خش العناية المكثفة، متذكرين الفحص الغااالي البنقول ليكم لازم تعملوهو بره، تركبو عربات وتفتشو مستشفى فيها الجهاز، تقريبا ب150 ومرات 300ج، بعملوهو في اليوم احيانا 4 مرات واحيانا اكتر، مرات كتيرة ما بنقدر نقدر وضع المريض عشان بتقولو لينا والله ما بنقدر نعملو الفحص ده تاني.
طيب متذكرين لمن يكون عندكم زول تعبان ونقول ليكم الزول ده عايز جهاز تنفس صناعي، وتقومو تحومو بالتقارير المستشفيات، لو لقيتو الا مستشفيات خاصة بالملايين. ده الجهاز الفي الكرتونة في الصورة التانية.
اها النوريكم
أولا: الاجهزة دي وغيرها طلعت قااااعدة في المخازن اضربنا يوم بس طلعوها ودوها ابراهيم مالك.
ثانيا: نحن ما ضامنين بعد الاضراب الاجهزة دي تقعد ولا تبوظ ويصلحوها عشان كده هدفنا اكبر من كده. انو يكون في سياسة صحية تدعم المستشفيات الحكومية بشكل مستديم.
ثالثا: الاجهزة دي كلها ما اغلى من سعر عربيتين لاندكروزر السايقنها ناس الوزارة. عشان تعرفو منو الاتسبب في موت وعدم علاج المرضى في المستشفيات.
____________________
#الهدف
تصدر عن حزب البعث العربي الاشتراكي “الأصل“