ﺍﺭﻭﻉ ﺣﻮﺍﺭ ﻳﻤﻜﻦ ﺍﻥ ﺗﻘﺮﺃﺓ ﻟﻠﺸﺎﻋﺮ ﺍﺑﻮﺍﻣﻨﺔ ﺣﺎﻣﺪ

ﺍﺭﻭﻉ ﺣﻮﺍﺭ ﻳﻤﻜﻦ ﺍﻥ ﺗﻘﺮﺃﺓ ﻟﻠﺸﺎﻋﺮ ﺍﺑﻮﺍﻣﻨﺔ ﺣﺎﻣﺪ
ﺍﺟﺮﺍﺓ ﺍﻟﺼﺤﻔﻲ ﻭﺟﺪﻱ ﺍﻟﻜﺮﺩﻱ ﻟﺠﺮﻳﺪﺓ ﺍﻻﻳﺎﻡ
ﺭﺣﻢ ﺍﻟﻠﺔ ﺍﺑﻮﺍﻣﻨﺔ ﺣﺎﻣﺪ ﺑﻘﺪﺭﻣﺎ ﺍﺳﻌﺪﻧﺎ
ﺷﺎﻋﺮ ﺳﺎﻝ ﻣﻦ ﻋﻤﺮﻩ ﺍﻟﺘﻌﺐ
ﻓﻲ ﺑﻴﺖ ﻣﺜﻞ ﻛﻬﻒ ﺗﺘﺪﻟﻰ ﻣﻨﻪ ﺧﻴﻮﻁ ﺍﻟﻔﻘﺮ .. ﺑﺎﺽ ﻓﻴﻪ ﺣﻤﺎﻡ ﺍﻟﺒﺆﺱ
ﻭﺍﻓﺮﺥ، ﻭﺟﺪﺗﻪ ﻧﺼﻒ ﻣﺴﺘﻠﻖٍ ﻋﻠﻰ ﺳﺮﻳﺮ ﻋﺎﻝٍ ﺣﺘﻰ ﺍﻥ ﺍﺣﺪﻯ ﻗﺪﻣﻴﻪ
ﺗﺨﻠﺼﺖ ﻣﻦ ﻓﺮﺩﺓ ﺍﻟﺴﻔﻨﺠﺔ ﻻﻧﻬﺎ ﻻ ﺗﻜﺎﺩ ﺗﻼﻣﺲ ﺍﻻﺭﺽ..
ﺍﻣﺎﻣﻪ ﺻﺤﻦ ﻣﻦ ‏(ﻣﺤﻠﻮﻝ ﺍﻟﻔﻮﻝ ‏) ﻛﺎﻥ ﻳﻐﻤﺲ ﻓﻴﻪ ﺭﻗﺎﺋﻖ ﻣﻦ ‏( ﺭﻏﻴﻒ
ﺍﻟﺼﺒﺮ ‏) ﻟﻢ ﺍﺗﺒﻴﻨﻪ ﺍﻭ ﺍﻧﻪ ﺍﻧﺘﻬﻰ ﻣﻦ ﺗﻨﺎﻭﻟﻪ، ﺍﻭ ﺭﺑﻤﺎ ﻟﻢ ﻳﺠﺪﻩ ﻣﻦ ﺍﻻﺻﻞ
ﻓﻄﻔﻖ ﺍﻟﺼﺤﻦ ﻳﻔﻐﺮ ﻓﺎﻫﻪ ﺍﻟﻀﻴﻖ ﻳﻨﻈﺮ ﻟﺼﺎﺣﺒﻪ ﺍﻟﺬﻱ ﺗﻠﻬﻰ ﻋﻨﻪ ﺑﺪﺧﻮﻟﻲ
ﻋﻠﻴﻪ ..
ﻋﻠﻲ ﺣﺎﻣﺪ ﻋﻠﻲ ﺍﻳﻼ ﺁﺩﻡ ، ﺍﻟﺸﻬﻴﺮ ﺑﺄﺑﻲ ﺁﻣﻨﺔ ﺣﺎﻣﺪ، ﺍﻭﻝ ﻣﺎ ﺳﺄﻟﺘﻪ ﺳﺎﻋﺔ
ﻧﻄﻖ ﺍﺳﻤﻪ ﺍﻟﺮﺑﺎﻋﻲ ﻫﺬﺍ، ﺍﻥ ﻛﺎﻥ ﻋﻠﻰ ﻋﻼﻗﺔ ﺑﺎﻟﺴﻴﺪ ﻣﺤﻤﺪ ﻃﺎﻫﺮ ﺍﻳﻼ،
ﻭﺍﻟﻲ ﺍﻟﺒﺤﺮ ﺍﻻﺣﻤﺮ .. ﺍﻫﺘﺰ ﺍﺑﻮ ﺁﻣﻨﺔ ﻟﻮﻗﻊ ﺍﻻﺳﻢ ﻭﻗﺎﻝ :
– ﺑﺎﻟﻠﻪ ﺍﺳﺄﻟﻮ ﻳﻤﻜﻦ ﻳﻜﻮﻥ ﻭﺩ ﻋﻤﻲ !..
ﻓﻲ ﺍﻟﻌﺎﺷﺮﺓ ﻣﻦ ﻋﻤﺮﻩ، ﺑﻌﺜﻪ ﺟﺪﻩ ﻣﺤﻤﺪ ﺍﻻﻣﻴﻦ ﺗﺮﻙ، ﻧﺎﻇﺮ ﻋﻤﻮﻡ
ﺍﻟﻬﺪﻧﺪﻭﺓ ﺍﻟﻰ ﺑﻴﺖ ﻋﺒﺪﺍﻟﻠﻪ ﺑﻚ ﺧﻠﻴﻞ ﻟﻴﺘﻌﻠﻢ ، ﻓﻬﺒﻂ ﺑﺎﻣﺪﺭﻣﺎﻥ ﻟﻴﺘﺨﺬﻫﺎ
ﻣﻘﺮﺍً ﻭﻣﺘﺎﻋﺎ ﺍﻟﻰ ﺣﻴﻦ..
ﻻﺣﻘﺎً ﺣﺼﻞ ﻋﻠﻰ ﺩﺭﺟﺔ ﺍﻟﺒﻜﺎﻟﺮﻳﻮﺱ ﻓﻲ ﺍﻻﻋﻼﻡ ﻣﻦ ﺟﺎﻣﻌﺔ ﺍﻟﻘﺎﻫﺮﺓ ﺍﻟﺘﻲ
ﻋﺎﺩ ﻣﻨﻬﺎ ﻳﺘﺄﺑﻂ ﺩﻛﺘﻮﺭﺍﺓ ﻏﻴﺮ ﻣﺮﺋﻴﺔ ﻓﻲ ﺍﻟﺘﻌﻠﻖ ﺑﺎﻟﺰﻋﻴﻢ ﺟﻤﺎﻝ ﻋﺒﺪﺍﻟﻨﺎﺻﺮ،
ﺍﻟﺬﻱ ﻣﻦ ﻓﺮﻁ ﺗﻌﻠﻘﻪ ﺑﻪ ﺍﻃﻠﻖ ﻋﻠﻰ ﻣﻮﻟﻮﺩﻩ ﺍﻻﻭﻝ ﺍﺳﻢ : ﺟﻤﺎﻝ ﻋﺒﺪﺍﻟﻨﺎﺻﺮ
ﺣﺴﻴﻦ ﺃﺑﻮ ﺁﻣﻨﺔ ﺣﺎﻣﺪ !..
ﻭﺣﻴﻦ ﺳﺄﻟﻪ ﺍﻟﺰﻋﻴﻢ ﻧﺎﺻﺮ ﻋﻦ ﺫﻟﻚ ﻗﺎﻝ ﻟﻪ ﺍﺑﻮ ﺁﻣﻨﺔ : ﻟﻮ ﻛﻨﺖ ﺍﻋﺮﻑ ‏(ﺍﺑﻮ
ﺣﺴﻴﻦ ‏) ﻻﻟﺤﻘﺘﻪ ﺑﺒﻘﻴﺔ ﺍﻻﺳﻢ !..
ﺷﺎﻋﺮ ﻭﺳﺎﺧﺮ ﻓﻘﻴﺮ، ﻭﺣﻴﻦ ﻳﺠﺘﻤﻊ ﺍﻟﻔﻘﺮ ﻭﺍﻟﺴﺨﺮﻳﺔ، ﻛﻼﻫﻤﺎ ﻳﻌﺰﻯ ﺍﻵﺧﺮ،
ﻟﺤﻈﺖ ﺣﺮﺻﻪ ﻋﻠﻰ ﺍﻻّ ﻳﺬﻛﺮ ﺗﺎﺭﻳﺨﺎ ﺑﻌﻴﻨﻪ، ﻭﻛﻨﺖ ﺍﻋﻠﻢ ﻓﻲ ﻗﺮﺍﺭﺓ ﻧﻔﺴﻲ
ﺍﻥ ﺫﺍﻛﺮﺗﻪ ﺍﻟﻮﺍﻫﻨﺔ ﻻ ﺗﻘﻮﻯ ﻋﻠﻰ ﺫﻟﻚ ﻟﻜﻨﻪ ﺑﺮﺭ ﺯﻭﻏﺎﻧﻪ ﻗﺎﺋﻼً :
ــ ﺷﻮﻑ .. ﺍﻟﺸﻌﺮﺍﺀ ﻭﺍﻟﻤﺆﺩﺑﺎﺗﻴﺔ ﺯﻱ ﺣﺎﻟﺘﻨﺎ ﻛﺪﺍ ﻣﺎ ﺑﻴﺬﻛﺮﻭﺍ ﺗﻮﺍﺭﻳﺦ ﻋﺸﺎﻥ
ﻣﺎ ﺗﻘﺪﺭ ﺗﻌﺮﻑ ﻋﻤﺮ ﺍﻟﻮﺍﺣﺪ ﻓﻴﻬﻢ ﻛﻢ !..
ﺍﺑﻮ ﺁﻣﻨﺔ ﻳﺒﺪﻭ ﺳﺘﻴﻨﻴﺎً ﺿﺎﻣﺮﺍً ﻋﺼﺮﺗﻪ ﺍﺻﺎﺑﻊ ﺍﻟﻔﻘﺮ ﺍﻟﻐﻠﻴﻈﺔ ﺍﻟﺬﻱ ﺗﺮﻙ
ﺗﻮﻗﻴﻌﻪ ﺑﺨﻂ ‏« ﺷﻴﻦ ‏» ﻋﻠﻰ ﻭﺟﻬﻪ، ﻭﻓﻤﻪ ﺍﻟﻮﺍﺳﻊ ﻳﺒﺘﺴﻢ ﺳﺎﺧﺮﺍً ﻣﻦ
ﻓﻌﻠﺘﻪ .. ﺍﺟﺎﺑﺎﺗﻪ ﺍﻗﺼﺮ ﻣﻦ ﻗﺒﻠﺔ ﻣﻮﺩﻉ ﻳﻜﺎﺩ ﻗﻄﺎﺭ ﺑﻮﺭﺗﺴﻮﺩﺍﻥ ﺍﻥ ﻳﻔﻮﺗﻪ .
× ﻣﺎ ﻻ ﻧﻌﺮﻓﻪ ﻋﻦ ‏«ﺍﺑﻮ ﺁﻣﻨﺔ ﺣﺎﻣﺪ ‏»؟
ــ ﻛﻨﺖ ﺭﺍﻋﻴﺎ ﻟﻐﻨﻢ ﺍﻟﺤﻠﺔ ﻓﻲ ﻫﻴﺎ .. ﻭﺍﻻﻥ ﺍﺭﻋﻰ ﻏﻨﻢ ﺍﺑﻠﻴﺲ ﻓﻲ
ﺍﻟﺨﺮﻃﻮﻡ.. ﻭﻟﻬﺬﺍ ﻟﻢ ﺍﺻﻠﺢ ﺿﺎﺑﻄﺎً ﻓﻲ ﺍﻟﺸﺮﻃﺔ ﻭﻻ ﻗﻨﺼﻼً ﺍﻋﻼﻣﻴﺎً ﻭﻻ
ﺍﻧﺴﺎﻧﺎً ﻳﺼﻠﺢ ﻟﻠﻘﺮﻥ ﺍﻟﺤﺎﺩﻱ ﻭﺍﻟﻌﺸﺮﻳﻦ.
× ﻣﺎﺫﺍ ﺣﻤﻠﺘﻪ ﻣﻦ ﻫﻴﺎ ﻭﻟﻢ ﺗﻔﺎﺭﻗﻪ ﺣﺘﻰ ﺍﻵﻥ؟ !
ــ ﻛﻞ ﺷﺊ.. ﻭﻳﻨﺘﺎﺑﻨﻲ ﺍﻻﺣﺴﺎﺱ ﺑﺎﻟﻐﺮﺑﺔ ﻓﻲ ﺷﻮﺍﺭﻉ ﺍﻟﺨﺮﻃﻮﻡ، ﻭﺍﺗﻤﻨﻰ
ﺍﻣﺘﻼﻙ ﻣﺮﺍﺡ ﻣﻦ ﺍﻟﻀﺄﻥ ﺍﺭﻋﺎﻩ ﻓﻲ ﺍﺳﺘﺎﺩ ﺍﻟﺨﺮﻃﻮﻡ.
× ﻣﺎﺫﺍ ﺑﻘﻰ ﻟﻚ ﻣﻦ ﻛﻠﻴﺔ ﺍﻟﺸﺮﻃﺔ؟
ــ ﺗﺨﺮﺟﺖ ﻓﻴﻬﺎ ﺑﺮﺗﺒﺔ ﻣﻼﺯﻡ، ﻭﻣﻦ ﺩﻓﻌﺘﻲ ﺍﻟﻔﺮﻳﻖ ﻋﺜﻤﺎﻥ ﺍﻟﺸﻔﻴﻊ ﻭﻋﺒﺎﺱ
ﺍﺑﻮ ﺷﺎﻣﺔ .. ﻭﻣﺪﺭﺑﻲ ﻛﺎﻥ ﻫﻮ ﺍﻟﺴﺮ ﺍﻟﺒﺎﺗﻴﺮﺍ ..
× ﻫﻞ ﻛﺎﻥ ﻣﻌﻚ ﺃﺑّﺎﺭﻭ؟
ﻳﺎ ﺭﺍﺟﻞ ‏( ﺍﺑّﺎﺭﻭ ‏) ﺷﻨﻮ.. ﻗﻮﻝ ﻛﻤﺎﻥ ﻣﻌﺎﻱ ﻋﺜﻤﺎﻥ ﺩﻗﻨﺔ !..
ﻟﻤﺎﺫﺍ ﻟﻢ ﺗﺴﺘﻤﺮ ﻓﻲ ﺍﻟﺸﺮﻃﺔ؟
ــ ﻭﺍﻟﻠﻪ ﻗﺪﻣﺖ ﺍﺳﺘﻘﺎﻟﺘﻲ .. ﻣﺎ ﻧﺎﻓﻌﺔ ﻣﻌﺎﻱ .
× ﻃﻴﺐ ﺟﻴﺖ ﻣﻦ ﻫﻴﺎ ﻟﻴﻪ ﺃﺻﻼً؟
× ﺟﺎﺑﺘﻨﻲ ﺷﻘﺎﻭﺗﻲ .. ﻻ ﻗﻌﺪﺕ ﻣﻊ ﺍﻟﻬﺪﻧﺪﻭﺓ ﺑﻘﻴﺖ ﺳﻌﻴﺪ .. ﻻ ﻟﻘﻴﺖ ‏«
ﺳﻌﻴﺔ ‏» ﻓﻲ ﺍﻟﺨﺮﻃﻮﻡ .
× ﻟﻤﺎﺫﺍ ﺗﻮﻗﻒ ﺍﺑﻮ ﺁﻣﻨﺔ ﻋﻦ ﻛﺘﺎﺑﺔ ﺍﻟﺸﻌﺮ؟
ــ ﺍﻛﺘﺐ ﻟﻲ ﻣﻨﻮ؟
× ﻟﻠﺠﻤﺎﻝ ﻭﺍﻟﻮﻃﻦ ﻭﺍﻟﻤﺒﺎﺩﺉ؟
ــ ﻳﺎ ﺳﻼﻡ ﻋﻠﻴﻚ، ﺍﻧﺖ ﺍﻟﻈﺎﻫﺮ ﺭﺳﻠﻮﻙ ﻣﻦ ﺍﻟﺴﻤﺎ ﺍﻟﻠﻴﻠﺔ .
× ﻟﻴﻪ؟
ــ ﺍﻧﺎ ﻻ ﺍﺭﻯ ﻓﻲ ﺍﻟﻮﺟﻮﺩ ﺷﻴﺌﺎ ﺟﻤﻴﻼ ﻏﻴﺮ ﺍﻟﻤﺮﺗﺐ ﻭﺍﻟﻤﺼﺎﺭﻳﻒ.. ﺣﺘﻰ ﺩﺍ
ﻣﺎ ﻻﻗﻴﻬﻮ ﻋﺸﺎﻥ ﺍﻛﺘﺐ ﻓﻴﻬﻮ ﺷﻌﺮ .
× ﻭﺍﻳﻦ ﺍﻟﻤﺒﺎﺩﺉ؟
ــ ﻳﺎﺧﻲ ﺧﻠﻴﻚ ﻣﻦ ﺍﻟﺮﻭﻣﺎﻧﺴﻴﺎﺕ ﺩﻱ ..
ﻭﻣﺎﺫﺍ ﻳﻔﻌﻞ ﺍﺑﻮ ﺁﻣﻨﺔ ﺍﻵﻥ؟ !
ــ ﺯﻱ ﻣﺎ ﺷﺎﻳﻒ .. ﺍﺗﺄﻣﻞ ﻓﻨﺠﺎﻧﻲ ﺍﻟﻤﻘﻠﻮﺏ.
× ﻃﻴﺐ ﻣﺎﺗﺸﺘﻐﻞ؟
ــ ﺍﺷﺘﻐﻞ ﺷﻨﻮ … ﺍﻧﺎ ﻛﻨﺖ ﻣﺪﺭﺱ ﻓﻲ ﺑﺮﺑﺮ ﺍﻟﺜﺎﻧﻮﻳﺔ ﺳﻨﺘﻴﻦ، ﻭﻣﻦ
ﺗﻼﻣﻴﺬﻱ ﺍﻟﺒﺮﻭﻓﺴﻴﺮ ﺍﺣﻤﺪ ﻋﻠﻲ ﻗﻨﻴﻒ .. ﻳﺎﺧﻲ ﻧﺎﺱ ﺑﺮﺑﺮ ﺩﻳﻞ ﺍﺟﻤﻞ ﻧﺎﺱ،
ﺷﻜﻼً ﻭﻣﻀﻤﻮﻧﺎً !..
× ﻣﻦ ﻫﻢ ﺍﻟﺬﻳﻦ ﻏﻨﻮﺍ ﻻﺑﻲ ﺁﻣﻨﺔ؟
ــ ﻭﺭﺩﻱ ﻏﻨﻰ ﺑﻨﺤﺐ ﻣﻦ ﺑﻠﺪﻧﺎ ﻭﻗﺎﻟﻮﺍ ﺑﺘﺤﺐ..
× ﻭﺍﻧﺖ ﻟﺴﻊ ﺑﺘﺤﺐ ﻣﻦ ﺑﻠﺪﻙ؟
ــ ﻭﺍﻟﻠﻪ ﺍﻋﻔﻴﻨﻲ ﻣﻦ ﺍﻟﺴﺆﺍﻝ ﺩﺍ .
× ﻟﻴﻪ؟
ــ ﻻﺳﺒﺎﺏ ﻗﺪ ﺗﺠﻌﻠﻨﻲ ﻣﻌﺘﻘﻼً !..
× ﻣﻦ ﺍﻟﺴﻠﻄﺎﺕ ﺍﻟﺮﺳﻤﻴﺔ؟
ــ ﻻ.. ﻣﻦ ﺍﻟﺴﻠﻄﺎﺕ ﺍﻟﻤﻨﺰﻟﻴﺔ !..
ﻭﺍﻳﻦ ﺍﻟﺘﻲ ﺳﺎﻝ ﻣﻦ ﺷﻌﺮﻫﺎ ﺍﻟﺬﻫﺐ؟
ــ ﻓﻲ ﻣﻠﻜﻮﺕ ﺍﻟﻠﻪ .. ﺍﻟﻠﻪ ﻳﺮﺣﻤﻬﺎ ﻛﺎﻥ ﻋﻨﺪﻫﺎ ‏(ﺻﻮﺕ ﻭﺻﻮﺭﺓ ‏) ﻣﺶ ﺯﻱ
‏( ﺍﻟﺒﻴﺸﺨﺸﺨﻮ ‏) ﺣﺴﻊ !..
ﻣﺘﻰ ﺗﻌﺮﻓﺖ ﻋﻠﻰ ﺍﻟﺤﺐ؟
ــ ﺗﻌﺮﻑ ﺍﻧﺎ ﺍﻭﻝ ﻣﺮﺓ ﺍﻋﺮﻑ ﺍﻧﻮ ﺍﻟﺤﺐ ﻏﻴﺮ ﻣﻨﻄﻘﻲ ﻭﻋﻤﻴﺎﻥ ﻭﻋﺒﻴﻂ ﻛﻤﺎﻥ
ﻛﺎﻥ ﻓﻲ ﺍﻟﻘﺎﻫﺮﺓ، ﻋﻨﺪﻱ ﻭﺍﺣﺪ ﺻﺎﺣﺒﻲ ﺣﺴﻊ ﻣﻦ ﺍﺷﻬﺮ ﺍﻟﺸﻌﺮﺍﺀ ﺍﻟﻌﺮﺏ،
36 ﺳﺎﻋﺔ ﻓﻲ ﺍﻟﻴﻮﻡ ﻳﻜﺘﺐ ﺷﻌﺮ ﻓﻲ ﺯﻭﺟﺘﻮ . ﺗﻌﺮﻑ ﻳﻮﻡ ﻣﺸﻴﺖ ﻣﻌﺎﻫﻮ
ﺍﻟﺒﻴﺖ ﻟﻘﻴﺖ ﺯﻭﻟﺔ ﺷﻴﻨﺔ ﺧﻼﺹ .. ﻗﺎﻝ ﺩﻱ ﻣﺮﺗﻮ .. ﺣﻜﻤﺔ ﺭﺑﻨﺎ !..
× ﻳﻌﻨﻲ ﺍﻧﺖ ﻣﺎ ﺑﺘﺤﺐ ﺍﻟﺸﻴﻨﻴﻦ؟ !
ــ ﻳﺎ ﺍﺧﻲ ﺍﻗﻄﻊ ﻗﻠﺒﻲ ﻟﻴﻪ ﻣﻌﺎﻫﻢ ..
× ﺍﻏﻨﻴﺎﺗﻚ ﻳﺎ ﺍﺑﻮ ﺁﻣﻨﺔ .. ﻫﻞ ﻗﺒﻀﺖ ﺛﻤﻨﻬﺎ؟
ــ ﻭﺍﻟﻠﻪ ﻣﺎ ﻗﺼﺮﻭﺍ ﻣﻌﺎﻱ.. ﻣﺤﻤﺪ ﺍﻻﻣﻴﻦ ﻋﻨﺪﻭ ﺟﺎﻧﺎ ﺍﻟﺨﺒﺮ ﺷﺎﻳﻠﻮ ﺍﻟﻨﺴﻴﻢ
ﻭﺳﻴﺪ ﺧﻠﻴﻔﺔ ﻋﻨﺪﻭ ﺟﺎﺭﻱ ﻭﺍﻧﺎ ﺟﺎﺭﻭ، ﺍﻟﻠﻪ ﻳﺮﺣﻤﻮ .. ﺧﻼﻧﺎ ﻧﺘﻌﺬﺏ ﺑﻲ
ﻧﺎﺭﻭ !
× ﻧﺎﺭ ﻣﻨﻮ؟
ــ ﻧﺎﺭﺍﻟﻔﻠﺲ ﻃﺒﻌﺎً.
× ﻭﺗﺎﻧﻲ؟
ــ ﻣﺎ ﻧﺴﻴﻨﺎﻙ ﻟﻠﺠﺎﺑﺮﻱ … ﻭﺍﻟﻔﻨﺎﻧﺔ ﺍﻟﻤﺼﺮﻳﺔ ﻓﺎﻳﺰﺓ ﺍﺣﻤﺪ ﻗﺮﺑﺖ ﺗﻐﻨﻲ ﻟﻲ
ﺍﻏﻨﻴﺔ .. ﻟﻜﻨﻬﺎ ﻣﺎ ﺻﺒﺮﺕ .. ﻣﺎﺗﺖ !
× ﺭﺃﻳﻚ ﻓﻲ ﺗﻌﺪﺩ ﺍﻟﺰﻭﺟﺎﺕ؟
ﻭﺍﻟﻠﻪ ﺍﻟﻤﺮﺍ ﺍﺫﺍ ﺷﺪﺕ ﺣﻴﻼ ﻣﺎ ﻓﻲ ﺩﺍﻋﻲ.. ﻭﺍﺫﺍ ﺍﻟﺮﺍﺟﻞ ﻣﻘﺘﺪﺭ ﻭﺣﻴﻌﺪﻝ
ﻳﺘﻮﻛﻞ ﻃﻮﺍﻟﻲ .
× ﻳﻌﻨﻲ ﺍﻧﺖ ﺳﻌﻴﺪ؟
ــ ﺍﺑﺪﺍً .. ﻣﻔﻠﺲ ﺑﺲ !..
× ﻛﻢ ﺭﺻﻴﺪﻙ ﻓﻲ ﺍﻟﺒﻨﻚ ﺍﻵﻥ؟
ــ ﺑﻨﻚ .. ﻭﺍﻟﻠﻪ ﺑﻨﻚ ﺍﻟﺪﻡ ﺫﺍﺗﻮ ﻣﺎ ﻳﻠﻘﻰ ﻓﻴﻨﺎ ﻗﺰﺍﺯﺓ .. ﺍﻧﺎ ﺍﺳﻤﻲ ﺍﺑﻮ ﺁﻣﻨﺔ
ﻣﺎ ﺍﺑﻮ ﺍﻟﻌﻼ.
× ﻫﻞ ﻛﺎﻥ ﺑﺎﻣﻜﺎﻧﻚ ﺍﻥ ﺗﻜﻮﻥ ﺛﺮﻳﺎ؟
ــ ﺷﻮﻑ، ﺍﻧﺎ ﺍﺣﺴﺎﺳﻲ ﺑﺎﻟﺤﻴﺎﺓ ﻟﻢ ﻳﻜﻦ ﻋﻦ ﻃﺮﻳﻖ ﺍﻟﺜﺮﺍﺀ .. ﻟﺬﺍ ﻟﻢ ﺍﻧﺎﺿﻞ
ﻟﺠﻤﻊ ﺍﻟﻤﺎﻝ .
× ﺃﻟﺴﺖ ﻧﺎﺩﻣﺎً ﺍﻵﻥ؟
ــ ﺍﺑﺪﺍً .. ﻧﻔﺴﻲ ﺍﻟﺘﻲ ﻗﺪ ﺗﻤﻠﻚ ﺍﻻﺷﻴﺎﺀ ﺫﺍﻫﺒﺔ.. ﻓﻜﻴﻒ ﺍﺑﻜﻲ ﻋﻠﻰ ﺷﺊ ﺍﺫﺍ
ﺫﻫﺒﺎ؟
× ﻟﻤﺎﺫﺍ ﺗﺮﻙ ﺍﺑﻮﺁﻣﻨﺔ ﺭﻳﺎﺿﺔ ﺍﻟﻤﺸﻲ؟
ــ ﻳﺎ ﺑﻮﻱ ﺍﻟﺸﻌﺐ ﺍﻟﺴﻮﺩﺍﻧﻲ ﻛﻠﻮ ﻣﺎﺷﻲ ..ﺗﺼﺪﻕ ﺍﻃﻠﻊ ﺍﻟﺸﺎﺭﻉ ﺍﻟﻘﻰ
ﺍﻟﺪﻧﻴﺎ ﻛﻠﻬﺎ ﻣﺎﺷﺔ ..
ﺷﺨﺺ ﻓﻘﺪﺗﻪ ..؟
ــ ﺍﻟﻔﻨﺎﻥ ﺍﺑﻮ ﺩﺍﺅﻭﺩ .. ﻛﺎﻥ ﺻﺪﻳﻘﻲ ﻭﺟﺎﺭﻱ.. ﻭﻣﻔﻠﺲ ﺯﻱ ﺣﺎﻟﺘﻨﺎ ﻛﺪﺍ .
× ﻫﻞ ﺗﻔﺘﻘﺪ ﻓﻲ ﺣﻴﺎﺗﻚ ﺷﻴﺌﺎً؟
ــ ﺍﻳﻮﻩ ﺍﻓﺘﻘﺪ ﺍﻥ ﺍﻛﻮﻥ ﻭﺯﻳﺮﺍً .
× ﻭﺯﻳﺮ ﺷﻨﻮ؟
ــ ﻭﺯﻳﺮ ﺍﻋﻼﻡ .
× ﻟﻴﻪ ﻣﺎ ﺗﺒﻘﻰ ﻭﺯﻳﺮ ﻣﺎﻟﻴﺔ؟
ﻣﺎ ﺑﻌﺮﻑ ﺣﺴﺎﺏ .. ﻟﻮ ﻣﺴﻜﺖ ﺍﻟﻮﺯﺍﺭﺓ ﺩﻱ ﺑﻌﺪ ﻳﻮﻡ ﻭﺍﺣﺪ ﺍﻟﺒﻠﺪ ﻛﻠﻬﺎ
ﺗﻔﻠﺲ !..
× ﺍﺑﻮ ﺁﻣﻨﺔ ﺭﺋﻴﺲ ﺟﻤﻬﻮﺭﻳﺔ .. ﺍﻭﻝ ﻗﺮﺍﺭ؟
ــ ﻛﻨﺖ ﺣﺎﻗﺪﻡ ﺍﺳﺘﻘﺎﻟﺘﻲ ﻃﻮﺍﻟﻲ
× ﻟﻴﻪ ؟
ﻳﺎ ﺧﻲ ﺩﺍ ﺷﻌﺐ ﺻﻌﺐ … ﻳﺤﻠﻢ ﻭﻫﻮ ﺻﺎﺣﻲ.
× ﺻﺤﻔﻲ ﺳﻮﺩﺍﻧﻲ؟
ــ ﺣﺴﻦ ﺳﺎﺗﻲ.
× ﻭﺣﺴﻴﻦ ﺧﻮﺟﻠﻲ؟
ــ ﺭﺟﻞ ﻓﻨﺎﻥ . ﺍﺣﺒﻪ ﻭﻻ ﺍﺣﺒﻪ.
× ﻛﻴﻒ ؟
ــ ﺍﺧﺘﻠﻒ ﻣﻌﻪ ﻭﺍﺣﺘﺮﻣﻪ .
× ﺍﺳﺤﻖ ﺍﺣﻤﺪ ﻓﻀﻞ ﺍﻟﻠﻪ؟
ــ ﺟﺒﻬﺠﻲ .. ﻣﺮﺗﺎﺡ ﻓﻲ ﺍﻟﺪﻧﻴﺎ ﻭﺩﺍﻳﺮ ﻳﺮﺗﺎﺡ ﻓﻲ ﺍﻵﺧﺮﺓ !..
× ﺍﻟﺴﻮﺩﺍﻥ ﻧﺎﻗﺺ ﺍﻻﻧﻘﺎﺫ ﻳﺴﺎﻭﻱ ؟
ــ ﻳﺴﺎﻭﻱ ﺟﺒﺎﻧﺔ ﻫﺎﻳﺼﺔ.
× ﺍﻟﺤﺐ ﻧﺎﻗﺺ ﺍﻟﻤﺎﻝ ﻳﺴﺎﻭﻱ؟
ــ ﻳﺴﺎﻭﻱ ﺣُﻤﻰ ﻭﺭﻣﺘﻠﺔ ﺳﺎﻛﺖ ..
× ﺍﻟﻘﺼﻴﺪﺓ ﻧﺎﻗﺺ ﺍﻟﻔﻜﺮﺓ ﺗﺴﺎﻭﻱ؟
ــ ﺗﺴﺎﻭﻱ ﺍﺳﻬﺎﻝ ﺣﺮﻭﻓﻲ ﻣﺰﻣﻦ.
× ﻫﻞ ﺗﺨﺎﻑ ﻣﻦ ﺍﻟﻐﺪ؟
ﺍﻟﻬﺪﻧﺪﻭﺓ ﻋﻠﻤﻮﻧﻲ ﺍﻵّ ﺍﺧﺎﻑ ﺇﻻ ﻣﻦ ﺭﺏ ﺍﻟﻌﺎﻟﻤﻴﻦ .
× ﻟﻤﺎﺫﺍ ﺗﺒﺪﻭ ﺣﺰﻳﻨﺎ؟
ﻭﻣﻦ ﻗﺎﻝ ﻟﻚ ﺫﻟﻚ .. ﻳﺎﺧﻲ ﺷﻜﻠﻲ ﻛﺪﺍ.
× ﺁﺧﺮ ﻣﺮﺓ ﺑﻜﻰ ﻓﻴﻬﺎ ﺍﺑﻮ ﺁﻣﻨﺔ؟
ﻋﻨﺪ ﻭﻓﺎﺓ ﻭﺍﻟﺪﺗﻲ .. ﺍﻧﺎ ﺑﻘﻴﺖ ﻳﺘﻴﻢ ﺣﺴﻊ !..
× ﺑﻤﺎﺫﺍ ﺗﺤﻠﻢ؟
ﺍﺣﻠﻢ ﺑﻤﺠﺎﻭﺭﺓ ﺃﻣﻴﺮ ﺍﻟﻤﺆﻣﻨﻴﻦ ﺍﻟﺬﻱ ﻳﺪﻓﻊ ﻟﻲ ﺧﻤﺴﻴﻦ ﺍﻟﻒ ﺩﻳﻨﺎﺭ ﻣﻦ
‏(ﺣﻘﺎﺕ ﺯﻣﺎﻥ ‏) ﻭﺟﺎﺭﻳﺔ ﻭﻏﻼﻣﺎً