الكابلي: دقت الدلوكة قلنا الدنيا ما زالت بخير!

ﺩﻗّﺖ ﺍﻟﺪﻟﻮﻛﺔ
ﻗﻠﻨﺎ ﺍﻟﺪﻧﻴﺎ ﻣﺎ ﺯﺍﻟﺖ ﺑﺨﻴﺮ
ﺍﻫﻮ ﻧﺎﺱ ﺗﻌﺮﺱ ﻭ ﺗﻨﺒﺴﻂ
ﺗﻜّﻜﺖَ ﻓﻲ ﺍﻟﺮﺍﻛﻮﺑﺔ ﺑﺎﻟﺤﻨﻘﻮﻗﺔ ﺳﺮﻭﺍﻟﻲ ﺍﻟﻄﻮﻳﻞ
ﺳﻮﻳﺘﻠﻮ ﺭﻗﻌﺎﺕ ﻓﻲ ﺍﻟﻮﺳﻂ
ﻓﻲ ﺧﺸﻤﻲ ﻋﻀﻴﺖ ﺍﻟﻘﻤﻴﺺ
ﺍﺟﺮﻱ ﻭ ﺍﺯﺑّﺪ ﺷﻮﻕ ﻭ ﺍﻧُﻂ
ﻻﻣِﻦْ ﺩﺧﻠﺖ ﺍﻟﺤﻔﻠﺔ ﻓﺠّﻴﺖْ ﺍﻟﺨﻠﻮﻕ
ﻭ ﺭﻛﺰﺕ
ﺷﺎﻥ ﺍﻟﺒﺖ ﺳﻌﺎﺩ
ﺍﺻﻠﻲ ﻋﺎﺭﻑ ﺟﻨﻬﺎ ﻓﻲ ﺯﻭﻻ ﺑﻴﺮﻛﺰ ﻭ ﻳﻨﺴﺘﺮ
ﻟﻜﻨﻲ ﻋﺎﺭﻑ ﺍﻧﻬﺎ
ﻟﻮ ﻛﻞ ﺯﻭﻝ ﻓﻲ ﺍﻟﺤﻠﺔ ﺑﺎﻟﺴﺘﺮﺓ ﺍﻧﺠﻠﺪ ﻳﺎﻧﻲ ﺍﻻﺫﺍﻫﺎ ﻭ ﺟﻨﻬﺎ
ﺑﺮﺿﻲ ﻋﺎﺭﻑ ﺍﻇﻨﻬﺎ
ﺩﻳﻤﺔ ﻓﻲ ﺻﺮﺓ ﻭﺷﻴﻬﺎ
ﻳﻠﻔﺤﻨﻲ ﺷﻮﻕ ﻧﺎﻓﺮ ﻟﺒﺪ
ﻭ ﺭﻛﺰﺕ ﻟﻠﺤﺮﻗﺔ ﺍﻟﻤﺸﺖ ﻓﻮﻕ ﺍﻟﻀﻠﻮﻉ
ﺗﺤﺖ ﺍﻟﺠﻠﺪ
ﻃﺒّﻴﺖ ﻗﺰﺍﺯﺗﻲ ﻣﺮﻗﺖ ﻋِﻦْ ﻃﺮﻑ ﺍﻟﺒﻠﺪ
ﻭ ﺳﻜﺮﺕ ﺟﺪ
ﻭ ﺍﻧﺎ ﺟﺎﻱ ﺭﺍﺟﻊ ﻣﻨﺘﻬﻲ
ﻻﻗﺘﻨﻲ ﻫﻲ
ﻗﺎﺕ ﻟﻲ ” ﺗﻌﺎﻝ “
ﻛﺒﺮﺕ ﻛﺮﺍﻋﻲ ﻣﻦ ﺍﻟﻔﺮﺡ
ﻧﺺ ﻓﻲ ﺍﻻﺭﺽ ﻧﺺ ﻓﻲ ﺍﻟﻨﻌﺎﻝ
ﺍﺗﻠﺨﺒﻂ ﺍﻟﺸﻮﻕ ﺑﺎﻟﺰﻋﻞ
ﺍﺗﺤﺎﻭﺭﻭ ﺍﻟﺨﻮﻑ ﻭ ﺍﻟﻜﻼﻡ
ﻫَﻲْ ﻳﺎ ﺳﻌﺎﺩ
ﻋﻠﻲ ﻭﺩ ﺳﻜﻴﻨﺔ ﺍﻟﻜِﻠْﺘِﻲ ﻓﻲ ﺧﺸﻤﻮ ﺍﻟﺮﻣﺎﺩ
ﻋﻠﻲ ﻭﺩ ﺳﻜﻴﻨﺔ ﺍﻟﻤﺎﺕ ﺃﺳﻲ
ﻭ ﺍﻧﺎ ﺑﺖ ﺑﻼﻙ ﻣﻨﻌﻮﻝ ﻫﻮﺍﻱ ﺍﻥ ﻛﻨﺖ ﺍﺭﺿﻲ ﺍﻋﺮّﺳﻬﺎ
ﻭ ﺍﻧﺎ ﻳﺎ ﺳﻌﺎﺩ
ﻭﻛﺘﻴﻦ ﺗﻄﻠﻲ ﺳﺤﺎﺑﺔ ﺭﻗﺼﺖ ﻟﻠﺪﻋﺎﺵ
ﺑﻔﺮﺵ ﻋﻠﻲ ﺭﻭﺣﻲ ﻭ ﺍﺟﻴﻚ
ﺯﻭﻻ ﻫﻠﻚ ﺗﻌﺒﺎﻥ ﻭ ﻃﺎﺵ
ﻭ ﺍﻧﺎ ﻳﺎ ﺳﻌﺎﺩ
ﻭﻛﺘﻴﻦ ﺍﺷﻮﻓﻚ ﺑﺒﻘﻲ ﺯﻭﻝ
ﻓﺮﺷﻮﻟﻮ ﻓﺮﺵ ﺍﻟﻤﻮﺕ ﻭ ﻋﺎﺵ
ﻗﺎﻟﺖ ﺳﻌﺎﺩ :
‏( ﺑﻄﻞ ﻛﻼﻡ ﺍﻟﺠﺮﺳﺔ ﺍﻧﺠﺾ ﻳﺎ ﻭﻟﺪ ‏)
ﻃﺒّﻴﺖ ﻗﺰﺍﺯﺗﻲ ﻣﺮﻗﺖ ﻋﻦ ﻃﺮﻑ ﺍﻟﺒﻠﺪ
ﻭ ﺳﻜﺮﺕ ﺟﺪ
ﺍﺫّﻧﺖ ﻓﻲ ﺍﻟﺸﻮﻕ ﻭ ﺍﻟﺴﻠﻢ
ﻭ ﺳﺮﺣﺖ ﺑﺎﻟﻨﺎﺱ ﻭ ﺍﻟﻐﻨﻢ
ﻭ ﺭﻛﻌﺖ ﻟﻠﻌﺮﻗﻲ ﺍﻟﺒﻜﺮ
ﻭ ﺭﻗﺪﺕ ﻓﻲ ﺍﻻﻟﻢ ﺍﻟﺤِﻜِﺮ
ﻭ ﺣﻠﻤﺖ ﺯﻱ ﺷﺎﻳﻠﻨﻲ ﻭﺳﻂ ﺍﻟﺰﺣﻤﺔ ﻧﺒﻲ ﺍﻟﻠﻪ ﺍﻟﺨﻀﺮ
ﺻﺤﺎﻧﻲ ﺻﻮﺕ ﺍﻟﻌﻤﺪﺓ ﻗﺎﻝ
‏( ﻣﺴﺌﻮﻝ ﻛﺒﻴﺮ ﺯﺍﻳﺮ ﺍﻟﺒﻠﺪ
ﻗﺒﺎﻝ ﻳﻬﻞ ﻗﺒﺎﻝ ﻳﺼﻞ
ﻻﺯﻡ ﺗﻘﻴﻔﻮﺍ ﺻﻔﻮﻑ ﺻﻔﻮﻑ
ﻭ ﺗﻬﻴﺠﻮﺍ ﺍﻟﺨﻼ ﺑﺎﻟﻜﻔﻮﻑ
ﻭ ﺗﻘﻮﻟﻮﺍ ﻋﺎﺵ .. ﻳﺤﻴﺎ ﺍﻟﺒﻄﻞ ‏)
ﺻﻠﺤﺖ ﻃﺎﻗﻴﺘﻲ ﺍﻟﺤﺮﻳﺮ
ﻭ ﺿﺮﺍﻋﻲ ﺯﻱ ﺩﺍﻳﺮ ﻳﺠﻦ
ﻭ ﺍﻟﺠﻮﻑ ﻳﻄﻘﻄﻖ ﺑﺎﻟﻜﻼﻡ
ﻭ ﺭﻣﻴﺘﻮ ﻣﻦ ﺣﻠﻘﻲ ﺍﻟﻮﺻﻞ
ﻗﺖ ﻟﻴﻬﻮ ﻳﺎ ﻋﻤﺪﺓ ﺍﺧﺘﺸﻲ، ﻣﺴﺌﻮﻝ ﻛﺒﻴﺮ ﻓﻲ ﺍﻟﺤﻠﺔ ﻏﻴﺮ ﺍﻟﻠﻪ ﺍﻧﻌﺪﻡ
ﻣﺎ ﺷﻔﻨﺎ ﺯﻭﻝ ﺳﻜّﺖ ﺟﻬﺎﻝ
ﻣﺎ ﺷﻔﻨﺎ ﺯﻭﻝ ﺭﺿﻊ ﺑﻬﻢ
ﻣﺎ ﺷﻔﻨﺎ ﺯﻭﻝ ﻟﻄﺦ ﺗﻴﺎﺑﻮ
ﻭ ﺟﺎﻧﺎ ﻣﻦ ﻃﺮﻑ ﺍﻟﺒﻠﺪ
ﻣﺎ ﺷﻔﻨﺎ ﺯﻭﻝ ﻟﻤﻠﻢ ﺭﻣﻢ
ﻻ ﺻﺤﻴﻨﺎ ﻋﺎﺟﺒﻨﺎ ﺍﻟﺼﺒﺎﺡ
ﻭ ﻻ ﻧﻤﻨﺎ ﻋﺎﺟﺒﻨﺎ ﺍﻟﻌﺸﻢ
ﻭ ﺍﻟﺤﻠﺔ ﻣﻦ ﻛﻞ ﺍﻟﺠﻬﺎﺕ ﻣﺤﺮﻭﺳﺔ
ﺑﺎﻟﺨﻮﻑ ﻭ ﺍﻟﻮﻫﻢ
ﻭ ﻣﻀﻴﻨﺎ ﻣﻦ ﺯﻣﻨﺎ ﻗﺪﻳﻢ – ﻳﺎ ﻋﻤﺪﺓ – ﻣﺮﺳﻮﻡ ﺍﻧﺘﺤﺎﺭ
ﺍﻟﻤﻮﺕ ﻣﺒﺎﺡ
ﻭ ﺍﻟﺤﺐ ﻧﻄﺎﺡ
ﻭ ﺍﻟﺼﺪﻕ ﻣﻦ ﺟﻨﺲ ﺍﻟﺰﻧﺎ
ﻭ ﺍﻟﻌﺎﻓﻴﺔ ﻣﻮﻟﻮﺩﺓ ﺳﻔﺎﺡ
ﻭ ﺍﻟﺮﻏﺒﺔ ﻣﻜﺴﻮﺭﺓ ﺟﻨﺎﺡ
ﻭ ﺍﻟﺤﻠﻢ ﻭ ﺍﻟﻮﻋﺪ ﺍﻟﻨﺒﻴﻞ
ﻭ ﺍﻟﻄﻔﻠﺔ ﻭ ﺍﻻﻡ، ﺍﻟﻨﺨﻴﻞ
ﺍﻟﺮﻧﺔ ﻓﻲ ﺍﻟﻮﺗﺮ ﺍﻻﺻﻴﻞ
ﺗﻠﻘﺎﻫﺎ ﻓﻲ ﻗﺎﻣﻮﺱ ﻧﻜﺎﺡ
ﻳﺎ ﻳﻤﺔ ﻭﺍﺡ .. ﻳﺎ ﺣﻠﺔ ﻭﺍﺡ
ﻳﺎ ﺳﻌﺎﺩ ﺗﻌﺎﻟﻲ ﻭ ﻟﻤّﻲ ﻣﻦ ﻛﻞ ﺍﻟﺒﻴﻮﺕ
ﻋﺪﺓ ﺍﻟﺴﻔﺮ ﺍﻟﻄﻮﻳﻞ
ﺯﺧﺮﻓﻲ ﺍﻟﻔﺠﺮ ﺍﻟﻨﻬﺎﺭ
ﺷﺨﺒﻄﻲ ﺍﻟﻀﺤﻲ ﻭ ﺍﻻﺻﻴﻞ
ﺍﻟﻤﻐﺮﺏ
ﺍﻟﻔﺠﺮ
ﺍﻟﻨﺠﻮﻡ،
ﻓﻲ ﺻﺮﺓ ﻭ ﺍﺭﻣﻴﻬﺎ ﺍﻟﺒﺤﺮ
ﺧﻠّﻴﻨﺎ ﻓﻮﻕ ﺍﻟﺸﻚ ﻧﻌﻮﻡ
ﻭ ﺍﻟﻌﻤﺪﺓ ﻓﺎﺽ
ﻭ ﺍﻟﻌﻤﺪﺓ ﺻﺎﺭ ﻣﻠﻴﻮﻥ ﻋُﻤَﺪ
ﻭ ﺍﻟﻌﻤﺪﺓ ﻓﻴﻞ
ﺟﺒﻼ ﺗﻘﻴﻞ
ﻟﺒﻮﺓ ﻭ ﺃﺳﺪ
ﺣﺴﻨﺔ ﻭ ﻏﺼﺐ
ﺟﻤﻌﺔ ﻭ ﺃﺣﺪ
ﺑﻘّﻴﺖ ﻗﺰﺍﺯﺗﻲ
ﻣﺮَﻗﺖَ ﻋِﻦْ ﻃﺮﻑ ﺍﻟﺒﻠﺪ
ﻭﻭﺗﺮﺕ ﺟﺪ
ﻭ ﺍﻧﺎ ﺟﺎﻱ ﺭﺍﺟﻊ ﺍﺟﻬﺠﻬﻮ
ﻻﻗﺎﻧﻲ ﻫﻮ
ﺳﺎﻳﻖ ﺍﻟﻌﺴﺎﻛﺮ ﻭ ﺍﻟﻜﻼﺏ
ﺭﺍﻣﻲ ﺑﻴﻦ ﻋﻴﻨﻲ ﻭ ﻋﻴﻨﻮ
ﻛﻠِﺐ ﻭ ﺗﻜﺸﻴﺮﺓ ﻭ ﺣُﺮﺍﺏ
ﺿﺎﻗﺖ ﻧﻌﺎﻟﻲ ﻣﻦ ﺍﻟﺰﻋﻞ
ﻣﻦ ﺗﺤﺘﻬﺎ ﺍﺗﻤﻠﻤﻞ ﺗﺮﺍﺏ
ﺍﻟﻐﻴﺐ ﺳﻜﺐ ﺿُﻠﻮ ﻭ ﻣﺸﻲ
ﻭ ﺍﻟﺪﻧﻴﺎ ﻏﻴﻤﺎ ﺳﺮﺍﺏ ﺳﺮﺍﺏ
ﻭ ﺍﻟﺤﻠﺔ ﺯﻱ ﺑﻠﺪﺍ ﺑﻌﻴﺪ
ﺯﻭّﺩ ﺑﻌﺎﺩ ﻭ ﻗﺮّﺏ ﺳﻌﺎﺩ
ﺍﺗﺠﻤﻌﺖ ﻛﻞ ﺍﻟﺒﻴﻮﺕ ﻓﻲ ﺭﺍﺣﺘﺎ
ﺯﻱ ﺑﺖ ﻟﻌﺎﺏ
ﻣﺠﻨﻮﻧﺔ ﺗﺼﺮﺥ ﻓﻲ ﺍﻟﺰﻭﺍﻝ
ﻣﻤﺰﻭﺟﺔ ﻓﻲ ﺍﻟﺪﻡ ﻭ ﺍﻟﻠﻌﺎﺏ
ﻋﻴﻨﻲ ﺿﺎﻗﺖ ﻧﻈﺮﺗﻬﺎ
ﻭ ﺍﻟﺠﻮﻑ ﻳﻄﻘﻄﻖ ﺑﺎﻟﻜﻼﻡ
ﻗﺒﺎﻝ ﻳﻘﻮﻟﻮﺍ ﻟﻲ ﺳﻼﻡ ﺍﺗﻠﻤﻮﺍ ﺣﻮﻟﻲ ﺑﻼ ﻧﻈﺎﻡ
ﺷﺎﻝ ﻭ ﻋﻤﺔ
ﺗﻮﺏ ﻭ ﻏُﻤّﺔ
ﻓﺎﺱ ﻭ ﻃﻮﺭﻳﺔ ﻭ ﺣﺰﺍﻡ
ﺷﺎﻟﻮﻧﻲ ﺑﻲ ﻛﻞ ﺍﺣﺘﺮﺍﻡ
ﻭ ﺭﻣﻮﻧﻲ ﻓﻲ ﻗﻌﺮ ﺍﻟﺴﺠﻦ
ﺣﺼﻠﻨﻲ ﻗﺒﻞ ﺍﻟﻴﻮﻡ ﻳﺘﻢ
ﺟﺎﺭﻧﺎ ﺍﻟﻤﺪﺭﺱ ﻭﺩ ﺧﺪﻭﻡ
ﻗﺎﻝ ﻟﻴّﺎ
ﻻ ﺯﻭﻻَ ﻫﺘﻒ
ﻭ ﻻ ﻛﻒ ﻣﺸﺖ ﺑﺘﻼﻗﻲ ﻛﻒ
ﻭ ﺍﻟﻌﻤﺪﺓ ﺯﻱ ﻫﻤﺒﻮﻝ ﻭﻗﻒ
ﻳﺎ ﺻﻤﺖُ ﺍﻑ
ﻳﺎ ﺩﻧﻴﺎ ﺗﻒ
ﻭ ﺍﻧﺎ ﻳﺎ ﺳﻌﺎﺩ ﻟﻠﺸﻮﻕ ﻧﻐﻢ
ﻟﻠﻬﻢ ﻋﻠﻒ

روائع الراحل المقيم
عمر الطيب الدوش