أهلنا في قرية الشيخ الياقوت يؤكدون أصالة ونخوة وتفرد الشعب السوداني

أهلنا في قرية الشيخ الياقوت يؤكدون أصالة ونخوة وتفرد الشعب السوداني وهم يستقبلون أبنائهم من طلاب دارفور بجامعة بخت الرضا ، ويقدمون لهم المأوي والمأكل والمشرب ويحسنون وفادتهم في أروع صور مروءة وشهامة السوداني القح رغم سنوات ضياع القيم والأخلاق التى حلت ببلادنا مع شرذمة الأخوان المتأسلمين!!

❤❤ بلادي أمان…بلادي حنان❤❤
وناسها حنان
يكفكفوا دمعة المفجوع
يبدوا الغير علي ذاتهم
يقسموا اللقمة بيناتهم
ويدوا الزاد
حتى إن كان مصيرهم جوع
يحبوا الدار
يموتوا عشان حقوق الجار
ويخوضوا النار عشان فد دمعة
وكيف الحال كان شافوها
سايلة دموع ؟؟
ديل أهلى…
البقيف في الداره…وسط الداره
وأتنبر وأقول للدنيا ديل أهلي
ديل أهلي
ديل قبيلتي…لما أدور أفصل للبدور فصلي
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا…معايا زي ضلى
لو ما جيت من زي ديل
كان وأسفاي
وآ مأساتي
وآ ذلي
تصور كيف يكون الحال
لو ما كنت سوداني وأهل الحارة ما أهلي
تصور كيف؟!!

محمد بوتشر