Laa-Laa لا لا موقع شباب السودان الحر
*هل هؤلاء منا*
*هلكوا*النسك والمناسك والنسل والضرع وحتي العج والسجع .قسموا ارضنا وبلدنا.وخدشوا بكارات شرفنا وبناتنا….طمسوا وطمثوا دين الله واديان اهلنا..
ضهور الرجال ولين النساء ودم شبابنا وسلاح قواتنا وكلمة وشرفة التاريخ.. وحليب اطفالنا.
وفتنوا الاخاء والاخوة وشقوا.العرض والارض وحرقوا النخيل. باعوا السم والحويات وحرمونا الدواء وقلم الكراس وكرسي الدرس .وبنج العملية.
وقوت الشعب وسفن البحر وطير الجو البطير بالفرنس والبطير بقدرة الله.
اما القروش والقوانين والدستور والمدرج والبنك ديل بالفقة والتحلل كمان.
اما المثني وثلات ورباع..خمست وسدست في سرير ديوان الزكاة ومكتب الوالي بفرش الله وحنك هي لله.
*الله ماكدي ولا قال كدي*
*عزما*…وتاريخا ونساءا ورجالا.واحزابا طلبة وطالبات وعمال وعاملات خفير ودكتور من الهنا والفي بلاد برة. وحتي كاودا .بالسلاح او بالهتاف..
*سياتيكم* غضبا حليما وغير حليم .من من في اللحد ومن في المهد وما بينهم.
*املا* وعدا لا نحسبه بالزمان ولا نفتر منه ولا يتركنا جرح دافور والجنوب وكردفان والنيل الازرق .وصوت المصنع الوقف وسرير المستشفي الانقد وطباشير الحصة الكمل.وكوتات المايقوما الاضاعفت .. في عهد دين الله.لا حرم دين الله *ما كدي*
..ما بنطول ولا عليهم ولا عليكم وما بندخل في مشروع الجزيرة والسد الماسورة سكر النيل الابيض ونظم السفت وير.داك.وخلي وجع الكوليرا وفلل قارة اسيا العربية والشرقية..وبيوت الاشباح وسقف الجوامع.
ان بني شعبي اتي لا محالة.
والمشروع المسمي حضاري السوس.
ودم اولادنا في اليمن .وقبور البقيع .
نصنع وطنا واسما وبسمة.وسلام وعدلا وبنتا ولدا في حوش الضري يلعبوا.
وضرعا يحلب وشيخا يصلي في مريدي وكلبس وكنيسة تضرب الجرس واصوات الحرية.
وحتما عايدون وباقون ولا يقرنك من انت فيه وعليه.
ولم يسجل التاريخ انتصار ظالم وجلاد وسؤدة قتلة.
*وعاش نضال الشعب السوداني وتحيا جميع قواه*
*في زكري البوس والباس*
*عاصم كنون*.
