ﻳﺎ ﻏﻀﺒﺎﻥ ﻓﻲ ﻭﺟﻪ ﺍﻟﺒﺎﻃﻞ

ﻳﺎ ﻏﻀﺒﺎﻥ ﻓﻲ ﻭﺟﻪ ﺍﻟﺒﺎﻃﻞ
ﻭﻳﺎ ﻣﺴﺘﻬﺠﻦ ﻛﻞ ﺍﻟﺤﺎﺻﻞ ..
ﻭﻳﺎ ﻣﻐﺒﻮﻥ
ﻭﻳﺎ ﻣﺴﺠﻮﻥ
ﻭﻳﺎ ﻣﻄﻌﻮﻥ
ﻭﻳﺎ ﻣﻤﻜﻮﻥ ﻣﻊ ﺑﺎﻗﻲ
ﻋﻘﺎﺏ ﺍﻟﺸﻌﺐ ﺍﻟﻔﺎﺿﻞ ..
ﺍﻳﻮﺓ ﻣﻌﺎﻙ ﻓﻲ ﺍﻧﻚ ﺗﻐﻀﺐ
ﺍﻳﻮﺓ ﻣﻌﺎﻙ ﻓﻲ ﺍﻧﻚ ﺗﺸﺠﺐ
ﻟﻜﻦ ﻟﻤﻦ ﺗﻐﻀﺐ
ﻻﺯﻡ ﺗﻌﺮﻑ 
ﺍﻧﻮ ﺗﻔﺮﻕ ﺑﻴﻦ ﻣﺤﺘﺎﻝ
ﻫﻮ ﺍﻟﻨﻬﺒﻚ ﻭﺳﻠﺒﻚ ..
ﻭﻫﻮ ﺍﻟﻘﻬﺮﻙ ﻭﺿﺮﺑﻚ
ﻭﺑﻴﻦ ﺍﻟﻮﻃﻦ ﺍﻟﻀﺎﻉ ﺑﻲ ﺳﺒﺒﻚ ..
ﻭﻣﺎ ﺗﺴﺘﻐﺮﺏ !!
ﺍﻳﻮﺓ ﺍﻟﻮﻃﻦ ﺍﻟﻀﺎﻉ ﺑﻲ ﺳﺒﺒﻚ
ﻋﺎﺭﻑ ﻛﻴﻒ ﺿﻴﻌﺘﻮ ﺑﺴﺒﺒﻚ ؟؟
ﺍﻧﻚ ﺳﺎﻛﺖ ﻭﻋﺎﺭﻑ ﻭﺷﺎﻳﻒ .. !!
ﻋﺴﻜﺮ ﻃﺎﻟﻊ ﻟﻴﻚ ﻓﻲ ﺭﺃﺳﻚ
ﻣﺎﺳﻚ ﻟﻴﻚ ﻓﻲ ﻳﺪﻭ ﺣﺪﻳﺪﺓ ..
ﻗﺴﻢ ﺑﻠﺪﻙ ﺯﻱ ﻣﺎﺩﺍﻳﺮ
ﻭﻃﻠﻊ ﻟﻴﻬﺎ ﺧﺮﻳﻄﺔ ﺟﺪﻳﺪﺓ ..
ﺷﺮﺩ ﺍﻫﻠﻚ ﺑﺎﻵﻻﻑ ﻭﻃﻠﺒﻮﺍ
ﻟﺠﻮﺀ ﻟﻲ ﺩﻭﻟﺔ ﺑﻌﻴﺪﺓ ..
ﻋﻄﻞ ﻛﻞ ﻣﺸﺮﻭﻉ ﻛﺎﻥ ﻗﻮﻣﻲ
ﻣﺸﻔﻰ ﻭﻣﻨﻬﺞ
ﻣﺤﻠﺞ ﻭﻣﺰﺭﻉ
ﺳﻜﺔ ﻭﻣﺼﻨﻊ
ﻭﺣﺘﻲ ﺧﻄﻮﻁ ﻃﻴﺮﺍﻥ ﺍﻷﻣﺔ
ﺧﺼﺨﺺ ﻓﻴﻬﺎ ﻭﺍﺻﺒﺢ ﺳﻴﺪﺍ ..
ﻭﺣﺘﻲ ﺍﻟﻌﻴﺶ ﻭﺍﻟﺰﻳﺖ ﻭﺍﻟﺴﻜﺮ
ﻛﻞ ﺩﻗﻴﻘﺔ ﺍﺳﻌﺎﺭﺍ ﺑﺰﻳﺪﺍ ..
ﻭﻛﻞ ﺍﻟﻌﻤﻠﻮ !!
ﻋﺮﺵ ﺍﻟﻨﻴﻞ ﺑﺴﺪﻭﺩ ﻭ ﻛﺒﺎﺭﻱ
ﻭﻏﺮﻕ ﻓﻴﻬﻮ ﻣﺒﺎﻧﻲ ﻣﺠﻴﺪﺍ ..
ﻭﺳﻔﻠﺖ ﻟﻴﻬﻮ ﺗﻼﺗﺔ ﺷﻮﺍﺭﻉ
ﻭﻛﺘّﻞ ﻧﺎﺱ ﻳﻮﻡ ﻭﻗﻔﺔ ﻋﻴﺪﺍ ..
ﻭﻓﺎﻟﻖ ﺭﺃﺳﻚ ﺑﺈﻧﺠﺎﺯﺍﺗﻮ
ﻳﺮﻗﺺ ﺑﻴﻬﺎ ﻳﻌﻴﺪ ﺗﺮﺩﻳﺪﺍ ..
ﻭﺍﻧﺖ ﺗﻌﺎﻳﻦ ﻭﻟﺴﻊ ﺳﺎﻛﺖ
ﻛﺄﻧﻮ ﺍﻟﺨﻮﻑ ﺳﻮﻳﺘﻮ ﻋﻘﻴﺪﺓ ..
ﻭﻋﺮﻑ ﺍﻟﻌﺴﻜﺮ ﺍﻧﻚ ﺧﺎﻳﻒ
ﻭﻛﻞ ﺍﻟﻨﺎﺱ ﻣﺎ ﺑﺘﺮﻓﻊ ﺍﻳﺪﺍ ..
ﻭﻣﺎ ﺭﺍﺡ ﺗﻄﻠﻊ ﺑﺮﺍ ﺍﻟﺸﺎﺭﻉ
ﺗﻌﻠﻦ ﺛﻮﺭﺓ ﺗﻌﻴﺪ ﺗﺨﻠﻴﺪﺍ ..
ﺯﺍﺩ ﻭﺍﺗﻤﺪﺩ ﻓﻲ ﻃﻐﻴﺎﻧﻮ
ﻭﻃﺒﻖ ﻛﻞ ﻧﻈﺮﻳﺔ ﺑﺠﻴﺪﺍ ..
ﺟﻮﻉ ﺷﻌﺒﻚ ﺑﻤﺸﻲ ﻭﺭﺍﻙ
ﻭﻓﻌﻼ ﺟﺎﻉ ﺑﻲ ﺻﻮﺭﺓ ﺷﺪﻳﺪﺓ ..
ﻭﺻﺒﺢ ﺍﻟﺰﻳﻚ ﻣﺎﻟﻜﻮ ﺍﻟﻌﺴﻜﺮ
ﻳﻌﻤﻞ ﻓﻴﻮ ﻛﻞ ﺣﺎﺟﺔ ﺑﺮﻳﺪﺍ ..
ﻭﺿﺎﻋﺖ ﺑﻴﻨﻚ ﻭﺑﻴﻨﻮ ﺑﻠﺪ ﺣﺪﺍﺩﻱ
ﺩﺍﻳﺮﺓ ﺳﻨﻴﻦ ﺿﻮﺋﻴﺔ ﺗﻌﻴﺪﺍ ..
ﻭﻣﺎﻫﺎ ﺑﻌﻴﺪﺍ
ﺑﺲ …
ﻛﻞ ﺍﻟﺤﺎﺻﻞ ….!!!
ﺍﻧﻚ ﺳﺎﻛﺖ ﻭﺍﺳﺘﺴﻠﻤﺘﺎ
ﻭﻗﻠﺖ ﺧﻼﺹ ﺍﻟﻌﺴﻜﺮ ﻏﻠﺒﻚ
ﻳﺒﻘﻲ ﺃﻛﻴﺪ ﺿﻴﻌﺘﻮ ﺑﺴﺒﺒﻚ
ﻭﺯﻱ ﻣﺎﻗﻠﺖ ﻫﻨﺎﻙ ﻓﻲ ﺍﻻﻭﻝ
ﺍﻧﺖ ﺑﺮﺍﻙ ﺿﻴﻌﺘﻮ ﺑﺴﺒﺒﻚ
ﻋﺎﺭﻑ ﻛﻴﻒ ﺿﻴﻌﺘﻮ ﺑﺴﺒﺒﻚ ؟؟
ﺍﻧﻚ ..
ﺷﺎﻳﻒ ﺍﻟﻔﻴﻞ ﻭﺑﺘﻄﻌﻦ ﻭﻃﻨﻚ..
ﻛﻞ ﻣﺼﻴﺒﺔ
ﺗﻔﺘﺢ ﺧﺸﻤﻚ
ﺗﻠﻌﻦ ﻭﻃﻨﻚ ..
ﻛﻬﺮﺑﺎ ﻗﻄﻌﺖ .. ﺗﻠﻌﻦ ﻭﻃﻨﻚ
ﻣﻮﻳﺘﻚ ﻭﻗﻔﺖ .. ﺗﻠﻌﻦ ﻭﻃﻨﻚ
ﺍﻧﺖ ﻓﻲ ﺯﺣﻤﺔ .. ﺗﻠﻌﻦ ﻭﻃﻨﻚ ..
ﺳﺮﻗﻮ ﻗﺮﻭﺷﻚ .. ﺗﻠﻌﻦ ﻭﻃﻨﻚ
ﺗﻴﻤﻚ ﺧﺎﺳﺮ .. ﺗﻠﻌﻦ ﻭﻃﻨﻚ ..
ﻃﺎﻟﻊ ﻧﺎﺯﻝ .. ﺗﻠﻌﻦ ﻭﻃﻨﻚ
ﻗﺎﻋﺪ ﻗﺎﻳﻢ .. ﺗﻠﻌﻦ ﻭﻃﻨﻚ ..
ﻳﺎﺥ ﻟﻮ ﺭﺑﻨﺎ ﻣﻦ ﺭﺣﻤﺎﺗﻮ
ﻧﺰﻝ ﻣﻄﺮﺓ ﻭﻏﺮﻕ ﺍﻟﺸﺎﺭﻉ
ﺍﻧﺖ ﺗﻜﻮﺭﻙ ﻭﺗﻠﻌﻦ ﻭﻃﻨﻚ ..
ﺣﺎﺟﺔ ﻏﺮﻳﺒﺔ ..
ﺿﺎﻉ ﺑﻲ ﺳﺒﺒﻚ ﻟﻤﺎ ﺗﻘﻮﻝ ..
ﺍﻟﻠﻪ ﻳﺨﺎﺭﺟﻨﻲ
ﺩﻱ ﺑﻠﺪ ﻛﺮﻫﺎﻧﺎ ..
ﺩﻱ ﺑﻠﺪ ﺳﺠﻤﺎﻧﺎ
ﺩﻱ ﺑﻠﺪ ﻭﺳﺨﺎﻧﺎ ..
ﺩﻱ ﺑﻠﺪ ﺟﻴﻌﺎﻧﺎ
ﺍﻧﻌﻞ ﺍﺑﻮ ﺩﻱ ﺑﻠﺪ ﻻﻣﺎﻧﺎ ..
ﻣﺶ ﻓﻌﻼ ﺣﺎﺟﺔ ﻏﺮﻳﺒﺔ … ؟؟؟
ﺭﺍﺟﻊ ﻧﻔﺴﻚ ﻭ ﻓﻜﺮ ﻓﻴﻬﺎ
ﺑﻠﺪﻙ ﺍﺑﺪﺍ ﻣﺎ ﺗﺴﻲﺀ ﻟﻴﻬﺎ ..
ﺑﻠﺪﻙ ﻭﺍﺟﺒﻚ ﺗﺒﻘﻲ ﻋﻠﻴﻬﺎ
ﺑﻠﺪﻙ ﺍﻣﻚ ﺣﺎﻭﻝ ﺍﺭﺿﻴﻬﺎ ..
ﺑﻠﺪﻙ ﺩﻣﻚ ﻫﻮ ﺍﻟﺒﻔﺪﻳﻬﺎ
ﺑﻠﺪﻙ ﻏﻴﺮﻙ ﻣﻴﻦ ﺑﺤﻤﻴﻬﺎ ..
ﺭﺍﺟﻊ ﻧﻔﺴﻚ ﻭﻓﻜﺮ ﻓﻴﻬﺎ
ﺑﻠﺪﻙ ﺍﺑﺪﺍ ﻣﺎ ﺗﺴﻲﺀ ﻟﻴﻬﺎ ..
..
.
ﻣﻘﻴﺪ ﺿﺪ ﻣﺠﻬﻮﻝ