⛔ اعتداء علي قاض بالخرطوم بحري من قبل قوة مسلحة.

————————————–

الحكاية انو  اليوم ٢٤/يناير .. حوالي الساعة 5 ونص مساء قبل المغرب..
مولانا/ مجدي ، قاضي جنايات محكمة بحري . طلع من بيتهم بالحلفايا بالعربية عشان يجيب عيش ومعاه  اولاد عمه .. واول ما اشترى العيش وراجع ، جمب البيت ، لقوهو قوة تتكون من عدد 8 عربات احتياطي مركزي بقيادة، مقدم و نقيب.
وقفوه بالعربية .
ابرز ليهم بطاقته وقال للضابط، انا القاضي فلان، وساكن هنا والمعاي ديل اولاد البيت ..
الضابط رد عليهو بكل قلة ادب: بلا قاضي بلا (ك* ام)  قلت ليك انزل تحت يا دين.
..
واول ما مولانا نزل، العسكري عمّر الكلاش و ختاهو ليهو في صدروا ..
واتلموا فيهم العساكر كلهم وفتشوا جيبوا نهبوا منو التلفونات وفتشوا العربية نهبوا الطبنجة حقتوا ..
وضربوا الناس المعاهو ضرب شديد، ونهبوا تلفوناتهم كلهم..
مولانا اتكلم مع المقدم و المقدم قال ليهو، ديل شغالين شغلهم ..
الا بعداك اتدخلوا شرطة القسم حتى خلوهو ..
منها مشى فتح بلاغ..
..
البحصل دا اكتر من كلام فارغ ولايمكن السكوت عليه اذا الشرطة بتتعامل مع قاضي الجنايات كدا حتعمل شنو مع المواطن الغلبان يطلع يخلي ليهم البلد دي يعني وعشان مافي زول يعلق تعليق ما تمام مولانا مجدي فاروق جبر صالح دفعتي والان استدعوهو في مكتب رئيس القضاء يعني دا كلام حصل فعلا بالحرف الواحد دون اي زيادة ما اشاعه
لازم نضع حد للفارغه دي الان وليس غدا ولازم يتحاسب وزير الداخلية ومدير عام الشرطة اما البلطجية الاعتدو علي مولانا مجدي ديل لازم يتفصلو ويترمو في السجن
السودان انتهي..