اعتزاز

#اعتزاز

اعتذر لك يا وطني
انا شعبك    انا ابنك
انا منك      انا فيك
حكموك……ديل ما..
      البشبهوك

       حكموك…
        ناس عمر
       طه ونافع
  ضلوك ناس عمر
      طه ونافع
سرقوك… مرقوك
  وكمان فصلوك

       انا بعتذر
ديل ناس… قالوا نافع
  ياهو الحال اصبح
بين النافع والمنافع

تاري انت عشان دلالك
الكل بقول ليك نافع
       عصينه مرة
       وتاني مرة
      مرقن شارع

    بس إلاّ النافع الله
ما شهدنا…. بس قلنا لا لا
للدواء.. والحمدلله

وليك كمان عشان تكون
     سودان الهنا
ما انتي ال في القلوب
       مستوطنة
سقيتينا من نيلك
واكلنا من رمالك

   قالوا بالاسلام
      قلنا نافع
قالوا للجهاد قلنا نافع
تاري ياهو… الما نافع

    مؤتمر…… وطني
    وتاني اسلامي
والشيخ الالكتروني
  ما هي زاتا ال….

بس الا تاني تكون معانا
      دماعنا سالت
     ودموعن جفه
      وكمان هناية

فيك حكومة…. بلدان
         مصالح
        ومنظمات
      مرقن جلدك
     ومرقنا شارع
ياهو الحال اصبح صعب
     حكومة كجر
يقتل بشر يسجن بشر
     ياهو عزيزك
ربع قرن وكمان سنين
  مصبر وصابر الله
        بعد صبر

      انا بعتذر
       لو لا ال….
الاعتذار شرف الرجولة
       وليك شرف
ما كان دموعن جفه
       انا بعتذر

✍???? محمد بشير