ذهبنا انا ومجموعة من المحاميات لفتح بلاغ في هؤلا الامنجية وشلنا رقم البوكس وكانو بضربو في الثوار والكنداكات بالعصي حتي سالت دماهم…
مشينا النيابة وفتحنا البلاغ وتوجهنا للقسم الاوسط للتحري…
سرعان موصل الخبر للامنجية وجو لاحقننا وانا كنت قدام المحاميات بتكلم في تلفونه ماحس الا بيهم نزلو وحاوطوني وداير يشيله تلفوني قالو دي قبيل صورتنا في الموكب…المهم قالعتهم وابيت افكه ليهم فبدو بضربي علي جسمي وضربوني في عيوني وكسرو نضارتي في وشي وضربوني في رجولي …
وكنت بقول ليهم انا محامية ..وردو بالفاظ فاحشة ..
المهم مشيت وفتحت فيهم بلاغات …ولليوم بلاغاتي ولا البلاغ المفتوح في البوكسي والطلع نمرتو بتاعة اكسنت جياد حسب افادة ناس المرور وما نمرة بوكسي…..
المهم جهاذ الامن القذر لسه موجود وللاسف بتساعده الشرطة…والكان معاهم في الشرطة نقيب اسمه اشرف ..بقولو ليه ود الاشلاق…مشهور بكراهيته للثورة والثوار …لما جيت القسم قلع لي الكمامة من وجهي…قبيح الهئية كوز معروف …..
لااااااازم نقيف مع بعض ونزيلهم..الناس ديل بدو يصطادو في الثوار واحد واحد..اولادنا اولاد امدرمان وبالذات الحلبي امسه استهدفو