الحرية_لأكرم – هددوهو بالقتل – جريمتو انو بحب البلد

الولد الفي الصور دي اسمو أكرم أحمد

اكرم كان طالب في جامعة الأهلية، سنة 2009 أسس مع مجموعة من أصحابو حركة قرفنا: حملة اسقاط المؤتمر الوطني في الانتخابات
وجزو من الحملة دي قام سجل فيديو https://m.youtube.com/watch?v=2o6Rxc_JZKg
دعاية لقرفنا وكيف وتتخلص من المؤتمر الوطني ووساختو

يلا من ما سجل الفيديو دة ناس الأمن بقو قاصدنو، ضرب واعتقالات وتعذيب

واعتقلوهو قبل سنتين وعذبوهو لمن اضطر يسافر مصر كم شهر عشان اتعالج من اثار الضرب ولأنو هددوهو بالقتل

أكرم امبارح الأمن داهم بيتم عشان يقبضو وما لقوهو في البيت، لكن قدرو يمسكوهو من الحلة وليهم قريب شهر يهددو فيهو ويضربو ليهو في التلفونات

أكرم جريمتو انو بحب البلد والناس شديد، وهو من الناس النشيطين في شارع الحوادث

أكرم الفي جيبو ما حقو، ممكن اكمل قروشو كلها لو في زول احتاج ليهو ويضطر يمشي كداري من الخرطوم لي بيتم في ود نوباوي