الشهيد أحمد عبد الفتاح،

 البكت امو مش على استشهادو على انو مافي زول بعرفو.. قالت بالنص : “انا بقعد جنب التلفزيون كل يوم عشان يمكن اشوف صورة ولدي شهيد، بس ولدي ما معاهم”.. وواصلت حديثها، قالت لو بتعرف في الفيسبوك كان نزلت صورتو عشان الناس تترحم على.. دا طلبها..♥..

احمد كان سند اسرتو بتشتغل ويطلع يومية اهله ويمشي على القيادة.. امو قالت ولدها ولد جسور.. لحدي ما مشي القيادة واستشهد واهبا روحه للوطن ولنا..
احمد ساكن امبدة سوق ليبيا ٣٣، مطلوب من لجان المقاومة تصل اهله وتعزي أسرته.. ومطلوب مننا نعز والدة الشهيد أحمد ونرفع صورتو..

دا ملخص لكلام زوله اسمها عليا على بربراوي

ارجو منكم أن ترفعو صور الشهيد أحمد وتترحمو عليهو، اكراما لوالدته وتقدير لروح شهيد ضحى من أجلنا.