تسقط حكومه حمدوك وتسقط قحت ويسقط تجمع المهنين وكل الأحزاب

الأسباب للاتي
شنو يعني الحكومه قبضت السنوسي وغازي وأمين حسن عمر هل ديل قيادات الجيش العملت الانقلاب طيب وين زين العابدين علي كرتي  صلاح كرار   بكري حسن صالح
وين السبعين نفر الكانو مطالبين للجناءيه وين كوشيب دا استعباط
للزمن والتاريخ حمدوك من جا قال ما هيتعامل مع الكيزان بنفس أسلوبهم كويس يا ابو المحنه
ثم ظهر جليا ان حمدوك والوزراء لن يستطيعون تقديم احد للمحاكمه أو المسأله
لو سالت هل في كوز لليله سالو من أين لك هذا
في كوز ولا امنجي اتحاكم بخيانه الوطن وخيانه الامانه
في شركات ولا بيوت ولا اراضي تابعه للنظام أوقفت أو صودرت
ما تقول لي دي دوله عميقه ولا ليها ٣٠ سنه ولا تشبكني والله الناس ديل بنظفو في الكيزان بالتدريج دا كلام واهم
الحكومه بتقول النظام البايد يعني نظام منتهي
وبتقول انو الحكومه دي جات لتلبيه رغبات الثوره طيب ياخ
امبارح قتل شاب بالكلاكله لم تستدعي الحكومه وزير الداخليه لانها عارفه تماما انو الحصل دا قدام عينها
الم نقل ان من حق المواطن الاعتصام والتجمهر والمطالبه بحقوقه فيبقي الثوار يطلعو وانضربو بالرصاص في الحصاحيصا ويتوجه البمبان البيوت والمنازل في بالكلاكله وتنضرب الثوار ولا نسمع من الحكومه اي بيان لا زالت والسبب هو الولاه العساكر والسبب انكم ما قادرين تجيبوا ولاه مدنيين ولا دايرين تعينو مجلس تشريعي وبدل حمدوك اطلع للشعب وقول ليه الحاصل قحت منزله بيان يعني انحن حاكمنا قحت ولا حمدوك ثم المكتب الاعلامي أو وزير الإعلام دا ما شغلو ولا هو شغال شنو
ارجع ليكم الاهم حمدوك يخاف بطش الكيزان
يعني للان الحكومه لم تقدم اي مستندات فساد ونعلم أن القصر الجمهوري فيه اغلب المستندات التي تدين النظام
حمدوك يعلم هو والجبانين المعاه ان برهان ضرب دارفور بالكيماوي واحرق القري وقوات حمدتي اغتصبت في تابت وأغلب مناطق دارفور ويعلم كل الشعب ان النيل الازرق وجبال النوبه ضربت بالطيران الحربي وكان في ابادات جماعيه
القاصي والداني يعلم فض الاعتصام ومجزره الأبيض ويعلم مجزره ٣٠ يونيو ويعلم من قتل نزار النعيم ويعلم من قتل الطلاب في الجامعات ويعلم كم من تشرد بسبب النظام ويعلم ان هنالك من فصل لمعاداته النظام وهنالك من أستبعد من السودان وهنالك شباب مات في البحر بسبب الهروب من ضنك الحياه وهنالك أسر تفككت ياخ جرايم الانقاز لا تحصي
اعلم تماما اي ريس حزب أو معارض يعلم ويعرف كميه الفساد ويعرف المفسدين وكلهم تعرضوا للسجون والاعتقالات ولا يريدون للان فضح الحكومه
يا ثوار اعلمو جيدا أن هذه الحكومه لن تحاسب الكيزان ولن تأتي بحق الشهدا والسبب
اول امبارح اتقبض عم صديق والحكومه عارفه قبله شوتايم انضرب من امنجيه في المطار  قبله اترفعت قضيه في ابنا جنوب الحزام واتقبضو وفي قضيه في امن المعلومات يعني جهاز الامن القالو حلو مرفوعه في منبرشات الثوره ومحاكمتهم الليله الساعه ١٠
في قضيه مرفوعه ضد اولاد بري لم يفصل فيها
يعني الحكومه وزاره العدل ريس القضا الجابوهم الثوار ديل اتحاكمو  وفي ظل حكومه الثوره
بينما الكيزان في الجامعات شغالين أركان وبحمايه الشرطه الجامعيه والاسابيع الفاتت تعرضت جامعه الأزهري للعنف من الكوادر الجهاديه وبمسدسات وسيخ والوزيره تقول حلتهم  وبعدها البشير ماش اكشف علي عيونو ومعاهو موكب خليك من الشرطه وقفتهم ولا لا بعرفو كيف انو البشير مارق اقابل الدكتور قبل أيام سمعنا انو البشير اتقبض عندو تلفون وسربوه ليه لأي ما قامت وزارت العدل بالتحري وإيقاف المجموعه الحارسه السجن واستبداله وإيقاف مدير السجن ورفد المسؤل  ياخ أنصار البشير يمشوا المحكمه ويعملوا وقفات وينظموا ندوات واحتجاجات ولا في زول بسالم ياخ دي شنو ولا في اي عهد نعيش
حاجه أخطر صلاح قوش مدير الجهاز ومعه جلال لسه بره وهم من كان يقود كتايب الظل وعارف الكتل المتظاهرين وعارف التحركات بتاعتهم وكان المنفذ لكل قرارات إجهاض ثوره ديسمبر ومن اكثر الناس عنف ودمويه حتي دمبلاب شريك في كل الجرايم
الشرطه كانت أيام الثوره وقبلها تعتدي علي المواطن وبالأخص أيام الثوره ياخ لحدي الان الشرطه ولاءها وتحركها  كلها بأوامر الكيزان
في شي في الناس دي غلط واقول اني ضد حمدوك ولا يمثلني واعتبرها حكومه مويده  للكيزان وواقفه معاهم
يعني الحكومه دي بتشغل الناس بقضايا انصرافيه واعتبرها هي والكيزان نسخه من بعض
شوف كل ما تفتح قضيه مهمه يقوموا  اشغلو  الناس باقالات واعفاات لا تهم المواطن يعني ليست زات اهميه فتحوا زيرو فساد اشتغلت يومين اليوم التاني طلعوا هم زاتهم كيزان
حمدوك ودا مدير السدود ضربو الكيزان بدل احاكمهم قفل اداره السدود القضايا كتيره
المهم  ياخ انحن الان نشاهد الكيزان يسافرو وبمرقوا بباب المطار الداير اهرب والداير اهرب قروشووالمارق سايب السودان دون توقيف من الحكومه ياخ ديل مارقين بي حقنا الاخدو من دم وأموال الشعب وانته يا زفت حمدوك ما داير ترجع أموال السودان شابكننا  ماش ارفع اسم السودان من الإرهاب لو انته زول عاقل بلد اساسا محاصره اقتصاديا وجعانه وين الارهاب ياخ ما امشوا روسيا ولا سوريا ارهاب شنو الانته قادينا بيه شايف داعش في السودان ياخ انته زول وهم وما عندك اي كفااه ياخ انته كفوة
قرار ازاله واباده واحاله الموتمر الوطني لحدي الان ما داير تقولو واذكرك يا حمدوك ولا خازوق انته
البشير أعلن الطواري وحل الموتمر الوطني وحل الأحزاب  وشكل حكومه جديده براسته ونايبه احمد هارون وشال  ولاه الولايات وعين محلهم العساكر الانته ما داير تشيلهم  وعين برهان مفتش عام للجيش والغي النظام العام حتي قال انحن ضيفنا علي الشباب يعني انته لما جيت لقيت العساكر الجابهم البشير وهم موالين ليه بدل توقفهم وتعين أدارت مدنيه موقته وتفعل القرار القالو البشير لانو كان هيختصر ليك حاجات كتيره لقينا الموتمر الوطني قاعد ومليشياته قاعده وكتايبه وامنه العام والشعبي والمجاهدين واللصوص  والخونه كلهم مطلقين الحريه
اتحركنا اربعه مواكب آخرهم كان ٢١ أكتوبر لطلبات إكمال ما قامت له الثوره ولجميع القضايا المعلومه وللان نري التجاهل منكم ومن ريس القضا حتي اللجنه العملتها لفض الاعتصام بعد يومين عملت معاها لجنه اخري
وكل يوم نسمع تعدي المليشيات في دارفور وقبل فتره كان في بتيين اغتصبوهم وبعد زيارتك للنازحين حصل قتل واغتصاب في المعسكرات اخره اول امبارح الشرطه في دارفور بتغتصب المشردات والثوره دي كان الفاقد السند أو ابنا الشوارع هم سنده ولا نسيت دسيس الكان شماشي الان الثوره بقتو شنو
يا حمدوك انته فاشل ووزراء الحكومه الجبتهم لا بطقعوا ولا بجيبو الحجار خليكم في قضيه ولا البوشي وعبد الحي اما قضايا الشعب الضحي  باولاده وضحي بنفسه لأجل اقتلاع الكيزان فهو سيسقطكم انتم يا اوغاد
حكومه الكيزان أمام عينهم والمجرمين قدامهم ومادايرين يتخزوا قرارات جاده بشأنهم وتجي تلقي الشعب مطحون في حين الوزرا الما كانو بحلموا ساي اخشوا القصر دخلو علي دما ابنا الشعب وبدل احترموا  تضحيات الشعب بقوا هم زاتهم ضد الشعب
منقول