#رسالة_الي_ذكي_عثمان_مدير_محلية_كررري

الدولة العميقة لازالت هي المسيطرة علي هيئة مياه ولاية الخرطوم
يااااااا باشا ما تم امس في مكتب مدينة النيل للجنة مقاومة هيئة مياه ولاية الخرطوم  شين في حقككم….
انت ما سمعت انو الثورة دي قامت باسم ثورة الوعي؟ انت ما سمعت انو الثورة دي قامت من اجل انتزاع الحقوق؟ انت ما سمعت انو الثورة دي قامت  لرفع الظلم عن المظلوميين؟ انت ما سمعت انو الثورة دي قامت من اجل انتزاع الحقوق؟ انت ما سمعت انو الثورة دي قامت من اجل الوعي؟ انت ما سمعت انو الثورة بيها تاني مافي حد بيسمح لحرامي ياكل حقوقوا.. انت ما سمعت انو الثورة دي قامت ضد القمع والتسلط والجبروت… انت ما سمعت انو من اهم اهداف الثورة دي دي كنس الانتهازيين والمتسلقيين والحرامية؟
#بالجد_امس_انا_استغربت_لما_بتسالوني_انتو_منو؟
كيف ما عارف نحن منو وبنعمل في شنو؟ طيب انت ما كنت معانا يوم مشينا للوالي واقتلعنا نهيزي؟
ما كنت عارفنا نحن منو؟
طيب الاتغير شنو بين الامس واليوم
اهااااااا اقول ليك
الاتغيرت الوقت بالامس  نهيزي كان راكنكم في الرف وخاليكم عطالة.. لذلك كنتو خاتيين نفسكم في خانة المظلومين وبتفتشوا عن حقوقكم
#لكن_اليوم_اتغير_الحال
رجعوكم واصبحتم مدير محلية
#مديييييييييير_يااااا_باشااااااا
زمااان كنت بتفتش لينا
والليلة #بقيت_بتسالنا_انتو_منووووووو؟
بتقيف بتهددنا وبتتوعدنا
عشان جينا العمال؟
وانت عارف الظلم الواقع علي الفئة دي؟
عارف انهم لاحولا لهم ولا قوة
لكن للاسف
وللاسف انا من الناس الكنت بعتقد انك ممكن تقيف مع المظالميم لانك اكتويت بنار الظلم
#لكن اهاااااااا
نسيت ما قعدتة  في الكرسي ونحنا اتعودنا البقعد علي كرسي الادارة في الهيئة بدوس علي الكل لكي يحافظ علي مكانو
والنمازج كتييرة
وللاسف انت برضك مشيت في نفس النهج
واصبحت نموزج
يعني وانت مدير محلية بتعمل فينا ما اتعمل امس
يعني لو اصبحت مدير عام حتعمل فينا شنو؟
#معليش_يا_باشااا
انا حاواصل مع المظلوميين
#وانت_اكتب_تقريرك_عني
انا ما بتهدد
ومافي شي بخاف منو
#وحاكون_مع_المظاليم_ما_دام_بستطيع_علي_الاقل_اديهم_جرعة_وعي
حانتظروا تقريرك القلت حتكتبوا زي الزفت عني عشان اشوفك حتكتب عني شنو
وصدقني
في النهاية عمال الهيئة حينتزعوا حقوقهم
وما ضاع حق وراهو مطالب
و#وجبنا حكومة الحكم المدني
مع تحياتنا لوليد عوض وبحر
في النهاية بتسالونا انتو منو
بنقول ليكم
نحن لجنة مقاومة هيئة مياه ولاية ااخرطوم بنقيف مع اي مظلوم..
وضد الظلم والفساد