#إضرابنا_عشانك_يا_مواطن #إذا_لم_نحمي_اﻷطباء_فكيف_سنحمي_المرضى

الهدف
#إضرابنا_عشانك_يا_مواطن  #إذا_لم_نحمي_اﻷطباء_فكيف_سنحمي_المرضى
#إضراب_أطباء_السودان
#لجنة_أطباء_السودان_المركزية_تمثلنا
#شعراء_بلادي

*سطر حقيقة*✌????
قصة ناس فكت من ايدها اساور الخوف
وقامت هتفت بي تغريدة
طبيب وطبيبة
أعلنوا إنو كفاية مهازل
وإنو الظلم الطول حاصل، لازم يخلص
وفي سطرين أدونا ملخص
*#اضرابنا_عشانك_يامواطن* انت اليوماتي بتنزف دم
والشاش معدم
البنج البخفف وجعك معدم
الخيط معدم
وسرير تتمدد فيهو تعبان ايضاً  معدم
أبسط خدمات تتقدم ليك مافيش ابداً
كاتم نفسك وحوادث كل محلية
مافيها نفس لا اوكسي جين
لا لو خشيت في حادث وجيت، نلقالك دم
لا درب جلكوز
والكوز بتعالج في الزيتونة  المابتعدم
اضربنا عشان كل بني آدم
وطفلك بيموت مالاقي علاج
وحكومتك قاعدة تقدم ليك يوماتي كفن
اضربنا عشان الدمعة الخوف الحوجة المرض الهم والغم
عشان مايموت بي الحوجة طفل
وعجوز مايلقي علاج في ضل
شايفين يوماتي الاسعافات
تمرق وتدخل
تطلع بي جثمان زول غالي
اضربنا عشان كل هذا الهم
عشان مايتخصخص قدر الفضل من شفخانات
ومادايرين غير بس
*حبة دعم*✌????

للمزيد من الأخبار تابعوا صفحتنا على فيسبوك:
https://m.facebook.com/hadafsd/