#قادرات_على_العطاء

استاذة نور حسين مؤسسة منظمة شمعة لمجهوليين الابوين و هي في ذات نفسها مجهولة الابويين و قصة حياتها قصة مشرفة و مدعاة للامل و دافع كبير لتحفيزنا كنساء و رجال علي احداث التغيير في المجتمع
حصل لي الشرف و لاقيتها و اتونست معاها كتير في تجربة تدريب في مشروع قيادات نسوية شابة قبل 3سنين
المقال منقول من سودانيز اون لاين
و الرابط تحت للحابي يقرا المقال بالكامل

#قادرات_على_العطاء
ﺃﻧﺎ ﺻﺎﺣﺒﺔ ﻓﻜﺮﺓ ” ﻣﻨﻈﻤﺔ ﺷﻤﻌﺔ ..” ” ﺷﻤﻌﺔ ” ﻛﺎﻧﺖ ﺣِﻠِﻢ “.. ﺷﻤﻌﺔ ” ﻛﺎﻧﺖ ﺍﻟﻤﻜﺎﻥ ﻭﺍﻟﻤﻼﺫ . ﺣﺘﻰ ﻭﺃﻧﺎ ﺑﻜﺘﺐ ﻓﻲ ﺍﻷﺳﺲ ﺍﻟﺤﺘﻘﻮﻡ ﻋﻠﻴﻬﺎ ﺍﻟﻤﻨﻈﻤﺔ، ﻛﺎﻧﺖ ” ﺷﻤﻌﺔ ” ﻗِﺪﺍﻣﻲ، ﻛﻨﺖ ﺑﺸﻮﻑ ﻧﻔﺴﻲ ﺟﻮﺍﻫﺎ .. ﺑﺸﻮﻑ ﺃﺧﻮﺍﻧﻲ ﺟﻮﺍﻫﺎ . ﺃﺳﺴﺖ ” ﻣﻨﻈﻤﺔ ﺷﻤﻌﺔ ” ﻓﻲ ﻋﺎﻡ .2007 ﺃﻭﻝ ﺣﺎﺟﺔ ﻋﻤﻠﺘﻬﺎ ﺇﺳﺘﺪﻋﻴﺖ ﻛﻞ ﺃﺧﻮﺍﻧﻲ ﻭﻟﻤﻴﺘﻬﻢ ﺣﻮﻟﻲ .. ﻟﻤﻴﺘﻬﻢ ﺣﻮﻝ ﺍﻟﻔﻜﺮﺓ ﻭﺇﻧﻪ ﻧﺤﻦ ﻳﺎ ﺟﻤﺎﻋﺔ ﺩﺍﻳﺮﻳﻦ ﻧﻘﻮﻝ ﻟﻠﻤﺠﺘﻤﻊ ﺩﻩ ﻛﻼﻡ ﻣﻬﻢ .. ﺣﻨﻘﻮﻟﻮ ﻟﻴﻬﻢ ﻛﻴﻒ؟ ﻻﺯﻡ ﻧﻘﻮﻟﻮﺍ ﻟﻴﻬﻢ ﻋﺒﺮ ﺁﻟﻴﺔ ﻭﻃﻨﻴﺔ . ﺃﺳﺴﻨﺎ ” ﻣﻨﻈﻤﺔ ﺷﻤﻌﺔ ” ﺑﺮﺅﻳﺔ ﻭﺍﺿﺤﺔ ﺟﺪﺍً ﺟﺪﺍً، ﺇﻧﻪ ﻧﺤﻦ ﺩﺍﻳﺮﻳﻦ ﻧﻨﻴﺮ ﻫﺬﻩ ﺍﻟﻈﻠﻤﺔ . ﺇﺷﺘﻐﻠﻨﺎ ﻓﻲ ” ﻣﻨﻈﻤﺔ ﺷﻤﻌﺔ ” ﺑﻨﺸﺎﻁ ﻭﻫﻤﺔ ﻛﺒﻴﺮﺓ ﺟﺪﺍً، ﻭﺣﻘﻘﻨﺎ ﺑﻌﻤﺮ ﺍﻟﻤﻨﻈﻤﺔ ﺣﻘﻴﻘﻲ ﺇﻧﺠﺎﺯﺍﺕ ﻣﺎ ﺑﺘﺨﻔﻰ ﻋﻠﻰ ﺃﻱ ﺇﻧﺴﺎﻥ ﻣﺘﺎﺑﻊ ﻟﻠﻌﻤﻞ ﺍﻟﻄﻮﻋﻲ ﻭﺣﻤﺎﻳﺔ ﺍﻷﻃﻔﺎﻝ .
ﻭﻣﻦ ﺍﻹﻧﺠﺎﺯﺍﺕ ﺍﻟﻤﻬﻤﺔ ﺟﺪﺍً ﺟﺪﺍً ﺍﻷﻧﺎ ﻋﺒﺮ ” ﺷﻤﻌﺔ ” ﺛﺒّﺘّﻬﺎ – ﺍﻟﺤﻤﺪ ﻟﻠﻪ – ﺇﻧﻪ ﺃﻧﺎ ﺃﻭﻝ ﺯﻭﻝ ﻛﺴﺮ ﺣﺎﺟﺰ ﺍﻟﻮﺻﻤﺔ ﺍﻟﻤﺠﺘﻤﻌﻴﺔ ﻭﻗﺎﻝ ﻟﻠﻨﺎﺱ : ﺃﻧﺎ ﻋﺸﺖ ﺗﺠﺮﺑﺔ ﺍﻷﻃﻔﺎﻝ ﺍﻟﻤﺤﺮﻭﻣﻴﻦ ﻣﻦ ﺍﻟﺮﻋﺎﻳﺔ ﺍﻟﻮﻻﺩﻳﺔ ﻭﺍﻧﺎ ﻓﺨﻮﺭﺓ ﺑﻨﻔﺴﻲ .. ﻓﺨﻮﺭﺓ ﺟﺪﺍً ﻭﺷﺠﺎﻋﺔ ﻷﻧﻲ ﻗﺪﺭﺕ ﺃﻛﺴﺮ ﺍﻟﺤﺎﺟﺰ ﺩﻩ، ﻭﻗﺪﺭﺕ ﺃﻗﻮﻝ ﻟﻠﻤﺠﺘﻤﻊ ﺑﺈﻧﻪ ﻧﺤﻦ ﻣﻮﺟﻮﺩﻳﻦ ﻳﺎ ﺟﻤﺎﻋﺔ ﺑﻐﺾ ﺍﻟﻨﻈﺮ ﻧﺤﻦ ﺟﻴﻨﺎ ﻛﻴﻒ ﻟﻠﺤﻴﺎﺓ ﻷﻧﻪ ﺩﻱ ﻣﺎ ﻣﺴﺌﻮﻟﻴﺘﻨﺎ ﻧﺤﻦ .
ﻓﻲ ” ﺷﻤﻌﺔ ” ﺃﻧﺠﺰﺕ ﺇﻧﺠﺎﺯﺍﺕ ﺃﺳﺎﺳﻴﺔ ﻣﻦ ﺧﻼﻝ ﺍﺳﺘﺨﺮﺍﺝ ﺍﻷﻭﺭﺍﻕ ﺍﻟﺜﺒﻮﺗﻴﺔ ﻷﺧﻮﺍﻧﻲ ﺑﺪﺀﺍً ﻣﻦ ﺷﻬﺎﺩﺓ ﺍﻟﻤﻴﻼﺩ ‏( ﺃﻭ ﺍﻟﺘﺴﻨﻴﻦ ‏) ، ﻭﺍﻟﺠﻨﺴﻴﺔ، ﻭﺣﺴّﻲ ﺍﻟﺮﻗﻢ ﺍﻟﻮﻃﻨﻲ . ﺃﻛﺘﺮ ﻣﻦ 150 ﻣﺴﺘﻨﺪ ﻧﺤﻦ ﺃﻭ ﺃﻧﺎ ﺑﺎﻟﺘﺤﺪﻳﺪ ﺍﺳﺘﺨﺮﺟﺘﻪ ﻷﺧﻮﺍﻧﻲ ﻋﺒﺮ ” ﺷﻤﻌﺔ .” ﻓﻲ ” ﺷﻤﻌﺔ ” ﺃﻧﺠﺰﺕ ﺍﻧﺠﺎﺯﺍﺕ ﻣﻬﻤﺔ، ﻭﺳﺎﻫﻤﺖ ﻓﻲ ﻛﻔﺎﻟﺔ 150 ﻃﻔﻞ ﻣﻦ ﺩﺍﺧﻞ ﺍﻟﺪﺍﺭ ﻷﺳﺮ ﺧﺎﺭﺝ ﺍﻟﺪﺍﺭ . ﻓﻲ ” ﺷﻤﻌﺔ ” ﺭﺟّﻌﺖ ﺃﻛﺘﺮ ﻣﻦ 70 ﻃﻔﻞ ﻷﺳﺮﻫﻢ ﺍﻟﺤﻘﻴﻘﻴﺔ ﻭﺍﻟﻤﻤﺘﺪﺓ ﺍﻷﺻﻠﻴﺔ .
ﻓﻲ ﺷﻤﻌﺔ ﺯﻭّﺟﺖ ﺷﺎﺑﺔ ﺗﻌﺮﺿﺖ ﻟﻠﻤﺸﻜﻠﺔ ﺩﻱ ﻭﺟﺎﺑﺖ ﻃﻔﻞ ﺧﺎﺭﺝ ﺇﻃﺎﺭ ﺍﻟﺰﻭﺍﺝ . ﺑﺴﻌﻲ ﻛﺒﻴﺮ ﺟﺪﺍً ﺟﺪﺍً ﻗﺪﺭﺕ ﺃﺯﻭﺝ ﺍﻟﺸﺎﺑﺔ ﺩﻱ ﻟﻠﺸﺎﺏ . ﺇﺷﺘﻐﻠﺖ ﻋﺒﺮ ﻛﻞ ﺍﻟﻤﻴﺪﻳﺎ ﺍﻟﻤﺴﻤﻮﻋﺔ ﻭﺍﻟﻤﻘﺮﻭﺀﺓ، ﻭﺍﻟﻘﻨﻮﺍﺕ ﺍﻟﻔﻀﺎﺋﻴﺔ ﺍﻟﺪﺍﺧﻠﻴﺔ ﻭﺍﻟﺨﺎﺭﺟﻴﺔ . ﻭﻗﻠﺖ ﻟﻠﻌﺎﻟﻢ ﺑﻮﺿﻮﺡ ﺷﺪﻳﺪ ﻧﺤﻦ ﻣﻮﺟﻮﺩﻳﻦ، ﻭﻧﺤﻦ ﻣﺎ ﻋﻨﺪﻧﺎ ﻋﻼﻗﺔ ﺑﺬﻧﺐ ﺁﺑﺎﺀﻧﺎ، ﻭﻧﺤﻦ ﻧﺎﺱ ﺇﻳﺠﺎﺑﻴﻴﻦ، ﻭﻧﺤﻦ ﻧﺎﺱ ﻣﺴﺌﻮﻟﻴﻦ ﻭﺩﺍﻳﺮﻳﻦ ﻧﻐﻴّﺮ ﻭﺍﻗﻊ ﻫﺬﻩ ﺍﻟﺸﺮﻳﺤﺔ .
ﻭﺍﺣﺪﺓ ﻣﻦ ﺍﻟﺤﺎﺟﺎﺕ ﺍﻟﻤﻬﻤﺔ ﺍﻷﻧﺠﺰﺗﻬﺎ ﻓﻲ ” ﺷﻤﻌﺔ ” ، ﻫﻲ ﺇﻧﻲ ﻛﺘﺒﺖ ﻗﺼﺔ ﺣﻴﺎﺗﻲ ﻓﻲ ﻛﺘﺎﺏ ﺑﻌﻨﻮﺍﻥ Daughter of dust ” ﺍﺑﻨﺔ ﺍﻟﻐﺒﺎﺭ .” ﺍﻟﻜﺘﺎﺏ ﺑﺎﻟﻠﻐﺔ ﺍﻻﻧﺠﻠﻴﺰﻳﺔ ﻭﻫﻮ ﻣﻮﺟﻮﺩ ﻓﻲ ﻛﻞ ﺍﻟﻤﻜﺘﺒﺎﺕ .. ﻓﻲ ﻣﻜﺘﺒﺎﺕ ﻟﻨﺪﻥ ﻭﻏﻴﺮﻫﺎ ﻣﻦ ﺍﻟﺒﻠﺪﺍﻥ . ﻗِﺪِﺭﺕَ ﺃﻭﺟِﺪ ﺃﺭﺑﻌﺔ ﻣﻨﺢ ﻓﻲ ﺟﺎﻣﻌﺎﺕ ﺳﻮﺩﺍﻧﻴﺔ ﻷﺧﻮﺍﻧﻲ ﻣﻦ ﺍﻟﻄﻼﺏ ﻋﺸﺎﻥ ﺇﻭﺍﺻﻠﻮﺍ ﺗﻌﻠﻴﻤﻬﻢ ﺍﻟﺠﺎﻣﻌﻲ .
ﻋﺒﺮ ” ﺷﻤﻌﺔ ” ﻗِﺪِﺭﺕَ ﺃﺟﻤﻊ ﺃﺧﻮﺍﻧﻲ ﻓﻲ ﻭﻇﺎﺋﻒ ﺩﺍﺧﻞ ” ﺷﻤﻌﺔ ” ، ﻓﻲ ﻣﺸﺮﻭﻋﺎﺗﻨﺎ ﺍﻟﻤﺨﺘﻠﻔﺔ . ﻭﺃﻳﻀﺎً ﻋﺒﺮ ﻋﻼﻗﺎﺗﻨﺎ ﻭﺷﺮﺍﻛﺎﺗﻨﺎ ﺍﻷﺧﺮﻯ،ﺍﺟﺘﻬﺪﺕ ﺇﻧﻪ ﺃﺳﺎﻋﺪ ﺃﺧﻮﺍﻧﻲ ﻣﻦ ﺧﻼﻝ ﻣﻜﺘﺒﻨﺎ ﺑﺘﺎﻉ ﺍﻟﺘﺄﻫﻴﻞ ﺍﻟﻨﻔﺴﻲ ﻭﺍﻻﺟﺘﻤﺎﻋﻲ ﺇﻧﻬﻢ ﺇﺗﺨﻄﻮﺍ ﺣﺎﺟﺰ ﺍﻟﻮﺻﻤﺔ ﺍﻻﺟﺘﻤﺎﻋﻴﺔ، ﻭﺇﻗﻮﻟﻮﺍ ﻟﻠﻤﺠﺘﻤﻊ ﻛﻠﻪ ﻧﺤﻦ ﻣﺎ ﻋﻨﺪﻧﺎ ﻋﻼﻗﺔ ﺑﺬﻧﺐ ﺁﺑﺎﺀﻧﺎ .
ﻓﻲ ﻋﺎﻡ 2012 ﻗِﺪِﺭﺕَ ﺃﻧﺎﻝ ﺟﺎﺋﺰﺓ ﺻﺎﺣﺒﺔ ﺃﻓﻀﻞ ﻣﻨﻈﻤﺔ ﻋﻤﻞ ﻃﻮﻋﻲ ﻓﻲ ﺍﻟﺴﻮﺩﺍﻥ ﻟﺤﻤﺎﻳﺔ ﺣﻘﻮﻕ ﺍﻷﻃﻔﺎﻝ ﻣﺠﻬﻮﻟﻲ ﺍﻻﺑﻮﻳﻦ . ﻭﺩﻱ ﺟﺎﺋﺰﺓ ﺑﺘﻤﻨﺤﻬﺎ ” ﻣﻨﻈﻤﺔ ﺣﻘﻮﻕ ﺍﻟﻄﻔﻞ ﺍﻟﺴﻮﻳﺪﻳﺔ .” ﺍﺷﺘﻐﻠﻨﺎ ﻳﺎ ﺟﻤﺎﻋﺔ .. ﺍﺟﺘﻬﺪﻧﺎ ﻭﻣﺎ ﺯﻟﻨﺎ ﻧﺠﺘﻬﺪ، ﻭﻣُﺼِﺮّﻳﻦ ﺇﻧﻪ ﻧﻐﻴِّﺮ ﻣُﺠﺘﻤﻌﻨﺎ ﻓﻲ ﺇﻃﺎﺭ ﻗﺒﻮﻟﻨﺎ، ﻭﺍﻟﺘﻌﺎﻣﻞ ﻣﻌﺎﻧﺎ، ﻭﺩﻣﺠﻨﺎ ﻓﻲ ﺍﻟﻤﺠﺘﻤﻊ، ﻭﺩﻩ ﺣﻖ ﻃﺒﻴﻌﻲ ﻟﻴﻨﺎ . ﺷﻌﺎﺭﻧﺎ ﻓﻲ ﻛﻞ ﺍﻟﺴﻌﻲ ﺩﻩ ﺇﻧﻪ ﻧﻨﻴﺮ ﻇﻠﻤﺎﺕ ﻫﺬﻩ ﺍﻟﻔﺌﺔ ﻭﻧﺒﻘﻰ ﺃﻣﻞ ﻟﻠﻜﻞ ﻓﻲ ” ﺷﻤﻌﺔ ” ﺇﻧﻪ ﻳﻌﻴﺸﻮﺍ ﺣﻴﺎﺗﻬﻢ ﺯﻯ ﻛﻞ ﺍﻷﻃﻔﺎﻝ .
http://sudaneseonline.com/board/7/msg/-نور-حسين-..-أول-امرأة-سودانية-تتحدى-%22الوصمة%22-!-بقلم%3A-بدور-عبدالمنعم-ع-1379362110.html