وزير الصدمة (معتز موسى) وإستغلال النفوذ..

أختي (جارة حسن حسين خليفة)
شغالة طبيبة طوارئ في مستشفى رويال كير…..
يوم الجمعة المساء الساعة 11جاء معتز موسى وزوجتو جايبين ابنهم عمرو تمانية سنوات وشهرين عندو تسمم غذائي ومعاهم عدد اتنين حرس ..

كل ديل جو في غرفة الانعاش لأنو غرفة الاطفال كانت مليانة…..
قالت ليهم انا عاوزة تفضوا جزء من الغرفة دي عشان نعرف نشتغل..
قال ليها الحرس نحن مع الوزير…..
قالت ليهم م مشكلة الحتة دي اصلا غرفة مقفولة..ممكن تقيفوا جمب الباب..
قال ليها اسكتي شوفي شغلك..شوفي شغلك..

طلعت وجات عشان تستلم العيان اللي هو ولدهم ذااتو..ولقت العدد زايد نفرين..
قالت ليهم لو سمحتوا ممكن تخلوا لي مع العيان نفرين بس طيب..
نهرها الحرس ورفع يدو قال ليها ممكن تخلي الكلام الفارغ دا وتصلحي التكييف دا..
قالت ليو التكييف دا عندو ناسو..انا دكتورة..وهل ممكن انتو تشتغلوا شغل م شغلكم…
طوالي الوزير معتز موسي اتدخل قال ليها لو م اسعفك المجال..م اسعفك المقال ي بت..لاحظوا وليس ي دكتورة..
قالت ليو انت م سامع الحرس بتاعك هو البتكلم بطريقة ما كويسة..
وقالت ليهم لو سمحتوا انا دايرة اشوف شغلي..تمت الشغل..واسعفت ليهم ولدهم تحت ضغط نفسي هاائل وترويع في مكان عملي..حسب كلامها…وخلصت الاجراءات وحولتهم للغرفة فوق..بعد داك ناداني الحرس…ي دكتورة  تعالي دقيقة..باشارة بعدد  2 اصبع من يدو…وهي خافت وم مشت قابلتوا..
الصباح عادي طلعوا فاتوا بيتم بعد ولدهم طاب..
ناداها اخصائي الطوارئ طلب منها توضيح للحصل..ولانو الشكوى المقدمة من حرس الوزير كانت مكتوبة ضد طبيبة اخري م عرفت نفسها مشكو ضدها ولا شاهدة..جات البيت واصلت حياتها عادي..بعد تلاتة يوم اتصل بيها اخصائي الطوارئ وابلغها بانه قد تم انهاء خدمتها بالمستشفى…

حنان حسن حسين خليفة

تقول لي البلد بتمشي دي مستوي رئيس مجلس الوزراء الجديد مبروك علي السودان