اصبحوا متحابين ..!

سامح الشيخ

ليه يا اهل
صبحتو متفرقين

اهلي الهوسا
اهلي اللحويين

انبذوا الفرقة
ابقوا متحدين

لا تتحاربوا اصبحوا

متحابين

ماضيقوا واسع
وتبقوا هينين

سودان ماهل
وفوقوا نيلين

عار علينا نحن
الغبش الغر محجلين

نكاتل بعض  والمشكلة
تجار دين

نهبوا حقوقنا وزرعوا
بينا ذات البين

ختولنا فخ القبيلة
وصرنا متعاركين

وهبولنا الفتات
وصبحوا اثرياء
ونحن كادحين

نعم نحن نوبة
ونحن عرب ونحن
افريقيين

هذه الأرض لنا
مجتمعين

انبذوا نار الفتنة

جميعنا سودانيين

اهلي الهوسا واهلى

اللحويين

انتو الأسود المابتخاف

عوي المرافعين

فوتوها خطة المؤتمر

اللعين

والعفو شيمتكم والحكمة

ضالة المؤمنين