بي محبة وبي عزيمة
سجلت بشويش حضورا
قامت الصبحية بدري
جهزت بيتا وفطورا
ورتبت لي كل مهاما
دوزنت بالحيل شعورا
ماها كلت من متاعب
وفي المكاتب شاعي نورا
وكل ما تزداد مآسي
ما بتاثر في سرورا
حققت احلام ولادا
شيدت كمين قصورا
حاكت النيلين شموخا
فرهدت في الكون زهورا
عاطفة حنية وتفاني
عتقت بيهن بزورا
وانتجت في كل محور
وكل ما اقتضت الضرورة
عاملة سودانية حرة
نافست بكل ارادة
دي الطبيبة العزة فيها
شايلة مشرط والشهادة
هندسة ستات حبابا
وضابطة في فن القيادة
معلمة اجيال مجيدة
حازت الحب والريادة
وقابلة في عتمة ليالي
كم لقت منا الاشادة
عازة مرحب بيك حبابك
في كل منحى وكل زاويا
لو تخصص كان طريقك
او سلكتي الدرب هاوية
ودرتي تطلعي للاعالي
او بلوغ النجم ناوية
اوعا لا تياس عزيمتك
دام دماك الحلم راوية
ارمي قدامك اماني
انتي واعية وانتي سامية
هادية قاسم