قامت مجموعة من افراد الجيش السودانى حامية محلية قولو بالاغتصاب

بيان  عاجل

قامت مجموعة من افراد الجيش السودانى حامية محلية قولو بالاغتصاب. على عدد من النسأء فى المضخة المياه صباح اليوم الخميس الموافق ٢٩/٦/٢٠١٧ عندما كانو يجمعون المياه لاكن استطاعة شجاعة الاهالى  الدفاع عن المغتصبات وقتلو واحد من  افراد الجيش  فوق المراةبالعكاكيس والحجارة والباقية هربو الى الحامية ومنه عادو بشكل مخيف وفرضو الحصار على المنطقة واطلاق وابل من الرصاصات  المدافع والاسلحة الخفيفة اصوات دانات تقول اشتباك قتل من قتل وجرح من جرح واغتصابات فتيات لا تذكر ونهبو كل البيوت حتى السوق وقبضو عددكبير من الرجال يعنى كلام غريب الرجال اليوم استخدموهم لجر الكوارو الشائلين البضائع والممتلكات المنهوبة ودوها الحامية  والتفاصيل لازال الوضع متوتر والمدافع تكوريك والطرق مغلقة والناس الاستطاعو الهروب داخل الكركير والجبال رقمى وجود المعتمد وقائد الحامية والشرطة

الحقيقةهجوم الجيش على المواطنين العزل كارثة  خطيرة بحتاج لوقفة وتحقيق عاجل شفاف

واذ نستنكر وندين بشدة الهجوم البربرى من القوات المسلحة والدعم السريع والجنجويد  على المدنين العزل بمحلية قولو ونحمل المسؤلية لحكومة الولاية وخاصة جعفر عبدالحكم

كما نطالب المنظمات الحقوقية وبعثة اليوناميد ووكالات الامم المتحدة بالتحقيق الفورى والشفاف وعلاج الجرحى وانصاف الضحايا واعادة الممتلكات المنهوبة ومحاكمة المجرمين بمن فيهم معتمد وقائد الحامية

نداء للاهالى المنطقة الناس ما يصدقو  الحكومةالظالمة الشريرة المنافقه  يا جماعة الحكومة قتلنا وشردنا وحرقو قرؤنا ومزارعنا وشالو مالنا وقطعو شجرنا واحتلو اراضينا وتانى يقولو لينا الوضع امن ومستقر تعلو نحموكم
يا جماعة الزول البصدق نظام البشير ما بخاف الله زاتو يا جماعة ديل بقتلوك وبجو ببكو فى ميتمك
هم بقولو للخوجات كفار
لاكن اكبر وكتر ناس كفار ومنافقين همة زاتو

صحيح نحن نمر فى ظروف انسانية  صعبه وسببو كلها حكومة البشير
لاكن الناس تصبر ما تصدقو كلام المنافقين ديل لحدى الامن والاستقرار الحقيقى يتم

الرحمة والمغفرة للشهداء
والشفاء العاجل للجرحى ولضحايا الاغتصاب

الشفيع عبدالله
منسق معسكرات
وسط دارفور