Laa-Laa لا لا موقع شباب السودان الحر
تم اعتقالنا بالامس في بحري محطه ( سعد قشره ) في الساعه الرابعه عصرأ
كان معي كل من :
محمد المهدي ياسر ( طالب بجامعه النيلين )
وعبدو منانف ( طالب بكلية الاعلام جامعه الخرطوم )
وحمد احمد ( طالب بجامعه الخرطوم )
تم اعتقالنا بواسطه عربه ( كريس ) تتبع للشرطه الامنيه اغلقت الطريق امام الامجاد التي كن نستغلها في طريقنا الي شمبات واقتادونا الي مكاتبهم ببحري المحطه الوسطي وتم تسليمنا الي جهاز الامن والمخابرات واقتادونا الي جهه لم نعلمها الي بعد ان خرجنا منها حيث كانو اقتادونا الي مكاتب الامن السياسي بموقف شندي .
بعد دخولنا الي مكاتب جهاز الامن امرؤنا ان نخفض رؤسنا نحو الارض وان نغطي رؤسنا بالاقمصه التي نرتديها وبدؤ في الاعتداء علينا من البوابه بتاعت الجهاز لحدي ما طلعونا في تمام الساعه الثانيه عشر وصلونا لي شارع كدا قريب من المحطه الوسطي ونزلونا هناك .
في داخل مباني الجهاز لاقينا الطلاب المفصولين كانو راكزين شديد في مشاهد تؤاكد صمودهم في وجه جلاديهم .
رسلؤ رساله واضحه جدا عن كيف يكون الصمود في عز الضرب بتاعهم نلقي حسن الضي يعاين لينا ويبتسم ويرفع يدو مؤاشر لينا بي علامة النصر وابتسامه غريبه غير مباليه بتفاهاتهم .
الساعه ديك انا بديت اقول :
( السياط ما بتهز يقين )
القاعدين هسه في معتقل ديل ناس راكزين جدا
عارفين قضاياهم وواعين بي مطالبهم وكل الجواهم حب لي البلد دي الناس الشفتهم في المعتقل ديل لو قعدو فيو مية سنه مابنكسرؤ وما بيهادنو .
هم بيقابلو السياط بي الابتسامه ناس ذي ديل مستحيل ينكسرؤ .
# الحريه_للمعتقلين
##########################
االطالب/ الفكي شكور
