الطالب د.محمد بابكر يكتب

الطالب د.محمد بابكر يكتب
الساعة 4:30 صباحاً المشهد في داخلية السنتر .. اليوم تقديم القوائم لانتخابات اتحاد طﻻب جامعة كردفان توافد الطﻻب من كل المجمعات بداية من طقت و المجمع الطبي و السنتر لتقديم القوائم المحدد زمنها 5:00 صباحاً من قبل حركة الطﻻب اﻻسﻻميين الوطنيين الكيزان .. تجمع الشبا في الداخلية من اجل انجاز مرحلة تقديم القوائم الحشد كثيف و الهتاف عالي وحدة قوية طﻻبية ضد العسكر و الفاشية .. وحدتنا الليلة قوية و الناس الفيها قوية هتافات من داخل الداخلية ﻻيقاظ الطلبة .. من جهة اخر صوت تكبيرات و صوت اﻻعيرة النارية من قبل الكيزان ..
فجاة : محمد كيف .. انا يا سﻻم ياخ حامد داوود برلوم سنة اولى طقت .. الجابك شنو يا زول ؟! جاي عشان حقي و حق أمي و أبوي و عشان حق الطلبة المساكين و جاي اركب الكيزان ..
_يا سﻻم ياخ مبسوط من دينك ارح سوا دم ..
هذا الفتى الذي قابلته اول مرة السنة الماضية يناضل من اجل احل احراز درجة تخوله دخول الجامعة في الشهادة الثانوية يقف معي كتفا لكتف ﻻقتﻻع منبرنا النقابي ..
الناس اتحركت من الداخلية متجهة للسنتر جمعت بطاقتها و شايلة اقﻻمها .. ومشت دار اﻻتحاد تقدم قائمتها .. تلقى البكاسي و الكيزان و اﻻمنجية و الشرطة العسكرية و الجيش و كل القوات النظامية و غير النظامية .. خوف يعتري وجوه الكيزان الكﻻب و تراجع من قبلهم تقدم من قبل الطﻻب و هتاف داوي وحدة قوية طﻻبية .. وتراجع من الكيزان ..
يا حامد جيب يدك وحدة قوية فجأة صوت رصاص الطلقة الأولى الشهيد اﻻول الطلقة التانية .. الطلقة التالتة صابت حامد في رجله .. يا محمد يا محمد انا جاتني طلقة في رجلي .. ارح ارح اطلع يا حامد.. ﻻﻻ انا بركز معاكم اطلع اطلع ياخ .. و الدم ينزف منه و هو متصندد .. وصمود حامد كان صمود كل زول كان حاضر عشان حقه ..
يا ايها الشهداء سﻻم .. يا أيها العظماء سﻻم ..
سﻻم الله على شهداء كردفان ..
سﻻم عليكم يوم ولدتم ويوم استشهدتم ويوم تبعثون ..
سﻻم على اﻻمهات الثواكل ..
شهداء كردفان أكرم منا جميعا ..
المجد والخلود لكم ..
و ما بتحرق الطلقة .. بحرق سكات الزول ..
‫#‏مقتل_طالب_مقتل_أمة
#منقول……

شهادة الطالب د.محمد بابكر