* الحلقة الأولى ** تجربتي مع الجداد الألكتروني، مدخل لقراءة عقلية جهاز أمن عصابة النظام *

* الحلقة الأولى *

* المناضلات خط أحمر *

عزيزاتي/أعزائي

لست بعميلة!! وليس لي مصادر وأيادي ممتدة ومتغلغلة داخلهم!! ولست (بنبي) يوحي له من السماء، أو (صالح) مرفوع عنه الحجاب!! كل ما في الأمر، أنني أمتلك بعض القدرات وأعرف توظيفها جيداً، أمتلك معها العزيمة والإصرار والنفس الطويل والمثابرة، وأعرف تماماً كيف أستفيد من التجارب وأكتسب منها خبرات، وكيف أخذ منها دروس أطور بها قدراتي وأستفيد منها في المستقبل.

* المناضلات خط أحمر *

تم نشرها بتاريخ 11 يونيو 2013

https://m.facebook.com/photo.php?fbid=271488146328861&id=100004030339084&set=a.132923083518702.37466.100004030339084

مع تحياتي وفائق إحترامي

إشتياق خضر

* تجربتي مع الجداد الألكتروني، مدخل لقراءة عقلية جهاز أمن عصابة النظام  *

* الحلقة الأولى *

* المناضلات خط أحمر *

صديقاتى وأصدقائى…

فى فيلم مثير جداً أشبه بافلام هوليوود فى المخابرات والاكشن،
هوليوود شنو، دة اكثر اثارة بى كتير
كنت بحضر فيهو لى يومين والغريبة انو فيهو تلاتة مممثلين بس وانا كنت واحدة منهم
والغريب اكتر انى كنت الممثلة والمخرجة والمشاهدة فى نفس الوكت
الفيلم مثير جداً ولازم تحضرو معاى، وبعد داك حددو انتو منو البطل ومنو الخيانة..

مقدمة الفيلم (معلومة) ختوها فى الاعتبار وانتو بتشاهدو فى الفيلم: أنا مقيمة فى (الولايات المتحدة الأمريكية ) (كلاجئة سياسية) منذ (15 سنة) ولم أقوم بزيارة السودان حتى الآن وحتى هذه اللحظة التى أكتب فيها أحداث هذا الفيلم،،وعندما كنت فى السودان كنت مقيمة فى مدنى منذ ولادتى وحتى اليوم الذى غادرت فيه السودان…ليس لى أحد يسكن (الخرطوم اتنين)، واذا ذهبت الى الخرطوم الآن لن أعرف كيف أصل اليها…

ولنبدأ المشاهدة…
ابتدت أحداث الفيلم فى يوم من أيام شهر مايو الفات،لما دخلت صفحتى ولقيت المدعو (محمد أحمد خالد) ضايفنى لى قروب اسمو (معاً لفضح سهير سعيد) من اسم القروب شميت ريحة مؤامرة نتنة، سهير سعيد ناشطة معروفة ومناضلة جسورة ومعروفة بى مواقفها الواضحة وقوية ضد النظام…خشيت القروب وزى ما اتوقعت، لقيت صورة سهير ومصاحبها كلام بيشين لى سمعتها يعف اللسان عن ذكرو…زعلت شدييد وحسيت بالغبن وحسيت كأنو الكلام دة عنى انا…رد الفعل مباشرتاً كان بوست نزلتو فى نفس اللحظة بعبر فيهو عن زعلى وسخطى وغضبى من غير ما اوضح تفاصيل وطلعت اليوم داك من الصفحة وما جيت راجعة ليها الا تانى يوم بى بوست كبير وعريض، الناس الكانو متابعين معاى امكن يكونو متذكرين، كتبت فى البوست تفاصيل الموقف، وشرحت موقفى ورأى وحاولت اوصل انو الحصل مع سهير ما حاجة شخصية بتتعلق بى شخصها، دى حملة كاملة ومقصودة ومدروسة ومدفوع ليها الهدف منها استهداف الناشطات واستهداف الثورة عبر استهدافن وكل مرة ح يستهدفو واحدة من الناشطات…بعدها مباشرتاً فى اليوم التانى المدعو سامى نزل صورة للصحفية (رشان أوشى) وكتب فيها نفس الاساءات…فكان رد فعلى طوالى انى نشرت صورة رشا فى صفحتى وحاولت انبه الناس للكلام القلتو ليهم مسبقاُ انها حملة والمقصود منها استهداف كل الناشطات…سامى زعل جداً من موقفى وترجم زعلو فى انو نزل صورة فى صفحتى بتضم مجموعة من الناشطات (أسماء أحمد، رشان أوشى، نجلاء سيد أحمد، سمية هندوسة، صفية) وطبعاً فيها نفس الكلام المسئ للسمعة، وانا طبعاً ما سكت واستمريت فى نفس الخط بتاع التصدى والهجوم…الناس اتجاوبت مع الكلام وامكن فى بعض منهم حس انو كلامى صاح، وبى تضامن النشطاء والناشطات التانين على على صفحاتهم وصفحة سهير اتخلق جو مضاد للحملة ما كان مرتب ليهو مسبقاٌ وظهرت صفحات للتصدى للجداد ودعم سهير ورشان وبقية الناشطات…

لحدى هنا الفيلم ماشى بى ايقاع أكشن شبه هادى لحدى قبل يومين…فجأة ظهر بوست لى سامى السيد فيهو صورة للمناضلة أسماء أحمد وطبعاً نفس الملامح والشبه ونفس العزف على وتر الشرف والسمعة، والكلام الما بقولو الا اشباهم، وانا كالعادة عرق الجعلنة طق فى راسى وما قدرت استحمل، ما كفاهم اعتقالهم ليها وعاوزين يغطو عملتهم بى انهم يشوهو سمعتها كمان، وطوالى طبعاً من غير تردد نزلت الصورة مع بوست للتنبيه ولفت نظر النشطاء لى انو حملة الجداد الألكترونى ضد الناشطات مستمرة، خشت الناشطة الاستاذة (احسان عبد العزيز على البوست وعلقت، وطبعاً العليق ما عجبهم، وكان الرد، انهم مشو بى سرعة دبرو واحدة من أكاذيبهم القذرة ، وراح سامى السيد منزل صورة الاستاذة احسان على صفحتو وعمل لى بيها تاقى فى صفحتى وطبعاً ما محتاج أقول ليكم كاتب شنو فيها لأنكم ح تكونو عرفتو براكم…وكان ردى وطبعاً انا ما بتوصى بوست سريع ومختصر أعلنت فيهو تخصصى فى سامى السيد وانت طبعاً قاصدة حملتهم وعملت سامى رمز ليهان مقابل تخصصهم فى المناضلات…ومن اليوم داااك بدأ الأكشن الجد جد… وكان مواقع التصوير ما بين بريدى وبريد سامى وبريد محمد أحمد… وأنا كنت الممثلة الممثلة والمخرجة والمتحكمة في كل أحداث الفيلم، ولأنهم أغبياء قام بى أدوارهم من غير ما اوقع معاهم على عقد التمثيل ومن غير ما يعرفو انى بخرج فى الفيلم بى كل مهارة وتقنية عالية…ودة كلو فى النهاية عشان أطلع ليكم بى فيلم أكشن تستمتعو بى مشاهدتو ومعاكم أصدقاءكم وأهلكم وأحبابكم ومجاناً…

بدأ سامى يراسلنى فى نفس اليوم وهو أصلاً كان بدأ يراسلنى بعد موضوع سهير، رسل لى رسالة وانا رديت عليها وكنت منتظرة ردو وما رد…بدأت الرسائل وبدأ معاها حوار ما بين شد وجذب تقطع وتواصل لى مدة يومين وانتهى الليلة، وفى بداية نهاية حوارى مع سامى دخل محمد أحمد على البوست بتاع التخصص، وبعدها خش على فى بريدى وبدأ الأكشن الما خمج وعاوزاكم تركزو عليهو لانو (خطير جداً) وفيهو كل متعة المشاهدة حقت الفيلم…ح نبدأ الأكشن وعاوزاكم تختو فى بالكم، دى ما مرافعة ولا مدافعة عن نفسى لأنى ما محتاجة أدافع عنها، لكن عاوزة أحقق أربعة حاجات:
الأولى: كشف النظام وأساليبو
التانية: كشف اسلوب الجداد اللألكترونى فى الفيس
التالتة: أثبت ليكم انها حملة مدبرة ومنظمة ومدفوع ليها وبديرها اكتر من شخص
رابعاً: أثبت ليكم غباءهم وضعفهم

تنويه: العرض الثانى المتعلق بى محمد أحمد خالد فيهو كل متعة الفيلم (تابعوا حتى النهاية)…ثم حددوت من هو البطل ومن هو الخيانة

استمتعوا بالمشاهدة:
العرض الأول:
• Conversation started May 15
•
5:59am
Sami Alsayd Almagrabi
السلام عليكم
استا>ه اشتياق
• May 15
•
6:20pm
Eshtiag Khidir
وعليكم السلام
وعندك عين يا سامى ومن غير خجلة جاينى هنا
اها خير
عاوز تضيفنى لقائمة الساقطات انا كمان، الدور جاء على ولا لسة؟
• May 15
•
11:34pm
Sami Alsayd Almagrabi
وعليكم السلام ورحمة الله
اختنا الكريمة لم نرى منك ما يدعوا الى >لك
• May 16
•
9:32pm
Eshtiag Khidir
وهل كنتم قد رأيتم مِن من قذفتوهن بالباطل ما يدعوا الى ذلك؟ وهل كنتم قد رأيتم من من نشرتم صورهن على صفحتى وتلفظتم بما عليها من كلام يعف عنه اللسان ما يدعوا الى ذلك؟ ولماذا لم تروا منى ما يدعوا الى ذلك؟ فأنا مثلهم لا أرتدى حجاباً ولا أحب البشير وأكره المؤتمر الوطنى وأُعارض النظام وأدعوا الناس بأن يقوموا بثورة لاسقاطه وفوق كل هذا وذاك علمانية من بنى علمان، اذاً أنا استحق ما يدعوا الى ذلك..أم أننى لم اصل الى مرحلة الخطورة عليكم كما فعلن بعد؟ لم اوثق لجرائمكم فى دارفور كما فعلت نجلاء سيد احمد لتستحق التشريد من وطنها، ولم اقيم اركاناً فى الاسواق لفضح فسادكم كما فعلت صفية فاضيفتم الى فسادكم جريمة اخرى باغتصابها، ولم اكتب مقالاً عن بديل نظامكم الجائر كما فعلت سمية هندوسة ليكون جزاءها حلق شعرها وكى جسدها بالمكواة، ولم اُجاهر بكلمة لا فى وجه جبروتكم كما فعلت اسماء احمد ليكون مصيرها الاعتقال، ولم اكن قوية وصامدة لا اخاف فى قول الحق لومة لائم ولا جبروت ظالم كما فعلت سهير سعيد فكان عقابها قذفها بالباطل، ولم أكن صاحبة موقف لا يلين ضد سياساتكم كما فعلت رشان اوشى ليكون لها النصيب من تشويه السمعة، لم أفعل ما هو يُمثل خطورة عليكم كما فعلن هؤلاء العفيفات الشريفات الاصيلات الصامدات حتى تضمونى الى صورتهن التى اردتم بها باطل فزادتهن شرفاٌ على شرفهن..لا يا مأجور النظام، لم تفعلوا لأننى لم أصل الى مرحلة الخطر بعد ربما فى تقييمكم وعندما تروا اننى قد وصلتها عندها ستدقون ناقوس الخطر وستروا منى ما يدعوا ان يضمنى الى قائمة بنى علمان وسأُشرف فى الصورة مع الأُخريات من أصيلات بلادى وستكتمل اللوحة وانال نصيبى من مما قذفتوهن به باطلاً وبهتانا وظننتم انكم قد حططتم من مكانتهن وانتم وبغباء معتاد ودون ان تدروا رفعتوهن مكانة وذدتهن شرفاً..هذا هو مشروعكم الحضارى فتباً لكم وتباً لعصركم..
• Monday
•
7:02am
Sami Alsayd Almagrabi
السلام عليكم ورحمة الله
ليس بهه الصورة تكون المواجهة
لك على تعليقك لسلسلة سواقط نساء الحركة الشعبية
•
9:43am
Eshtiag Khidir
سامى
انت عندك اخوات..؟
عندك اصلاً أُم..؟
ولا جيت الدنيا دى كدة نبت شيطانى، ما عندو جزور ولا أصل بالظبط زى الحكومة المأجراك..؟
•
11:15am
Sami Alsayd Almagrabi
والمطلوب .. انتن كذلك اخوات وامهات ولكن حين تخرجن عن اسوار القيم والاخلاق وتجاهرن بدعوى الحرية والتحرر ضد القيم والمجتمع وتدعون لخلع الحجاب كاشفات عن رؤسهن حاسرات عن نحورهن وسوقهن ثملات في حضن الحركة الشعبية وتردن اسقاط بنفس الطريقة الى سقطن بها وجب التحزير منكن ومن شراككن … فبلا حرمة لمجاهر …
•
11:16am
Eshtiag Khidir
اولاً خلينى اتبرع لييك بى معلومة لو انت ما شايف شغلك كويس
انا ما حركة شعبية
•
11:18am
Sami Alsayd Almagrabi
عارف كدا ومتاكد
بس المشكلة ان كثر منكن تخدمن تتبرعن بخدمتها
ولو كنتن تعلمن مصيبة وان لم تكونى تعلمى فالمصيبة اكبر
•
11:22am
Eshtiag Khidir
وازيد لييك فى المعلومة، انا ما عندى اى علاقة بالحركة الشعبية ولا باعضائها من غريب او بعيد وكل الانا بدافع عنهن دييل ما عندى بيهن اى علاقة برضو من قريب او بعيد شخصية او تنظيمية
•
11:23am
Sami Alsayd Almagrabi
هذه اا هى المشكله المقفل النافع
•
11:24am
Eshtiag Khidir
وانت شنو…مغفل منتفع..؟
بدفعو لييك كم عليك الله يا سامى؟
•
11:25am
Sami Alsayd Almagrabi
هه هى الفلسفة القائمة عليها نضالكم وثرثرتكم القائمة على المادة والتظر اسفل القدم
همكم كله درهم ودينار تعثتم وانتكستم
هداك الله وسدد خطاك في الطريق
•
11:31am
Eshtiag Khidir
سامى جد انت عندك اخوات؟
وممكن نتكلم كسودانين اخوان واعتبرنى واحدة من اخواتك لو عندك
•
11:31am
Sami Alsayd Almagrabi
اوكى اتفضلى
•
11:31am
Eshtiag Khidir
شكراً
•
11:32am
Sami Alsayd Almagrabi
وعندنا شرط الاخوة الايمان
•
11:32am
Eshtiag Khidir
ومنو انت عشان تحدد ايمان الناس يا سامى؟
انت هسى عارف مستوى ايمانك وقدرك ومقامك عند ربنا
•
11:43am
Eshtiag Khidir
الدين قال اقذفوا الناس بالباطل؟ قال لما تكون مخالف زول فى الرأى امشى لفق ليهو تهمة وشوه سمعتو؟ عشان صورتو تشوه للناس وتظهر انت الصاح؟ الدين قال حتى لو عرفت عيب فى زول والزول دة مخالفك فى الرأى امشى افضحو للناس وشوه صورتو؟ دى اسئلة بى شكل عام على مستوى حياتنا الاجتماعية وعلاقتنا بى ببعض فى مجتمع واحد مفروض نكون عايشين فيهو كاخوة..الدين قال، اذا ابتليتم فاستترو، وبرضو قال من ستر مسلماً ستره الله فى الدنيا والآخرة، دى اخلاق المؤمن ودة هو شرط الايمان الانت بتتكلم عنو (الاخلاق العالية الكريمة) والعندو ذرة ايمان ما بقذف الناس بالباطل وما بشهر باعراض الناس..
•
11:56am
Sami Alsayd Almagrabi
جزاك الله خيرا
اولا ها دليل على ان الانتماء للحركة الشعبية عيب ووصمة اجماعية يرقى لدرجة القذف
وامجاهر بالفسق المحارب للحدود الله الداعى للتحرر في الفكر والجسد لا حرمة له
واى تشويه غير فضحهن بانتماءهن للحرشرة الشعبية وكشف عوارها وخراب من ينتمى لها
نحن قلن سواقط في ميزان القيم والاخلاق لانهن يدوعون لغيرها ويعملن ضدها
الى تقومين به يدل على غباء او تغابى لاستقلال الموقف والترويج بخلافه
•
12:02pm
Eshtiag Khidir
دى سياسة يا سامى
حزب حاكم ومعارضة، حزب حاكم بمتلك السلطة والمال والسلاح، عاوزين تواجهو المعارضة واجهوها بالفكر والسياسة (فكر لى فكر) (سياسة بى سياسة) والشايلين منهم سلاح امشو واجهوهم بالسلاح، لكن ما تستغلو المال وتستخدموهو فى وسائل قذرة ومنحطة عشان تواجهوهم بيها، وتجو تقولو دين واسلام وايمان…انتو اصلاً ما بتعرفو لا دين لا اسلام عشان تجو تتاجرو بى اسمو وكفاية العملتو فى السودان والشافو منكم الشعب لربع قرن، 24 سنة سرقة ونهب وتشريد وتقتيل وفساد (مالى وادارى واخلاقى) وكل انواع الفساد الفى الارض، ورينى فساد واحد انتو ما مارستوهو عشان انت تجى هسى تتكلم عن فساد الاخلاق، اتنو خليتو للفساد عقاب عشان تانى يجى زول غيركم يمارسو؟ خلاص كلو كمل عندكم…ما تتكلم عن الدين لانو انتو ما عندكم بيهو اى علاقة غير الاستغلال..
•
12:08pm
Eshtiag Khidir
انا سعيدة جداً بغبائى يا سامى وسعيدة بالتمسك بيهو ومصرة على الاستمرار فيهو…وبحذرك انك تحاول التعرض لى سمعتى بى اى شكل من الاشكال، اذا كنت ما بحتمل فى غيرى وناس ما عندى بيهم علاقة، اتخيل انت موقفى ح يكون شنو لو الأمر اتعلق بى (سمعتى خط أحمر)
•
12:09pm
Sami Alsayd Almagrabi
لا اختى الكريمة لماا الخوف طالمة انتى كريمة ومن بيت كريم ولا تنتمين للحركة الشعبية وتحافظين على سمعتك
•
12:11pm
Eshtiag Khidir
يعنى انتو مستهدفين اى ناشطة منتمية للحركة الشعبية؟
•
12:11pm
Sami Alsayd Almagrabi
المشكلة في من هبن بطوعهن للخارج طلبا للجو الانسانى بدعوى الهروب من الحدود واقامة الشرع فيهن وعرضن انفسهن للكشف الطبى واخن شهادة بلك وجاهرن بفسقهن في المنابر العالمية اى سقوط اكثر من لك في ميزان الفضيلة والقيم
وكل للك بمباركة كهنة الحزب الشيوعى وسدنة بنى علمان من شتات المهجر
الائى سهل استلابهن واستغلالهن من قبل الحركة الشعبية
للك تجدى اكثرهن من نساء بنى علمان الاتى لا يومن بالقيم والاخلاق
•
12:15pm
Eshtiag Khidir
والنظام حقكم دة يعنى بعرف الشرع والاخلاق؟
•
12:16pm
Sami Alsayd Almagrabi
فرق بين معاداة النظام ومعاداة المجتمع
النظم السياسية الاختلاف بينها واسع ولا مندوحة منه
•
12:17pm
Eshtiag Khidir
يعنى انت هسى بتدافع عن المجتمع ما النظام؟
•
12:18pm
Sami Alsayd Almagrabi
ولكن محاربة المجتمع في مكوناته ومعتقداته وقيمه واخلاقه ودينه ومحاوله احلالها بافكار واهية ودعاوى باطله وامانى خائبة
انتى اا لا تعرفينى جيدا
•
12:18pm
Eshtiag Khidir
انت ما سياسى يعنى؟ انت داعية اسلامى مثلاً؟
•
12:19pm
Sami Alsayd Almagrabi
والفرق بين السياسى والداعية شنو
•
12:19pm
Eshtiag Khidir
شرفنى بى معرفتك يا سامى عشان اعرف الفرق
•
12:20pm
Sami Alsayd Almagrabi
ياستى نحن السياسة عندنا دين والدين عندنا سياسة ومن فرق بين الساسة والدين فرق وفارق الدين
والدولة عدنا عقيدة وشريعة
عرفتى الفرق
لا فرق
•
12:25pm
Eshtiag Khidir
يعنى انت داعية وسياسى، لكن دينكم دة مالو ما بشبه الدين النحنا بنعرفو..؟الدين النحنا بنعرفو دين تسامح ومحبة واحترام الآخر وستر المؤمن لاخوه المؤمن ودين اخلاق وقيم، دينكم دة مالو مشاتر كدة وما بشبه دين الله ورسوله
•
12:25pm
Sami Alsayd Almagrabi
دا بفهمك انتى وتصورك الفاسد
طالما خالط قلبك حب الحشرات الشعبية وبنى علمان
•
12:28pm
Eshtiag Khidir
يعنى هسى يا سامى اى زول وزولة ما مؤتمر وطنى دييل كفار وح تعلنو عليهم الجهاد بالموت او تشويه السمعة او الجوع او المرض او الفقر او التجهيل او الاعتقال او التعذيب، كلو زول كدة حسب نصيبو
•
12:30pm
Sami Alsayd Almagrabi
من القال كدا
•
12:30pm
Eshtiag Khidir
واهم حاجة ما تنسى، الجهاد الأكبر نهب موارد البلد وسرقة المال العام
•
12:31pm
Sami Alsayd Almagrabi
دى حكاوى قديم
•
12:31pm
Eshtiag Khidir
قالن ال24 سنة الانتو حكمتو فيها السودان
•
12:31pm
Sami Alsayd Almagrabi
واوتار تقطعت من كثرة الزف عليها
•
12:34pm
Eshtiag Khidir
عليك الله يا سامى خلييك من الكلام دة، الايمان والاسلام والدين والكفار والجهاد، وورينى كدة بينك وبينى (بدفعو لييك كم) يعنى بايع زمتك وضميرك ونخوتك وسودانيتك بى كم..؟ دة اذا كانن فى اصلاً من الأساس يعنى..بدفعو لييك كم بصراحة كدة يا سامى؟
•
12:36pm
Sami Alsayd Almagrabi
تانى رجعتى للحدوتة من اول صحى زى م قالت بت نادوس حتجيبى اخرى
•
12:37pm
Eshtiag Khidir
ههههههههه
هرشت يا سامى؟
بت نادوس دى منو..؟
•
12:38pm
Sami Alsayd Almagrabi
ههههههههههههه
•
12:39pm
Eshtiag Khidir
هدا بتعرفو تتضحكو زى الناس
•
12:40pm
Sami Alsayd Almagrabi
زكرتينى بمنا قشة الببرالمة
لسه اولى ما فاهمين حاجة
•
12:40pm
Eshtiag Khidir
انتو ولا نحنا؟
•
12:42pm
Sami Alsayd Almagrabi
والله غايتو ربنا اكون في عون ناسك الفصلوك من الحزب
تعرفى ليهم حق
والله اكون في عون تعيس الحظ ورفيق العمر
•
12:43pm
Eshtiag Khidir
ليييه يا سامى؟ مالى؟
•
12:43pm
Sami Alsayd Almagrabi
اسالى نفسك
•
12:45pm
Eshtiag Khidir
طالما ما فصلونى دة معناهو انا زولة كويسة، موش هم كعبين وما عندهم اخلاق ولا دين على حسب كلامك؟
لكن يا سامى انا متمسكة بالعهد القطعتو على نفسى انى اتخصصت فيك
والله يهديك قبل يوم الزحف العظيم لانو نهايتكم ح تكون محزنة (متذكر نهاية القذافى..؟)
•
1:00pm
Sami Alsayd Almagrabi
هههههههههههههههههههههههههههههههه
نعيش ونشوف
تخصص عديل
مش انا ادمن ص الدفاع الشعبى ومسول ملف التهكير
زى ما بتروجى
•
1:26pm
Eshtiag Khidir
يعنى ح تهكر لى حسابى يا سامى؟
•
1:54pm
Sami Alsayd Almagrabi
لا
•
2:01pm
Eshtiag Khidir
لا ح تشوه سمعتى ولا ح تهكر لى حسابى..ح تخلينى كدة ساى يعنى..؟ لييه الكرم الفياض دة يا سامى..؟ مالكم فجأة بقيتو طيبين كدة..؟
•
2:37pm
Sami Alsayd Almagrabi
نحن طيبين مع الناس الطيبين
لانى ما حاستفيد شى
لانك مجرد باحثة عن مجد على صفحات الفيس
•
3:08pm
Eshtiag Khidir
•
3:08pm
Sami Alsayd Almagrabi
اعجبنى
•
3:08pm
Eshtiag Khidir

•
3:08pm
Sami Alsayd Almagrabi
بس الهدف شنو من المواجهة
وتختى نفسك في الموقف دا
•
3:11pm
Eshtiag Khidir
خلينى انا فى البحث عن مجد فيسبوكى، وخليك انت مع المناضلات الحقيقيات السارقات النوم من عيونكم وعاملات ليكم رعب..اتفقنا؟
•
3:12pm
Sami Alsayd Almagrabi
ههههههههههه يعنى اعتزرتى عن المواجهة
•
3:13pm
Eshtiag Khidir
انا اى كلام بقولو بكون قدرو، وانت ابقا قدر المواجهة
وبرضو ختو تحت بند البحث عن المجد الفيسبوكى
•
3:13pm
Sami Alsayd Almagrabi
ههههههههههههههه
قبلت
انتى وين ممكن نلتقى
•
3:14pm
Eshtiag Khidir
فى ساحات الفيس، مملكتى التى ابحث فيها عن مجد
•
3:15pm
Sami Alsayd Almagrabi
كدى ممكن ندير حوار منطقى حول حملة 100 يوم في رايك حتنجح
•
3:17pm
Eshtiag Khidir
والمناسبة الخلتو يكون منطقى شنو؟
•
3:18pm
Sami Alsayd Almagrabi
لانك منطقية في التحليل اكثر من المهاترة والمكاواة في الفيس
•
3:19pm
Eshtiag Khidir
ونحنا هسى قاعدين فى الفيس ، هو نحنا طلعنا منو؟
•
3:19pm
Sami Alsayd Almagrabi
ههههههه
رايك شنو ى 100 يوم مهم
•
3:20pm
Eshtiag Khidir
سامى
سؤال برئ: انت لما تضحك بتكون شين زى ما ظاهر فى الصورة كدة؟
•
3:21pm
Sami Alsayd Almagrabi
لا احتمال اكثر من كدا
عجبك
•
3:23pm
Eshtiag Khidir
اكيييد، الزول الفى البروفايل دة اجمل بى كتير من وشوشوكم الشيطانية زى افكاركم ونفوسكم
•
3:24pm
Sami Alsayd Almagrabi
ههههههههههههه
رايك في برنامج 100 يوم مهم
•
3:25pm
Eshtiag Khidir
انت مصر؟
•
3:26pm
Sami Alsayd Almagrabi
اى
•
3:26pm
Eshtiag Khidir
ح اتناقش معاك بس بى شرط
•
3:26pm
Sami Alsayd Almagrabi
اوك
تفضلى
•
3:29pm
Eshtiag Khidir
اعرف انت منو اول، ما ممكن اتناقش مع زول انا ما عارفة عنو اى حاجة، وهو عارفنى، على الاقل المعلومات العامة الممكن تسمح لى زول انو ممكن يدير حوار مع زول على اساسها
•
3:29pm
Sami Alsayd Almagrabi
خشى البروفايل
كل المعلومات
متوفرة كسبا لزمن
رايك مهمم
•
3:30pm
Eshtiag Khidir
ما عاوزة امشى البروفايل عاوزة اعرف منك انت
•
3:31pm
Sami Alsayd Almagrabi
سامى سيد
سودانى
مقيم ببروناى
•
3:32pm
Eshtiag Khidir
اها
•
3:32pm
Sami Alsayd Almagrabi
عاوزة تعرفى تانى شنو
•
3:32pm
Eshtiag Khidir
بس كدة خلاص؟
وبعدين بروناى دى ويين؟ اول مرة اسمع بيها
•
3:34pm
Sami Alsayd Almagrabi
هههههه بالجد
•
3:34pm
Eshtiag Khidir
جد جد
•
3:35pm
Sami Alsayd Almagrabi
https://ar.wikipedia.org/wiki/%D8%A8%D8%B1%D9%88%D9%86%D8%A7%D9%8A
اعملى بحث في قوقل
•
3:36pm
Eshtiag Khidir
وانا البودينى ادخل فى رابط جايبو انت شنو عشان حسابى يتهكر
•
3:37pm
Sami Alsayd Almagrabi
هههههههههههههه
ماعندك كاسبر اسكاى
•
3:39pm
Eshtiag Khidir
يعنى التهكير دة ما تخصصك؟ انت تخصصك مناضلات بس موووش؟
•
3:39pm
Sami Alsayd Almagrabi
خلينا في المهم
•
3:39pm
Sami Alsayd Almagrabi
برونــاي (بالمالايو: نيجارا بروناي داروسلام، بالجاوية: بروني دار السلام) وتعرف رسمياً باسم بروناي دار السلام أو أمة بروناي أو أرض السلام، هي دولة تقع على الساحل الشمالي لجزيرة بورنيو في جنوب شرق آسيا. تنقسم بروناي إلى منطقتين تفصلهما بلدة لمبانج التابعة لولاية سراوق الماليزية التي تحيط ببروناي بشكل كامل باسثناء ساحل بروناي الشمالي المطل على بحر الصين الجنوبي. بروناي هي الدولة المستقلة الوحيدة على جزيرة بورنيو، حيث تتقاسم ماليزيا وإندونيسيا بقية الجزيرة
•
3:40pm
Sami Alsayd Almagrabi
مش عاوزة تعرفى موقعه
•
3:40pm
Eshtiag Khidir
ومحمد احمد خالد دة صاحبك؟
ولا انتو زول واحد؟
•
3:50pm
Sami Alsayd Almagrabi
هههههههه
مالو
•
3:57pm
Eshtiag Khidir
سامى ح تحترم نفسك ولا لأ؟ انا قلت لييك سمعتى خط احمر
ولو عاوزين حجركم يغطس من الفيس دة انت والمأجرنك اهبشوها تانى، انا بحذركم
سامعنى يا محمد احمد خالد؟
• Today
•
8:57am
Sami Alsayd Almagrabi
هسة الهبش سمعتك منو
فى زول قال فيك شى
انا الى سوف ارد وادافع عنك
انك مشروع اخت مسلمة
•
9:56am
Eshtiag Khidir
مشروع اخت مسلمة كيف يا سامى؟ يعنى انا لسة ما دخلت الاسلام؟
•
10:17am
Sami Alsayd Almagrabi
ههههههههههههههههه
قريب من لك
المهم حتى لم تححدى موقف من خطة 100 يوم
انا قلت ليك مهم رايك
•
11:06am
Eshtiag Khidir
سامى
انا ما فاضية ليكم…وحركاتكم مكشوفة، خاشين لى بى حسابين وواحد يشد والتانى يرخى…ادخلو لى بى حساب واحد (حساب محمد احمد خالد) لانو عاجبنى الاسلوب التانى بتاع الشد لانى بحب التحدى وما بحب المياعة، لو عاوزين تواصلو البديدتو معاى بى حساب محمد احمد ح اديكم 10 دقايق، لو ما رديتو فيها، مافى واحد فيكم يرسل لى رسالة تانى ولو رسلتو رسالة بالحساب دة ما ح ارد عليها…(مفهوم..؟)
•
11:09am
Sami Alsayd Almagrabi
ما فاهم
انت عندك فوبيا
من محمد احمد خالد
قلت لا اعرفه مجرد صديق fb
بتعرفى هاجر نميرى
لكن زكيه لميتى الصور الخاصة بتاعتك
وحجبتيها
•
11:32am
Eshtiag Khidir
ودى عرفتها كيف لو ما انت ومحمد احمد خالد وباقى الجداد المعاكم قاعدين فى مكان واحد وكل واحد فيكم ماسك لابتوب وعاملين فيها بتجاهدو، جهادكم الخاميين بيهو الجهلاء الفيكم او المشترين بيهو المفتحين ومعدومين الضمير فيكم..؟
•
11:40am
Eshtiag Khidir
وتانى ما ترسل رسالة بالحساب دة يا سامى، ترد على فى حساب محمد احمد او ما ح ارد على اى رسالة تجينى من الحساب دة
•
12:12pm
Sami Alsayd Almagrabi
ما بعرفوا قلت ليك
وانت بتتكلمى معاه ليه
اصلا

انتهت الرسائل وانتهى العرض الاول من الفيلم..تابعو العرض الثانى فهو يحتوى على كل متعة الأكشن للفيلم)

العرض الثانى:
• Conversation started Monday
•
3:40pm
محمد أحمد خالد
انت براك فتحتي على نفسك المشاكل خشي صفحتي
ادخلي صفحتي
•
3:48pm
Eshtiag Khidir
احسن لييك تختانى، انا سمعتى خط احمر

•
3:52pm
Eshtiag Khidir
وبالمناسبة مارك بتاع الفيس صاحبى وممكن اكلمو اخليهو يغطس حجرك من الفيس انتى والمعاك يا سامى
• Monday
•
11:11pm
محمد أحمد خالد
انت اساسا عندك سمعة با تافه ما سمعتك زي الهناي و الهناي احسن و شعرك العاجبك دا انا باقص ليك
• Today
•
4:25am
Eshtiag Khidir
وانت منو يا حضرتك انت؟ فاكر نفسك بتهددنا وتخوفنا بى صورة النمر من ورق الخاتيها دى؟ لا يا حضرة المأجور، نحنا لا بنخاف ولا بنتهدد، وانت والبشبهك من اشباه الرجال المعاك ونمركم ليييكم يوم وقرب ما بعييد، أبقو رجال وارجوهو والرجالة دى نشوفها اليوم داك..
• Today
•
7:41am
محمد أحمد خالد
خليك من الشعارات الوهمية دي و عيشي الواقع و بطلي خلاص زمن الشيوعية ولى
•
7:44am
Eshtiag Khidir
مسحت صورتى من صفحتك ولا لأ؟
بحذرك للمرة التانية…سمعتى خط احمر
افضل لييك تمشى تمسحها بالذوق
•
7:47am
محمد أحمد خالد
اول شي نتفق اما امسح الصورة و الموضوع ينتهى اما و الله حانشرها في جميع القروبات و بجميع حساباتي و انت اساسا ما فارقة معاك
•
7:48am
Eshtiag Khidir
ياتو موضوع الينتهى؟
وينتهى كيف؟
•
7:50am
محمد أحمد خالد
موضوع صورتك
•
7:53am
Eshtiag Khidir
عاوزة افهم يا خالد
انت اشترطت مسح الصورة مقابل الموضوع ينتهى، عاوزة اعرف ياتو موضوع وينتهى على شنو؟ عشان اعرف انا ح اتفق على شنو
•
7:53am
محمد أحمد خالد
انت تابعة لي اي حزب
•
7:54am
Eshtiag Khidir
خالد لو سمت ما تنطط لى وركز معاى، خلينا نتم البديناهو اول
لو سمحت
•
7:56am
محمد أحمد خالد
جاوبي بس
•
7:57am
Eshtiag Khidir
انت قايل نفسك بتعمل معاى تحقيق فى بيت من بيوت الاشباح ولا شنو يا خالد..؟
خالد خلييك من البوست بتاعى وركز معاى
•
8:00am
محمد أحمد خالد
انا لو عايز اتعامل معاك بي الاسلوب دا ما كنت اتكلمت معاك كنت جبتك من بيتكم و انتهى الموضوع
•
8:00am
Eshtiag Khidir
خالد دة اسم جدك، مفترض كدة اذا كان دة اسمك الحقيقى
كويس انك فاهم انك ما ح تقدر تجبرنى انى اجاوب على اسئلتك، يعنى انا اجاوب على العاوزة اجاوب عليهو وبس
•
8:02am
محمد أحمد خالد
اها
•
8:03am
Eshtiag Khidir
لو جبتنى من بيتنا كنت ح تجبرنى اجاوب بالتعذيب؟
•
8:03am
محمد أحمد خالد
شكلك ما جادة و انت اساسا حتخسري شنو لو نزلت صورتك و بوظت سمعتك دا كله في سبيل النضال
•
8:06am
Eshtiag Khidir
محمد احمد: انتى يعنى بتهددنى بى تشويه سمعتى لما تنزل الصورة دى فى صفحتك او كل الصفحات التانية الانت بتقول عليها والقروبات؟ دة كلو لييه وانت اصلاً ما بتعرفنى ولا بتعرف عن شخصيتى او وضعى الاجتماعى او سمعتى وسط الناس حاجة؟
•
8:10am
محمد أحمد خالد
اولا دا ما تهديد دا مجرد تحزير مبدئ ثانيا ما تقعدي تتفلسفي كتير امشي خشي الصفحة بتاعت كلنا سهير سعيد و رشان اوشي عندك صورة هناك
و المحاولات البتم اسي لي تهكير حسابي انا راصدها و لو دا اتهكر في اكتر من مية حساب غيره
•
8:12am
Eshtiag Khidir
ياخى ما تخلينا فى الاتفاق احسن، نحنا لسة ما خلصناهو
عشان ننهى الموضوع ولا انت ما عاوزو ينتهى
•
8:15am
محمد أحمد خالد
رسلي لي بياناتك كاملة و اسي و موقعك الحزبي دا الاتفاق
•
8:15am
Eshtiag Khidir
ولو عملت كدة المقابل شنو؟
•
8:16am
محمد أحمد خالد
ما حافضح موضوع الدعارة الانت شغالاها مع اعضاء الشيوعي في الخرطوم اتنين
•
8:17am
Eshtiag Khidir
ودى عرفتها كيف يا محمد؟
•
8:18am
محمد أحمد خالد
من واحد من العملو معاك البرنامج دا و شغال معانا اسمو ابراهيم الصافي
•
8:21am
Eshtiag Khidir
لا حولا الله ابراهيم الصافى شغال معاك؟
دة زول عامل فيها مناضل وناشط سياسى وكل يوم بتتعقلو فيهو وتعذبوهو فى النهاية يطلع معاكم؟ صدمتنى
•
8:24am
محمد أحمد خالد
النضال دا بقى خشم بيوت لكن لازم الناس تضحي
عشان البلد
•
8:29am
Eshtiag Khidir
يعنى هو هسى وراكم كل الحاجات الانا بعملها؟
•
8:31am
محمد أحمد خالد
ما بخصك لمن توافقي اديني خبر ما فاضي انا حاليا اقطعي وشك
و صورتك المسحتيها معاي على فكرة
•
8:31am
Eshtiag Khidir
ممكن اسأل سؤال؟
سؤال برئ والله
•
8:44am
محمد أحمد خالد
اها
بس سريع
•
8:56am
Eshtiag Khidir
صورتى دى موووش ياها صورة البروفايل حقى الكل الناس شايفاها ولا واحدة غيرها؟ يعنى انت الصورة الح تفضحنى بيها دى وتشوه بيها سمعتى عندك صورة غيرها ولا ياها الصورة دى زاتها..؟ يعنى مثلاً عندك صورة من صور (الخرطوم اتنين) مثلاً او صورة من الصور حقتى الخليعة الجابة ليكم (ابراهيم الصافى) ..؟لانو صور زى دى ح تكون انسب ومنطقية اكتر مع الحملة القذرة الانت ح تعملها…لكن كان على صورتى دى انا سمحت لييك تنشرها على صفحتك الخاوية على عروشها دى لانو اصلاً مافى زول قعد يخش عليها، كان هى كان صفحتك التانية البى اسم (سامى السيد المغربى) كان صفحاتكم ال100 التانيات،وكان خشى عليها زول أصلاً بخشها عشان يرد على سخافتكم ووقاحتكم..مبروك عليك الصورة على الاقل تنور لييك صفحاتك المضلمة دى..وكان على القروبات، انشرها يا مأجور على الاقل انا لى مدة ما زرت القروبات ومشتاقة للشرفاء الفيها واكييد هم برضو مشتاقين لى وح يفرحو جداً لما يشوفونى منورة..وشعرى العاجبك دة، لا انت ولا المشغلك ولا الرقاص الاهبل المشغل المشغلنك الانت فرحان بى صورتو دى ما ح يقدر يهبش سبيبة منو، وانا بتحداك وبتحداهو… أنا لا بتهدد ولا بخاف…وكدة اكون رفضت الاتفاق ومبروووووك عليك صورتى الجميلة..
•
9:00am
محمد أحمد خالد
انا اساسا كنت عارف انك حترفضي
بس انا عندي سؤال بريئ اخر؟
انت عارفة انو سمية كنت باتكلم معاها قبل ما نجيبها و كانت خاتها صورتها برضو بي شعرها و بتاع الشهادة لي الله هي كانت عايشة في مصر محترمة و لامة شرفها و قلت ليها انا ما حافضحك بس لمي شعرك دا و ابت و ردت على نفس ردك و اول لمن استلمناها بدت الجرسة
……………
و اسي كونك انك مسحت الصورة دي خطوة كويسة و فكري كويس و حنتفق
•
9:06am
Eshtiag Khidir
اها وهسى سمية اتنازلت وبقت معاكم زى ابراهيم الصافى..؟
•
10:30am
Eshtiag Khidir
محمد احمد
كدة نحنا اتفقنا على عدم الاتفاق لانك ما رديت…ومبرووووك عليك الصورة
وقول لى (الرقاص) بتاعكم، يذاكر كل يوم تاريخ الثورات فى العالم ويركز على ثورة ليبيا ويتفرج كل يوم على صورة القذافى قبل النوم…(وملحوظة صغيرونة) كلم رؤساءك يكلمو رؤساء رؤساهم عشان يكلمو رؤساء رؤساء رؤساء رؤساهم…الخ عشان يبلغو (الرقاص) الوصية، لأنك انت والفوق ليك مجرد كلاب برمو ليهم الفتافيت عشان يربطوهم بيها فى حوشهم وما ح يكون عندكم الجرأة ترفعو عينكم فى عين اسيادكم ولا هم اصلاً بسمحو ليكم بى غير الفتافيت مقابل القذارات الانتو بتعملوها ليهم عشان هم يعيشو فى النعيم الهم فيهو وانتو يكون نصيبكم القاذورات والفضل..
•
11:42am
محمد أحمد خالد
اتفقنا و نلتقي في حوش الكلاب قريبا و اسالي سمية منو
•
11:44am
Eshtiag Khidir
اسألها منو الحلق ليها شعرها وكوى ليها جسمها بالمكوى، مووووش..؟
•
12:16pm
Eshtiag Khidir
مسحتا اخر رسالة لييه..؟ خلينى أعيدها لييك تانى
بالمناسبة ما تكلف نفسك وتنشر صورتى لأنى ح أنشرها فى صفحتى وكل القروبات بالانابة عنك لأنك انت مايع ونايص وما عندك حيل تحوم بيهو على القروبات دى كلها، وأنا حانة عليك، فخليك انت مرتاح وانا ح اقوم ليك بالمهمة دى وعافية لييك قروشها لله والرسول…قصرت معاك..؟

انتهت الرسائل وانتهى العرض…مشاهدة ممتعة…!

*****************

https://m.facebook.com/photo.php?fbid=271488146328861&id=100004030339084&set=a.132923083518702.37466.100004030339084

مع تحياتي وفائق