الجمعة , مارس 29 2024
ardeenfr
أخبار عاجلة
الرئيسية / أخبار لالا اليومية / دخل الرائد يونس محمود مرتديا زييه الرسمى ويضع مسدس فى جانبه

دخل الرائد يونس محمود مرتديا زييه الرسمى ويضع مسدس فى جانبه

محمد سوركتي من جبل أولياء..راجل كلس اسرته كلها ثوار، رفدوهو من وزارة الثقافة والاعلام بداية الانقاذ. اصلو ما كضب، مشى عمل طربيزة خضار في سوق الجبل، برضو منعوه وحاربوه في رزقه.
نقلا عن الصحفية حليمة عبد الرحمن: عام 1989 كنت منتظر فى استقبال جهاز الامن – (بنك أمدرمان الوطنى ) حاليا – للتحرى وبرفقتى حرس من معتقل جهاز الامن …دخل الرائد يونس محمود مرتديا زييه الرسمى ويضع مسدس فى جانبه …وقف فجأة ونظر فى وجهى وسال الحرس المرافق:-
الزول ده مالو؟
والله ما عارف سعادتك
ووجه يونس هذه المرة السؤال لشخصى :-
انت مالك ؟؟
قلت ليهو : جايي للتحرى
قال لى : انت عملت شنو؟
قلت ليهو : ولاشي
قال لى : فى زول بجى هنا ماعامل شى؟
اتلفت على الحرس وقاليهو :
بعد تتحرو معاهو وديهو الدروة طوالى نحن مافاضين للتحرى والنقة الكتيرة بتاعة الملكية دى … وواصل طريقو طوالى .
الحرس اتلفت على ولقانى فى حالة بائسة جدا ..قال لى : ماتخاف ده بهرش فيك ساكت .
لما دخلت للتحرى لقيت الضابط المتحرى زول مهذب جدا …قعدنى فى كرسي وطلب لى كركدى ساخن وبدأ فى التحرى …بعد شوية دخل الرائد يونس وسال الضابط ..ده مالو ما وديتوهو الدروة !؟
المهم….
بعد انتهيت من التحرى الضابط المتحرى قال لى :
ده زول ملكى ساكت ماتشتغل بى كلامو ده .

اها يايونس حقنا مابضيع وحا تتحاكم بالقانون زى الترتيب وبقترح بعد يحاكموك يودوك السعودية الشلت حسها دى و تحاكمك وتقطع رقبتك بالسيف كمان …عليك اللعنة .
محمد سوركتي

 

Print Friendly, PDF & Email

عن laalaa

شاهد أيضاً

حزب المؤتمر السوداني تصريح صحفي

Share this on WhatsAppحزب المؤتمر السوداني تصريح صحفي طالعنا البيان المؤسف الصادر من سكرتارية اللجنة …

اترك تعليقاً

لن يتم نشر عنوان بريدك الإلكتروني.