الخميس , أكتوبر 17 2019
ardeenfr
أخبار عاجلة
الرئيسية / أخبار لالا اليومية / رسالة الي مدراء هيئة مياه ولاية الخرطوم

رسالة الي مدراء هيئة مياه ولاية الخرطوم

اصلا ما تفتكروا زلكم واهانتكم للعامليين ختخوفنا ولا نحن عبيد في حظيرتكم
#هل القانون بديكم الحق تهمشوا الموظف وفي نفس الوقت تحاسبوهوا بالحضور والانصراف لانو القلم والقرار في يدكم  ياسيادة الجياشي مجدي العينوك بفساد اداري في هيئة مياه ولاية الخرطوم..
يعني عايزين تشركوا لفصلي من الهيئة برفض عمل او حضور وانصراف؟..
#هل حولتوني الي المعمل لكي تعتقلوني ال8 ساعات يوميا  ما اتحرك اكون متعطلة فيها بدون اي مهام ولااا حقوق اجي اتونس وافطر وانوم واحوم من مكتب الي آخر  ولااا اترفد.. عملية استعباد يعني؟؟؟؟؟؟
#تصرفاتكم دي مش بتدخل في دائرة  الفساد الاداري

#انا في الهيئة معروفة بكفائتي وانضباطي في عملي وقبل ما تطالبوني بحضور وانصراف او عمل وفروا ليا الجو  الوظيفي حتي استطيع آداء تكاليفكم
#بالنسبة لعملي و تقاريري بتحداكم هسي طالبوني بالتقارير  القدمتها اجي اناقشها معاكم ونشوف المشاكل والقصور والفساد..
#لكن انا عارفة  الحرامية والانتهازيين ما بعحبهم شغلي ودا هو سبب الحرب ضدي في الهيئة
اخيرا تاني بقول ليكم دي موسسة مدنية فيها حقوق وواجباب ما مؤسسه عسكرية بتجي بالقمع والاوامر
#الاحترام لاااازم يكون متبادل بين الرئيس والمرؤوس.  القصة اصلا ما استعباد.. يا سادة مدراء هيئة مياه ولابة الخرطوم.
………………………………………………..

دا رد استاذه سامية مكي حسن ابو علي خطابي بخصوص تكليف عمل..
ادناه حيوجد ردي علي ردها

انتو ياشباب قضايا العمل الإدارية يتم طرحها فى الميديا لماذا،. اريد منكم أن تعطونى الرأى الصايب فى هذا المكتوب الذى يوضح جهل الكاتب بقوانين العمل ويريد ان يستمر العمل على مايريده هو افتكر الجميع يعلم التكليف ماهو فى العمل والامتناع عن العمل ماهو نتيجته عملنا والكل بأبسط مقومات العمل وانجزنا نحن من فى الهيئة لم ننتظر منحنا حتى البسيط  وهذا مالمسته من الشباب العامل الجاد بالهيئة ولو اعيد قسم الرقابة والتفتيش هل يمكن أن يوضع فيه اى شخص كما فى السابق الييس هناك اختيار لمن هو كفؤ لشغل هذه الوظيفة ام تعود لسابق عهدها التكلة والتفنيش
…………………………………………………

معليش يا استاذة سامية لكن اديني نص في قوانيين العمل يمنع النشر في حالتي دي .. انا لحدي الآن معاكم ليا قريب ال 7 شهور هل كان في مجرد محاولة منكم لحل مشكلتي في ادارتكم  .. .وفي النهاية بطالبوني بعمل بدون ما توضحوا ليا حقوقي .. هل القصة  استعباد ولاشنو نفهم؟
وبعدين يا استاذه سامية هل قوانيين العمل بتخليك تقبلي نقلي في المعمل عندك؟ ولااا المفروض تعتزري عنو لانك عارفة انو انا ما عندي علاقة بعمل المعمل وانتو في المعمل ما عندكم وظيفة لي!! وما عندكم اي نوع من الالتزام  اتجاهي .. انا هسه ليا تقريبا 7 شهور عندكم بدون وظيفة مش دا كتيير؟ يا استاذة سامية انا لما جيتك انتي نفسك مش قلتي ليا ما عندنا ليك شغل وانتي عارفة جابوك هنا لي جيبي لابتوبك واشتغلي فيهو؟ انا كتبت كم خطاب اطالب فيهو بتعديل الغلط هل حاولتو معالجة الخطأ مع مالك ومجدي !! ولو انا ما كفو والهيئة ما عندها مكان ليا خلو عندكم امانة  وقولو ليا ما عندنا مكان ليك .. لكن ما تقعدوا تشوتوا فيني كورة من مجدي .. لمالك ليك ا استاذة سامية .. احسموا الموضوع دا بشجاعة كفاية اتخيل ليا..
وهسي لو الكلام الاناء كتبتوا غلط عاقبوني بما تروه مناسب
ما ممكن تدوسوا فينا برجليكم. وعايزين الواحد يقول ليكم سمعا وطاعة .. لا الوظيفة ولااا القروش انا شخصيا بتزلني ..  الواحد ما عبد عندكم انا موظفة حكومة  ليا حقوق وعندي واجبات .. ما بتشيلو حقوقي لانكم مدراء وتطالبوني بواجبات  ااديها عشان انتو بتحافظوا بيها علي وظائفكم وتجاملوا بيا في بعض  .. لو انا ما مؤهلة زي ما انتي قلتي ليه الهيئة اصلا قبلتي فيها كموظفة؟ طلعوا ليا خطاب استغناء خدمة لانو انا ما كفؤ زي ما انتي قلتي مش انتي مديرة ومالك مدير ومجدي مدير بتتلولو في شنو؟ (يعني يستمر العمل كما يريدة هو؟) !!! هل انتي بتري غلط في وجود الرقابة والتفتيش؟ انا عارفة التكليف وكتبت ليك ووضحت ليك ليه انا ممتنعة عن العمل خلاص اتخذي ضدي ما ترية مناسب .. مع كامل احترامي وتقديري ليك لكن القصة ما تهديد انا وضحت ليش امتنع عن العمل اخذي ضدي الاجراء الانتي بتريهو مناسب .. معليش يا استاذة سامية مافي حاجة اسمها بسيط نحن مافي زواج جماعي بتعمل بالبسيط ..دا موقع عمل وموظف طلع عشان اشتغل يعني المفروض تتوفر ليهو البيئة المناسبة ولااا مافي داعي يتعيين .. لانو الهيئة انتي عارفة عينة كمية من الناس ووضعتهم في وظائف اصلا هم ما مؤهليين ليها ووفرت ليهم كل معينات العمل الاصلا ما بستحقوها .. ودا فقط لانهم من المرضي عنهم للفساد الدائر في الهيئة…

بالمناسبة يا استاذة سامية انا لما كنت شغالة كنت شغالة بجهازي وكميرتي وقروشي وبالمناسبة انا كل تقاريري العملتها في الهيئة اتحدي اي موظف في مجالي حتي في وزارة البيئة يصل لمستوي كفائتي وانتي نفسك كنتي بتشيدي بيها الحصل الليلة شنو؟ عشان طالبت بحقوقي؟ هل انا طالبت بحوافز؟ انا طالبتكم بالشغل ومعينات الشغل؟ وبالمناسبة انا لما نهيزي اداني حافز وقال انا ما شغالة رجعتوا لبهو مش عارفة انتي؟ وبعدين انا لو ما كنت مؤهله ما كان اتعينت في بواسطة خواجات مشروع الوام لانهم بعرفو اهمية تخصصي في المشاريع وهم الطالبو بيا عشان اسس قسم البيئية في الهيئة.
الحاجة الاخيرة انا بسأل عن تقديرك لكفاءة .. لانو انا بحمل بكالريوس بيئة. دبلوم عالي في ادارة البيئة والموار الطبيعية والآن خلصت كورسات الماستر وفي نهايات البحث .. وكلو في البيئة وووظيفتي في الهيئة الانتو حولتوني منها كان تخصصي فيها بيئة رميتوني في وظيفة عاطلة

وهسي لو في حالتي دي قوانيين العمل بترفد ارفدوني

قضايا العمل بتم نشرها في الميديا لانو في ظلم وفساد الناس بتغطي فيهو

مني عبد المنعم سلمان

 

 

Print Friendly, PDF & Email

عن laalaa

شاهد أيضاً

أنتنوف

Share this on WhatsAppسامح الشيخ قصيدة بعنوان انتنوف واللانتنوف طائرة حربية روسية الصنع يستخدمها الجيش …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *