*المجزرة*

بترحم على ارواح كل الشهداء الماتوا .وعاجل الشفاء للجرحى
زي ما وعدناكم قبل كدة واوفينا بضرب سيرفرات الكيزان والجنجويد والمجلس العسكري الخائن ..
هسة داير اطمن الشعب السوداني ..
الشباب الهاكرز مامقصرين ..
تاني حاجة من يوم21 ابريل تم تركيب كاميرات مراقبة للمتاريس بالقيادة العامة عدد سبعة كاميرات .بالدعم من شباب الخارج .
ووصلناها براوترات انترنت وتم تغذيتا بالكهرباء والبطارية .
وكان في شباب شغالين على الكاميرات كنترول وتسجيل ومراقبة 
وكان في اتفاق اذا حصلت اي خيانة من الكيزان نرفع البث المباشر طوالي علي القنوات العالمية 
CNN
BBC
الجزيرة 
العربية الحدث
العربية 
سكاي نيوز 
والايميل الرسمي للمحكمة الجنائية .
يوم8 رمضان تم ارسال الفيديوهات بعد تقطيعها للجهات المذكورة ..
ويوم 29 رمضان كنا حاسين بالغدر من تحركات الامنجية والجنجويد من ادارة العمليات بجهاز الامن بالرياض بالباصات وعدد كبير من تاتشرات عليها علامة الدعم السريع .
واول مابدا الهجوم تم ارسال البث المباشر الي الجهات المذكورة ..
استجابت قناة الجزيرة بنقل البث المرعب ..
وكلكم شفتوه ..
المؤلم انو الفيديوهات كانت كتيرة ومرعبة ومدهشة انو بشر يكون فيهم حقد بالطريقة دي 
الكاميرات رصدت حاجات كتيرة شديد مافي زول حيقدر يتخيل حنزلا في منشور تاني بعد شوية 
المهم في الكلام دة كللللو 
انو المجلس العسكري وحميدتي وقوش لباسهم مشروط من ورا وهم قايلين نفسهم مغطيين 
كل الجهات القلناها دي وصلت ليها الفيديوهات دي ..
وحتى فيديوهات 8 رمضان 
وبرضو في عدد من الصحفيين في الواشنطن بوست اتواصلنا معاهم ..
وبرضو المحكمة الجنائية ماحتحتاج ترسل فريق للتحقيق لانهم حضرو كل شي 
وعندهم الطريقة البتاكدو بيها من حقيقة الفيديوهات هل هي مفبركة ولا حقيقية .
المؤسف انو الساعة11 ظهرا كلموهم انو احداث القيادة منقولة على اكتر من بث مباشر عبر الانترنت ..ومانستبعد ديل العربية وسكاي نيوز 
قاموا ماعرفوا البث جاي من وين لكن قطعوا الانترنت وانقطع البث .
الكاميرات حتستمر تسجل لحدي ما بطاريةUPS تنتهي بعد يقطعوا الكهرباء .ولو ماقطعوا الكهرباء في المناطق بتاعت الكاميرات حتكون بتسجل ..هي بتسجل بخاصية الحركة …

المشاهدات كان في قوات لابسة اسود ومغطية وشها ودي تابعة للشرطة الامنية القوات الخاصة دفعة 44 بعد بحثنا عنها في الانترنت .
كان في قوات عندهم دقن كبير اي والله دقن عدييييل وشكلهم ماسودانيين لانهم سمان وضخام ديل كانوا لابسين لبس نجدة وعمليات .
كان في قوات كتيرة لدرجة مامكن تتخيل انو ديل جايين للاعتصام والله اكتر من 8  الف بحسابات الامتار المربعة .
الناس ديل كلهم كلهم مسلحين بالكلاش وبضربوا في الجسم مافي الهواء 
بعد شوية جو ناس لابسين زي الجنجويد وكلامهم مامفهوم ..وبكوركو بالفاظ.سيئة ونابئة مابنقدر نقولا
جو من شارع جامعة الخرطوم الشارع من اولو لحدي اخرو مليان جنجويد والضرب شغال 
الناس بتقع زي الهظار مابتقدر تصدق انتو خمسة جارين ويقعوا تلاتة فجاة 
في رصاص في الوش والعين والراس ..
الواحد ماقادر والله يحكي تفريغ الفيدوهات دي في الكتابة والله بشاعة عجيبة 
في ناس شايلين صندوق في ضهرهم شفناهو في الافلام بطلع نار دة حرقوا بيه الخيم وفكوهو في ناس عديل ..
زول مولع نار وجاري وادوه طلقة 
الخيم بضربوا رصاص من برة بدون مايشوفو في منو جوة ..
في جنجويد اي جنجويد اتقسمو كل تلاتة يجوا طالعين بي بنات وعمليات اغتصاب الواحدة دي ..
#تم حذف وتعديل التفاصيل
مافي بت حتمر بالرعب دة وحتكون طبيعية ..
عربات الدعم التاتشر الفيها شريط احمر بقت شغالة من جمب مسجد الجامعة وتمشي الكبري وبيرمو من نص الكبري 
اكتر من 13 مرة التاتشر بمشي وبرجع واكتر من تاتشر ..
دي كانت مجزرة والله مافي زول حيتخيل انو ممكن تحصل من مسلمين او بشر .
والله لو حرقناهم وسلخناهم ماحيتصدق ..
يمكن من رحمة الله انو الانترنت اتقطع لانو في مشاهد لو شاهدتوها تاني مابتكون انسان طبيعي ..حتتملي حقد وغضب لدرجة ممكن تنفجر ..
اخر شي بعد دة كلو 
انا مقتنع انو ربنا سخرنا وسخر الثوار وناس التقنية ديل عشان يفضحوا الحصل دة للعالم ..
والمتاكد منو اكتر من كدة ربنا مابرضى بالظلم .
والله دي مجزرة بمعني كلمة مجزرة 
دة يوم مفروض يكون يوم حداد طول العمر …
ربنا يرحم الشهداء