ومن دخل ميدان الاعتصام فهو في اكثر الاماكن امننا

من دخل بري فهو آمن
ومن دخل الدرايسة فهو اكثر أمانا
ومن دخل ميدان الاعتصام فهو   في اكثر الاماكن امننا

هذا وبعد. 

الموضوع:  اعتصام 27  يناير   
المكان : ميدان بري الدرايسة
الزمان : الثالثة عصرا
صاحب الدعوة : تجمع المهنيين السودانيين
الهدف: تسقط بس

1/ السادة اصحاب المركبات

– عربتك مظللة نزل قزازك وتعال خاشي بري
– عربتك مافيها لوحات ماتجي بيها وقفها برة. في الشارع الرئيسي
– عربيتك لوحات استثمار. ماتجي بيها  وقفها برة في الشارع الرئيسي
– عربتك تاتشر او بوكس. فردة 5 شنكل. خليها في البيت. افضل
– لوحات العربية مغطية بالطين او البوهية او ماشابة.  غسلها او خليها برة في الشارع الرئيسي
-شهادة البحث حقت العربية تكون معاك

2/ السادة زوار بري

– حاول ماتجي براك. جيب معاك اصحابك ,اقاربك.  الخ … المهم حاول ماتجي براك

– ماتلبسو شالات عليكم الله  الجو مابارد للدرجة دي

– ماتلبسو فريمات سوداء   الاعتصام المساء مافي زول بلبس نظارة سوداء المساء

– جاتك.مكالمة حاول ماتتكلم.  وانت بتتلفت. يمين وشمال عشان ماتثير الشكوك حولك

– حاولو ادخلو ميدان الاعتصام. بالشوارع الفرعية.  الميدان ده في  7 شوارع. بتدخلك ليهو. في شارعين بالاتجاة الجنوبي.  وشارعين بالاتجاة الشمالي  وشارع بالاتجاه الشرقي  وشارعين بالاتجاة الغربي

– لاقدر الله وتأمين الميدان انضرب.  حتعرفو قبل وقت كافي انو القوات جاية من الاتجاة الفلاني. شوف اقرب بيت جمبك ادي الباب شلوت وخش جوة. زول بسألك مافي

في بيان كامل حيطلع بكل التفاصيل.