رصد الحراك الثوري #مواكب_العزة 6/1

***************
✵ بسم الله القوي العزيز … الليلة كان شغل جميل جدا رفع معنوياتنا زيادة …
✵ من الصباح انتشرت قوات النظام في كل اماكن المظاهرات المعلنة والشرطة نزلت في المظاهرات بكامل عتادها وعربات الجيش تحرس البنوك والوزارت بالدوشكا ……
✵ شارع السيد عبدالرحمن ملغم من كل الجهات وانتشرت عربات الشرطة وبكاسي الرباطة وتاتشرات جهاز الامن بكثافة
✵ الساعة 12:30 بالضبط ناس الشرطة والجهاز بقو علي اهبة الاستعداد وجاهزين قبل نص ساعة من بداية الشغل …..
✵ في الزمن المحدد بالضبط انطلقت الهتافات بقوة في كل الاماكن المحددة واتحول السوق العربي الي عدة مظاهرات كبيرة منتشرة …..
✵ جمب استاك كان في شغل جميل جدا وهتافات قوية فشل الرباطة في قمعها ….
✵ الاستاد شهد مظاهراتين كباااار في ظرف ساعة واحدة فقط وكل م يقمعونا باتجاه بنولعا بالاتجاه التاني ….
✵ جاكسون حصلت فيهو كتمة سمحة شديد والبمبان لحدي السماء وهتافات سقطت سقطت في كل مكان ….
✵ السوق العربي بالكامل اشتعل مظاهرات
والرباطة اجبروا اصحاب المحلات علي الاغلاق وحصل اضراب كامل في السوق العربي خاصة شارع الحرية وشارع السيد عبدالرحمن وموقف جاكسون والاستاد …….
✵ موكب #بري كان مولع نار ومن بدري قفلوا الشوارع وارتفع الهتاف مادايرنك مادايرنك والشباب استلمو مكرفونات الجوامع واشتعلت هتاف الثورة من المساجد …….
✵ ناس #ابوحمامة كانو علي قدر المسؤولية وطلعوا الشارع في ذات الوقت المحدد وارتفع الهتاف ياعنصري ومغرور كل البلد دارفور …
✵ تقاطع #باشدار الديامة طلعوا الظلط بدري وهتفوا حرية سلام وعدالة الثورة خيار الشعب …….
✵ موكب #مدني صوت العزة انطلق من السوق بهتافات قوية تنادي باسقاط النظام وانضم ليهم كل الجماهير الموجودة في السوق وكان موكب بحق وحقيقة ….
✵ موكب #عطبرة خرج في موعده مع هتافات الطلقة مابتكل بكتل سكات الزول حرية سلام وعدالة الثورة خيار الشعب …
✵ كمية كبيرة من المعتقلين اليوم في الخرطوم والولايات وشهدت المنطقة بالقرب من الزيتونة اعتقالات كبيرة وتمت مطاردة عربة لوحتها 5809 تقودها احدي الكنداكات وتمت محاصرتها امام صحيفة الجريدة …..
✵ #اساتذة جامعة الخرطوم طلعوا في وقفة احتجاجية وتعرضوا للضرب والقمع لكنهم كانو علي قدر نداء الوطن ……
✵ شارع الحرية تم رصد اكثر من 5 بكاسي محملة بالمعتقلين الاشاوس ….
كان يوم ثوري بالكامل وزغاريد الكنداكات غطت الدنيا وكان دافع لينا في الصمود الاسطوري …..
اتبخرنا بالبمــــــــبان
وكان شبالنا زغــــروتا
من السمحة ست الناس
تهتف وينسمع صــــوتا
يقابلوا هتافـنا بالرصاص
نقالود وجوهنا مبسوطة
مادام القضـــــية وطن
بنعمل كل يوم جوطـــة
#الثورة_مستمرة
#مكملين