الجمعة , مارس 29 2024
ardeenfr
أخبار عاجلة
الرئيسية / أخبار لالا اليومية / يا شايل البندق حامي الحرامية

يا شايل البندق حامي الحرامية

يا شايل البندق
حامي الحرامية
طالعين عشان حقك
وشعارنا سلميه
أحمي الولود الجوك
بي غيرة وطنية
ما تقمح الأمات
بي طلقة ناريه
الحق عقيدة الجيش
والجيش نصير الشعب
والشعب ثار واختار
ثورية ثورية
يلاك نهتف فوق
سلمية سلمية
نطرد عصابة الدين
الدمرو السودان
يلاك على الميدان
من الصباحيه
نحن السمر ثرنا
شان الوطن يشفى
والخطوة تبقى تمام
والمشية دغرية
يا لابس الكاكي
وطنك بنادي عليك
وعليك بكون الرك
شمر سواعد الجد
أطرد جموع الشر
من البشير ننفك
يبقى الاسم سودان
والسمره لينا شعار
والوحده لينا سند
يا وطني يا سودان
نبنيك تبقى عمار
والخير يفوت الحد
يا لابس الكاكي
وطنك بنادي عليك
وعليك بكون الرك

عليك الرك
كلمات طبيب بيطري : فرح أدم محمود

#لا لقتل المتظاهرين

ود أدم

 

 

Print Friendly, PDF & Email

عن laalaa

شاهد أيضاً

حزب المؤتمر السوداني تصريح صحفي

Share this on WhatsAppحزب المؤتمر السوداني تصريح صحفي طالعنا البيان المؤسف الصادر من سكرتارية اللجنة …

اترك تعليقاً

لن يتم نشر عنوان بريدك الإلكتروني.