🔥  خطاب معتز موسي الإفلاس في زمن حكومة الحراميه العنصريين الفاشلة والفاسدة

ليس غريبا علي خطاب رئيس وزراء فاشل وتلاحقه تهمة قتل زميله بشير في جامعة الخرطوم ومعين لقرابته لضابط اوتي به للقيام بانقلاب علي الشرعيه والحكومه المنتخبه كمرتزق ان يجمع كل الافلاس   ..

اولا اختياره  المسجد لمخاطبة الناس ليس غريبا فهم تعودوا التمسح بالدين لمدارة جرائمهم النكراء وفي البال خطاب الضابط المرتزق عن قتل اهل دارفور دون أي سبب في ليلة رمضانيه  ..

لكن الإفلاس والخيبه ما تفوه به 

قال الرجل أن هناك دعم يومي يبلغ ٣٥٠ مليار مفقود في الحلقات الوسطي ويا للخيبه  .. طيب انت و ترسانتك الامنيه المخصص ليهم ٨٠ % من الميزانيه شغالين شنو ؟؟

هذا طبعا بعد تذكيرك انك من اوصلت سعر الدولار لسعره الحالي يا ايها الفاشل معين المحسوبيه والقرابه  .. 

ثم يشير بخباثه الي ان اصحاب الافران قد يكونوا هم المشكله بقوله انهم قد يكونون يخبزون فقط ٧ جوالات لذلك يذهب المواطنون للمخبز فلا يجدوا رغيف ثم يذهبو للمخبز الاخر وقد يكون يخبز ٧ جوالات وهكذا تحدث الصفوف والزحمه في المخبز الاخير  … بالله انظروا للسذاجه في حديث مداراة الخيبه والفشل  …  او ان اصحاب الافران يقومون بصناعه الباسطه بدلا من الرغيف  … يعني حسع معني كلامك ده اصحاب الافران هم سبب المشكله  .. ؟؟

ثم يتكلم عن ان هذا الدعم باقي لكن لماذا لا تكون هناك طريقة افضل لهذا الدعم وهو حديث واضح لمحاولة التهرب من الدعم المزعوم   .. مزعلاك ال ٣٥٠ مليار الدعم اليومي دي أها النقول ليك حاجه  قروش البترول السرقها قريبك وشلة الحراميه المعاهو وانت معاهم لمن كنت في السدود ٢٥٠ مليار دولار  .. النشوف شطارتك ترجعها كيف  !! علما ان كلامك عن دعم الدقيق تكذبه الاسعار العالميه للدقيق  …

ثم بدأ في الكذب عن سرقة اموال الناس من البنوك وقال مفروض تكون في البنوك ٤٧٠ تريليون جنيه متداولة أها النكلمك وداد سحبت ٩٠ مليار من البنوك بداية الازمه  .. النشوفك ترجعها كيف   ؟؟؟

حديث هذا البائس معتز وحديث اي مسئول لحكومه الحراميه العنصريين لمحاولة تبرير الازمات التي يمر بها وطننا الجريح لن تكون سوي مثل هذه الترهات  … لانهم لن يشيروا لاسباب الازمه الحقيقيه وهي ضعفهم الاداري وعدم كفاءتهم و عدم نزاهتهم لانهم جعلوا البلد اقطاعيه لتجاربهم الفاشله  …

ونسأل اين اموال البترول ٢٥٠ مليار

اين ذهب ارياب ٩٦ مليون يورو سنويا

اين اموال بيع مؤسسات الدولة السودانيه اعترف السجاد ان ابو الجاز استلم منها ٦٠ مليار دولار

اين ايرادات وموارد الدولة السودانيه الاخري منذ العام ١٩٨٩ ؟؟

اين اموال القروض فمديونيه السودان كانت ١٦ مليار حين استلامكم للسلطه والان ٥٦ مليار   ؟؟

اين الهبات والمنح منذ  ١٩٨٩  ؟؟

ويتكلم عن ان مال الدعم للخبز انه يبني ٧٠ مدرسه  … وال ٨٠ % من ميزانيه الدوله الماشه للمرتزقة البحموكم ديل بتبني كم مدرسه  ؟؟؟

الناس ديل ما عندهم حاجه غير الكضب  .. والمنتظر الكضاب مصارينه يباس  ..