*يابا مع السلامه*

╭─┅─═🇸🇩ঊঊঈ═─┅─╮
    📰 *وعي الطلبة*
*صوت وضمير كل الطلاب*

*#فن_وثقافة*

      *يابا مع السلامه*

*شعر:ايمان متوكل*

يابا مع السلامه
قدمناك عليهم
حميد مصطفى
حلفناك بي الله
بلغهم التحايا
سلمناك لي الله
يازين ما أصطفى
العشم البنيتو
والظلم الأبيتو
والدين الوفيتو
والصاحب الفي بيتو
والبيتك في بيتو
للدرب المشيتو
ماشين بي وراك
نورك ما انطفى
الببكوكا قشرة
والذاعوك في نشرة
خلي الليبقو عشرة
على حق الغلابه
والشارع المستف
بي عرق التعابه
يابا الدنيا أوجع
يابا الوجعه اوجع
مافكرت ترجع
عارفنك حنين
ولو موتك بي إيدك
مافكرت تمشي
وتسيب بي وراك
زول واحد حزين
حي والله إنت
ونحنا الميتين
..
بتي وبت أصول
صلي على الرسول
في الدنيا العريضة
الأنفس مريضة
شيليلك عريضة
وقدام المحاكم
والظلم اللي حاكم
أمرقي إنتي طاهرة
أكتبي كلمة طاهرة
من نجس الكلام
اوعه تخافي جورهم
بمرقو من جحورهم
خايفين الحشر
ديلا ولا بشر
لاعبين ديرا ديرا
في صف الكراسي
الفكر يدوسهم
وماقبلان قروشهم
ركبولو البكاسي
في راسي الطبنجه
ومادنكست راسي
..
_ مسرح ومدرسة في غابه
بعيد يابا
_ والاطفال
الايد في الايد
وشوف الغميد
_ ووجعة ابوي حميد
ما اظن الوجع بيفيد
ولا اظن كل بكاك ح يعيد
_ ح نبنيهو
ح تنسيهو
_ لكن كيف
..
طول ما الصباح بطلع
وتتفتح الأزهار
طول ما الضمير ما مات
طول ما البلد بي خير
من عندك أدي الغير
للوحدة للتغير
والشارع الفاتح
بستقبل الزوار
بستقبل الثوار
أمرق على الشارع
كل البلد راجياك
أمرق على الشارع
ماتخلي يومك ساي
بي غفلة منك يمر
أمرق على الشارع
ماباقي فيها عمر
أمرق على الشارع

*ﭠَڝَـدَرَ عـن مكتب طلابَ حِـۤـزْب الَبعــثَ الَعـرَﭜَـيَ الَاشـَـﭠَرَاكَــيَ*
❇════════════❇

https://m.facebook.com/wayeltlba

https://m.twitter.com/wayaltalabh2017

https://www.instagram.com/waayaltalaba