*في الذكري 47 لإستشهاد الفتى المهدوي الرفيق محمد سليمان الخليفة عبد الله التعايشي*

╭─┅─═🇸🇩ঊঊঈ═─┅─╮
   📰 *الهـدف*
*دقة الخبر مسئولية الكلمة*      

#الهدف
#الهدف_ثقافة_وفنون

*دم الشهيد موية حياة*

*الحجاج وقف قال استرحنا خلاص*
*المرق إنكسر وإتشتت الرصاص*
*من ربع الخراب جانا الخبر فى البقعة*
*الفارس وقع وقبيلتو جاتا الصاقعة*
*سيوفها إتكسرن وخيولها فزت راجعة*
*واللهب إنبهل أكل اليباس واليانعة*
*مرق الثورة ماهو حديد وماهو رصاص*
*مرق الثورة مجدول من عروق الناس*
*من شاكوش هتف جاراه صوت الفاس*
*نحنا الثورة نحنا عمادها نحن الساس*
*المجد ليك يا أبوهو يا العلمتنا*
*إنو العروبة الكادحة يوم الزنقة زادنا ودخرنا*
*وإنو البيابا الموت لا بندورو*
*لابنعرفو  لاهو مننا*
*والقومة ليك يا أمو يا الراجياهو فى أخر السنة*
*بى بت حلال تسكن إليهو يقاسما الشقا والهنا*
*لمن ظهر فى يوليو موشح مخضب بالدما*
*لا قلتى مات، لا قلتى خالف وعدنا*
*شلتي المناحة عديلة والحي ووب غنا*
*والريشة ما إنقطعت ولا صابا الونى*
*طلعت جبال قطعت بحور شقت خلا*
*مرقت مداعي زفاف وزهرة سوسنة*
*للشام ولبغداد ولي مكة وقنا*
*والسيرة مرقت فى العصير موكب سنا*
*أولنا في فاس وآخرنا فى المقرن هنا*
*وعريسنا جمل الشيل وبهجة عمرنا*
*واقف يرقص وكل بت قالت انا*
*تتقدمو وتبراهو عين الشعب*
*وتحرسه للمنى*
*لى يوم نزالنا الجاي كان غاب كان دنا*
*يوم دمهم يصبح ضريرتنا وبخورنا وندنا*
*دم الشهيد موية حياة*
*وشهيدنا دمو يشيل يلد مليون جنا.*
________________________

*▪العصيان المدني طريقنا لإسقاط النظام وإقامة البديل الوطني الديمقراطي*

*▪لا سلطة لغير الشعب ولا وصاية على الشعب.*

*ﭠَڝَـدَرَ عـنَ حِـۤـزْب الَبعــثَ الَعـرَﭜَـيَ الَاشـَـﭠَرَاكَــيَ*
❇════════════❇

لِلِمِزِيِدِ مِنِ الِأخِبِارِ تِابِعِوِا صِفِحِتِنِا عِلِےِ الِفِيِسِبِوِكِ:

https://m.facebook.com/hadafsd/

وعلى تويتر
https://twitter.com/alhadaf_albaath
╰─┅─═ঊঊঈ🇸🇩═─┅─╯