الخميس , مايو 6 2021
ardeenfr
أخبار عاجلة
الرئيسية / أخبار لالا اليومية / شعب النضال الطال

شعب النضال الطال

معز عمر بخيت
______________________

شعب النضال الطال
يا أعتى من أقوال
حان الزمن قرّب
لي ثورة الأفعال
يا جيشنا يا مقدام
راجين تجيب الفال
تمسك شعار الحق
مع شعبك انت تعال
نهزم دقون الزيف
والحاكم الدجال
ونقيم بلاد العدل
بي دين سمح وخصال
ما بي بطانة السوء
والسرقة والإذلال
ما بي الفساد والجور
ما بي كذب وضلال
لوطنا نحن نثور
زاحفين وراك رجال
أفواج من الطلاب
ونساء وشيب واطفال
زي الشمس في الليل
يتحدوا لهب الويل
ويحطوا التمثال
ويدكوا قصر الشر
إقدام رهيب زلزال
ما القصر ساسو عجين
وطوابقو من صلصال
نفداك يا سودان
في كل ساح ومجال
ليك نتحد أقوام
ناساً كتار وقلال
لا بينا غيرك وعد
شايلنو فوق إجلال
لا خوف ضرير مهزوم
لا موية في غربال
لمتين نعيش أغراب
ونسيب وطنا منال
لي ناس عديمة الحس
ابليس عليهم قال
ديل في الغواية فنون
عبدوا البنون والمال
ديل حيروا الشيطان
والتوبة تاني محال.
____________________
معز عمر بخيت

 

Print Friendly, PDF & Email

عن laalaa

شاهد أيضاً

*ساخر سبيل* الفاتح جبرا *سقوط الاتحادي*

Share this on WhatsAppما زالت حكومة الهبوط الناعم تفاجئنا بالإنبطاحات والتنازلات والتماهي المذل مع قتلة …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *