ﺍﺑﺪﺍﻉ ﺍﻟﻔﺮﺟﻮﻧﻲ ﻓﻲ ﻓﺎﻃﻤﺔ ﺍﺣﻤﺪ ﺍﺑﺮﺍﻫﻴﻢ ﻗﺼﻴﺪﺓ ﺣﺐ ﻟﻔﺎﻃﻤﺔ

ﺍﻟﺸﺎﻋﺮ ﻭﺍﻟﻤﻄﺮﺏ ﺍﻟﻜﺒﻴﺮ : ﺍﺣﻤﺪﺍﻟﻔﺮﺟﻮﻧﻰ
ﻳﻼ ﻳﺎ ﺳﺖ ﺍﻟﺴﻤﺎﺣﺔ …………..
ﻳﻼ ﻧﻮﻣﻰ ﻭﺍﺧﺪﻯ ﺭﺍﺣﺔ ……
ﺷﻮﻓﻰ ﺑﻠﺪﺍ … ﻏﻴﺮ ﺑﻼﺩﺍ ﻋﺸﻌﺸﺖ ﻓﻴﻬﺎ ﺍﻟﻘﺒﺎﺣﺔ ……..
…………
ﺍﻟﻌﺼﺎﻓﻴﺮ ﺍﻟﺤﺰﻳﻨﺔ .. ﺍﻟﻔﺎﻗﺪﺓ ﺣﺮﻳﺔ ﺻﺮﺍﺣﺎ ……….
………….
ﻣﻦ ﻛﻔﻮﻓﻚ … ﻛﺎﻥ ﺷﺮﺍﺑﺎ ..
ﻭﻛﺎﻥ .. ﺿﻤﻴﺮﻙ .. ﻟﻴﻬﺎ ﻭﺍﺣﺔ ….
ﻛﺎﻥ ﺑﺘﺸﻜﻰ ﺇﻟﻴﻚ ﻫﻤﻮﻣﺎ ..
ﻭﺍﻟﻈﻠﻢ .. ﻭﺍﻻﺳﺘﺐﺍﺣﺔ .
ﻛﻠﻤﻰ ﺍﻟﺰﻭﻝ ﺍﻟﺒﻼﻗﻴﻚ ..
ﻭﺍﺣﻜﻰ ﻟﻴﻬﻮ …. ﺑﺼﺮﺍﺣﺔ ….
ﻛﻠﻤﻴﻬﻮ .. ﻋﻦ ﺍﻟﺴﺤﺎﺏ
ﺍﻟﺸﺎﻑ .. ﺧﻼﻑ ﺳﺎﺣﺎﺗﻨﺎ ﺳﺎﺣﺔ ..
ﻭﻛﻴﻒ ﺷﻤﺴﻨﺎ .. ﺑﻘﺖ ﺗﻀﻠﻢ ﻓﻰ ﺍﻻﻓﻖ .. ﻗﺒﻞ ﺍﺻﻄﺒﺎﺣﺎ ..
ﻛﻠﻤﻴﻬﻮ ﻋﻦ ﺍﻟﻜﺮﺍﻣﺔ .. ﻛﻴﻒ ﺑﻘﺖ ﻟﻠﺬﻝ ﻣﺒﺎﺣﺔ ……….
………
ﻛﻠﻤﻴﻬﻮ .. ﻋﻦ ﺍﻟﺨﻔﺎﻓﻴﺶ ..
ﻛﻴﻒ ﻟﻘﺖ ﻓﻰ ﺑﻼﺩﻧﺎ ﺭﺍﺣﺔ ..
ﻭﻛﻴﻒ ﺗﺴﺒﺢ ﺑﺎﻟﻄﺮﺏ ..
ﻛﻠﻤﺎ ﺍﺗﻌﺎﻟﺖ ﻣﻨﺎﺣﺔ .
ﻛﻠﻤﻴﻬﻮ .. ﻋﻦ ﺍﻟﻀﺮﻭﺭﺓ ..
ﻭﺍﻟﺘﺤﻠﻞ .. ﻭﺍﻟﺘﻤﻚﻥ ..
ﻭﺍﻻﺯﺍﺣﺔ …………………..
ﻋﻦ ﺩﻗﻮﻥ .. ﻗﺘﻞ ﺍﻟﻌﺒﺎﺩ ﻇﻠﻤﺎ ..
ﺑﺎﺳﻢ ﺍﻟﺪﻳﻦ …
ﻧﺠﺎﺣﺎ …………………….
ﻭﺳﻔﺴﻔﺔ ﻗﻮﺕ ﺍﻟﻤﺴﺎﻛﻴﻦ ….
ﺑﻴﻬﻮ .. ﻳﺰﺩﺍﺩ ﺍﻧﺸﺮﺍﺣﺎ ………..
ﻛﻠﻤﻴﻬﻮ .. ﻋﻦ ﻗﻠﻮﺑﻨﺎ ..
ﻛﻴﻒ ﻣﺒﺎﻟﻴﺎﻧﺎ ﺍﻟﺨﻔﺎﻓﻴﺶ ﻓﻰ ﺟﺮﺍﺣﺎ ……….
…………..
ﺗﺮﺿﻊ ﺍﻟﺪﻡ .. ﺑﻠﺤﺎﻫﺎ …………
ﻭﺗﻨﻬﺰ ………. ﺍﻟﻔﺮﺹ ………
ﺍﻟﻤﺘﺎﺣﺔ ……………………..
ﻭﺍﻟﻤﺴﺎﻛﻴﻦ ﺑﺎﻟﻐﺒﺎﻳﻦ ..
ﺳﺎﺑﺤﺔ ﻓﻰ ﺍﻟﺪﻣﺎﻉ ..
ﺳﺒﺎﺣﺔ ………………….
ﻏﺎﻳﺘﻮ ﻳﺎ ﻓﺎﻃﻤﺔ ﺍﻟﺠﻤﻴﻠﺔ ..
ﻋﺸﺘﻰ ﺩﻧﻴﺎﻙ ……..
ﺑﻜﻔﺎﺣﺎ …………………….
ﻋﺸﺘﻰ ﺑﻰ ﺷﺮﻑ ﺍﻟﻤﻨﺎﺿﻞ ..
ﻗﺎﺑﻀﺔ ﺍﻳﺪﻙ ..
ﻓﻰ ﺳﻼﺣﺎ ………………
ﺍﻟﻀﺒﺎﻉ .. ﻣﻬﻤﺎ ﺍﺳﺘﺸﺎﻃﺖ ..
ﻭﺍﻟﻜﻼﺏ ..
ﺍﺯﺩﺍﺩ ﻧﺒﺎﺣﺎ ……………
ﺳﺮﺗﻰ ﺩﺭﺑﻚ .. ﺑﺸﺠﺎﻋﺔ …
ﻭﻗﻠﺘﻰ ﻗﻮﻟﻚ ..
ﺑﺴﺠﺎﺣﺔ ………………….
ﻋﺸﺘﻰ ﻟﻮﻃﻨﻚ ..
ﻭﻣﺘﻰ ..
ﺑﺮﺿﻮ ﻟﻮﻃﻨﻚ ..
ﺳﻤﺎﺣﺔ …………………
ﻳﻼ ..
ﻳﺎ ﺳﺖ ﺍﻟﺴﻤﺎﺣﺔ ……
ﻳﻼ ﻧﻮﻣﻰ ﻭﺍﺧﺪﻯ ﺭﺍﺣﺔ ..
ﺷﻮﻓﻰ ﺑﻠﺪﺍ ﻏﻴﺮ ﺑﻼﺩﺍ
ﻋﺸﻌﺸﺖ ﻓﻴﻬﺎ ﺍﻟﻘﺒﺎﺣﺔ .
ﺍﺣﻤﺪ ﺍﻟﻔﺮﺟﻮﻧﻰ .
ﻓﻴﻨﻜﺲ ﻓﻰ 14 ﺍﻏﺴﻄﺲ 2017