متين بتثوري يا خرطوم ؟ ..

بقلم: خضر عطا المنان
نشر بتاريخ: 03 أيلول/سبتمبر 2011

متيــن بتـثـوري يــاخـرطــوم
وتتفتح شرايين الزمن تاني
شـــلال فـرحـة فـوقـنا  تـــدوم
ونرقص في المدى الممدود
آفـــاق مافي ليـــها حــــدود
ناس (أوهـاج) وناس( مـريـوم)
ويـرجـــع (هـيثـم) المـكلــــــوم
يعـــود فرحــان يــلاقي )خـدوْم(
تـزول بيـناتــــم الجــفوة
ويعيشوا الفرحة بى نشوة
وترحـــل من ســـمانا غـيــــوم
متين بتـثــوري يــاخــــرطوم ؟
*********************
متين بتـثوري يا خــرطوم
وتشرق شمسك الغايـبة
ولـيل تضــويهو ألف نجـوم
وســــــؤالنا يـــــدوم :
متين بتـثوري يا خــرطــوم ؟
*******************
متين بـــتثــوري يا خرطوم
قِـرفنا خلاص وملّينا
وبـــلغـت روحـنا للحــلقـوم
وحتى الــشــــارع المكـلـوم
بيسأل :
متين ياعروسة النيلين
(عــزة) تـقـوم كـفاها النــوم
خلاص ملّيـنا ياخــــــرطـوم
وفينا إتهان عــــزيز القـــوم
سياسة يمين دفاع شعبي
فسـاد في حشاها متخبي
ورزق اليوم وراهو الـيــوم
متين بتــثوري ياخــرطـوم ؟.
**********************
متيــن بتــثوري يا خـــرطوم
وانتي الحالة عارفاها
ومخازي الدنيا شايفاها
بــلدنا خـراب .. نعيـق البـوم
كنا نعرفوا مليون ميل
أضحى خلاص وطن مقسوم
فـقـدنا الفـرحـة يــاخــــرطوم
وضـاع جـــرّارنا والمـردوم
عشنا سنين .. بلدنا حزين
ليــل ونـهار وطـول اليــوم
يبكي النيل يدفق دم
جـبل أحـزانو زايـد كــوم
ومما نصحى مـن النـــوم
زايــد الهـم عليـنا هـمـوم
ماعارفين .. وين ماشين
مآسي الدنيا فوقنا تحــوم
حليلو بلدنا ياحبان
حــليلو بلدنا بـلد الـشــــوم
واقف وحدو يترنّح
أضحى مصيرو ما مفهـوم
متين بتــثوري ياخــرطوم ؟.