*المجد للشهداء*✌🏻

يا شبلي يا فردة ..
يا أصلي يا دسيس ..
سامعني قول اي ..
كبرتها وفُتا وين .. ؟
ما قولته صابيها ،
جنب الترس بهناك ..
الرصه عازيها ..
الوالده هسي كيف نقدر نعزيها
ردمية والجاحفان ، تسأل عليك يا مان ..
اللفة والشارع ..
اللستك والميدان ..
تتذكر الكتمات !!
رجعتا كم بمبان .. ؟
سامعني يا *دودو* !
سامعني قول اي ..
عبرني بس يا مان ..
يا دفعه انت شهيد ..
كارب عديل صنديد ..
راكز قدامنا حديد ..
لو ما القدر بختار ،
كان متنا نحنا فداك ..
سامحنا بس معليش ..
نكروها ناس الدعم ..
نكروها ناس الديش ..
تبت ايادي الدم ..
إنت الهمام الجيش ..
حقك نجيبو قصاص ،
من شلة الانجاس ..
عزيتنا في التأمين ..
في لجنة التفتيش ..
زملانك العرفوك ،
ماقالو يوم سمعوك ..
حنكتا في البيش ..
ارقد هناك بسلام ..
نتلاقي عند الرحمن 💓

*ملحمة الثامن من رمضان*